موقف غريب حصل مع أحد أصدقائى

[ahmadkader]

أحد أصدقائى من اللى ميعرفوش حاجة فى السلاح غير الضغط على الزناد ، هو راجل دكتور معانا و مسالم و عمره ما مسك حتى مسدس لعبة :) ،، طلع فى دماغه من يومين يشترى مسدس صوت ، هو أصلا كمان ميعرفش أنهى محل سعره أحسن من التانى ، الراجل خد بعضه و نزل على محل فتح الله وسط البلد ، وقف طبعا مع الحشود اللى على الباب يتفرج على الثلاث أربع مسدس اللى فى الفترينة ، عجبه ال P29 كأى هاوى جديد ، إبتدا يسأل على ثمنه و لقاه ب 1200 جنيه على حد تعبيره ،، حتى الآن مافيش مشاكل. الغريب بقى إن فيه واحد من اللى واقفين قالله:
" تحب أجيبهولك ب 700 جنيه " ؟؟؟ ،، صاحبنا إتمخول .. ده كدا بنص التمن ؟ بس الصراحة بيقوللى قلقت من الراجل لا يطلع نصاب و اللا حاجة ؟ الراجل حس علطول ،، قالله الحاجة فى العربية اللى راكنة دى .. و شاورله على العربية ، صاحبنا راح معاه و وراله ترسانة أسلحة كلها تركى و بأسعار على حسب مابيقول أغلى حاجة ب 900 جنيه ، طبعا هو مبيعرفش فى الموديلات ، المهم أخينا لأنه مابيفهمش فى الحاجة دى برضه قلق لحسن تكون الحاجة يا بايظة يا معيوبة و مشتراش منه و قاله طيب شكرا ، و هو ماشى و إداله ظهره ، تخيلوا إيه اللى حصل ؟ 200 جنيه نزلوا فى ثانية ، يعنى ال p29 بقى ب 500 جنيه ، صاحبنا برضه قلق زيادة و مشى و سابه

اللى لفت نظرى فى الموضوع إن صاحبنا و لا عمره فهم فى السلاح و لا عمره دخل على المنتدى بس قال جملة حكمة:
قاللى " بص البضاعة اللى معاه دى يا فيها عيب يا تقليد "

يعنى الإنسان البسيط فهمها لوحده فى خمس دقايق ، و إحنا يا خبرة عمالين بقالنا يومين نضرب أخماس فى أسداس ،، صحيح يوضع سره ف أضعف خلقه :)

[blow c06]

بس هو ده تمنها الحقيقى..500 جنيه فى الp29 يدوب عليه
هو ممكن يكون كل حاجه صح و هو عنده بضاعه كتير و عايز يخلص منها قبل اليومين دول ميفوتو و يرجع كله للاسعار الحقيقيه الى هو بيقول عليها دى

[tarekvb]

مهو لما المحل يقوله 1200 وواحد تانى يوقله 500 يبقى الدكتور لازم يقول كيدا رد فعل طبيعى

[kiko_2015]

هو قبل الثوره البي 29 كان بكام ؟

[moneey1975]

سبحان الله وبحمده سبحان الله العظيم

[gamopt80]

والله حاجه تحير الواحد مبقاش فاهم مين رايح فين وايه بكام وليه وامتى :)

[tamer el-henawy]

ياجماعه الاسعار قبل الثورة بمده مش كبيرة كانت معقوله جدا ،
كان واحد صحبى عايز يشترى p29 وكان عامل 550 جنيه بكل مشتملاته من فتح الله محطة الرمل
تحياتى

[tito]

فى احتمال انتوا متكلمتوش عنه ان البضاعة دى ممكن تكون مسروقة والراجل ده مش عارف يصرفها ازاى ففكر يوقف قدام المحلات ويختار زباينة المفروض الدكتور كان خد رقم السيارة واوصاف الراجل

[msa_79]

الحكياة مش محيرة ولا حاجه الاسعار دي هي نفس الاسعار قبل الثورة بس طبعا الجشع بتاع التجار هو بس سبب ارتفاعها في السما وواضح ان فيه ناس قدرو يجيبو الحاجات دي من بره وبيبيعوها بالسعر بتاع قبل الثورة اللي كان برده مكسبه عالي جدااا وبكده يضربو التجار خصوصا ان معظمهم مش بيبيعو في محلات يعني ولا ايجار ولا ضرائب ولا مرتبات

[kiko_2015]

الحكياة مش محيرة ولا حاجه الاسعار دي هي نفس الاسعار قبل الثورة بس طبعا الجشع بتاع التجار هو بس سبب ارتفاعها في السما وواضح ان فيه ناس قدرو يجيبو الحاجات دي من بره وبيبيعوها بالسعر بتاع قبل الثورة اللي كان برده مكسبه عالي جدااا وبكده يضربو التجار خصوصا ان معظمهم مش بيبيعو في محلات يعني ولا ايجار ولا ضرائب ولا مرتبات

الله يفتح عليك يا شيخ

[smsmn8888]

حاجة غريبة وفرق السعر مش طبيعي نهائي بس هي في مشكلة صغير ان المصدر واحد ودي اساس المشكلة يعني الفرذ النظيف هتلاقي بضاعة قديمة ولكن كل الذي في السوق واحد لان المصدر هو المحل اصلاا وهو معرفو للجميع وربنا يستر بجد

[smsmn8888]

فى احتمال انتوا متكلمتوش عنه ان البضاعة دى ممكن تكون مسروقة والراجل ده مش عارف يصرفها ازاى ففكر يوقف قدام المحلات ويختار زباينة المفروض الدكتور كان خد رقم السيارة واوصاف الراجل

تا حصل فعلااااااااااااااااااااااااااااااااااااااااااااااا اااا خاص ان اغلب المحلات التي اتسرقة ماليانة مسدسات صوت بالذات

[sultan]

استر يا ستار الموضوع غريب يا اما مسروقه زى مقال العضو يا اما معيوبه وربنا يستر ومتكونش معيوبه علشان لو معيوبه هتبهدل ناس ابرياء والله والله انا خايف اضرب بمسدسى الجاكال الى لسه جايبه الاسبوع الى فات مع انى قلبت فيه بغباء واتاكدت انه هوه الى كان معايا قبل كده بس لسه مجربتوش

[kiko_2015]

نريد ان نري قطعه واحده من الصيني من كل نوع..لا نطلب المستحيل ما دامت المضروب مغرق السوق كما يقال

[unknown]

مساء الخير يا احمد
انا مقدرش افتى لأنى مشفتش اى قطعة من الأسلحة اللى نزلت السوق بالاسعار الجديدة ومقدر اقول مضروبة ولا لاء لكن اللى اعرفه ان فى تجار كبار فى مصر واسكندرية بيبيعوا اسلحة على انها تركى وايطالى وهى صينى واكيد بما انك راجل قديم وخبير هتعرف مين هما .

[أبو سلطان]

يا جماعة بلاش نهرب من الواقع
انا شفت التونا التقليد هو أخف من التونا التركىوكمان الاجزاء مش بتتفك زى اللى معايا
بس اللى جابه برضه اتضحك عليه لأنه مش متخصص فى المسدسات الصوت هو بتاع حركات بس
ههههههههههههه وكمان شكلة قله أوىههههههههه بس حبيبى

[don'tshoot]

بس هو ده تمنها الحقيقى..500 جنيه فى الp29 يدوب عليه
هو ممكن يكون كل حاجه صح و هو عنده بضاعه كتير و عايز يخلص منها قبل اليومين دول ميفوتو و يرجع كله للاسعار الحقيقيه الى هو بيقول عليها دى

ياجماعه الاسعار قبل الثورة بمده مش كبيرة كانت معقوله جدا ،
كان واحد صحبى عايز يشترى p29 وكان عامل 550 جنيه بكل مشتملاته من فتح الله محطة الرمل
تحياتى

الحكياة مش محيرة ولا حاجه الاسعار دي هي نفس الاسعار قبل الثورة بس طبعا الجشع بتاع التجار هو بس سبب ارتفاعها في السما وواضح ان فيه ناس قدرو يجيبو الحاجات دي من بره وبيبيعوها بالسعر بتاع قبل الثورة اللي كان برده مكسبه عالي جدااا وبكده يضربو التجار خصوصا ان معظمهم مش بيبيعو في محلات يعني ولا ايجار ولا ضرائب ولا مرتبات

هو ده تمنها الحقيقي... ويمكن يكون فتح الله هو اللي موقفه :)

[Zero]

بصوا يا جماعة فيه ناس أصلا همها كله أن الأسعار تبقى عاليه زى ماهيا و تزيد كمان
و على فكرة أقسم بالله العظيم أنا فعلا لو هجيب مسدس بى 29 ماهدفع فيه أكتر من 700 جنيه حتى لو البلد مش فيها بلطجيه بس دا لو فيها أسود ونمور و تماسيح و تنانيين و ديناصورات
و كلام حضرتك جميل أوى و حلو و أنا لحد دلوقتى فى حيرة بين الأمرين
لكنى منحاز أكتر لأن مفيش حاجة بايظة
لأن حضرتك كل الحوار إلى بتتكلم عليه مفيهوش أثبات أن المسدسات فيها حاجة ممكن يكون دا عشان محل ودا عشان واحد بيبيع عادى و كمان دا أنت بتقول مبتدئ يعنى أنت مشوفتش بعينك


و يا ريت إلى يشوف بعينه يصورلنا كدة التقليد أية و الصح أية عشان يحمينا برضة دا إذا كان الموضوع دة موجود أساسا

[ahmadkader]

مساء الخير يا احمد
انا مقدرش افتى لأنى مشفتش اى قطعة من الأسلحة اللى نزلت السوق بالاسعار الجديدة ومقدر اقول مضروبة ولا لاء لكن اللى اعرفه ان فى تجار كبار فى مصر واسكندرية بيبيعوا اسلحة على انها تركى وايطالى وهى صينى واكيد بما انك راجل قديم وخبير هتعرف مين هما .

يا جماعة بلاش نهرب من الواقع
انا شفت التونا التقليد هو أخف من التونا التركىوكمان الاجزاء مش بتتفك زى اللى معايا
بس اللى جابه برضه اتضحك عليه لأنه مش متخصص فى المسدسات الصوت هو بتاع حركات بس
ههههههههههههه وكمان شكلة قله أوىههههههههه بس حبيبى

منورين الموضوع يا رجالة ،، و الله أنا خلاص أخدت قرار بينى و بين نفسى عشان أقطع الشك باليقين ، أنا لا هشترى و لا هبيع أى قطعة اليومين دول لغاية ما الهوجة دى تنتهى و نرسى على بر

[sadaany]

والله الموضوع ابسط من كده مش عارف ايه الحكايه الغريبه ان اغلب اللى فى المنتدى ناس كبيره وتجار قديمه وسايبين المسرحيه تتلعب ومش عايزين ينهوها مش عارف ليه اكيد فى مصلحه لاكن ربنا كريم وقادر على كل شيئ الموضوع ببساطه شديده ياجدعان يتحل فى خطوه واحده هيا حد يجيب عرض اسعار ماقبل الثوره بشهر او 6 شهور حتى وهتبقى هيا دى متوسط الاسعار الحقيقيه بعد الربح وخلافه ايه القصه فى كده موضوع يتعمل بعنوان اسعار وانواع الاسلحه قبل الثوره وممكن تاجر من القدام الصادقين يعمل الموضوع ده ولو مفيش تاجر عايز يعملها ممكن حد من الاداره يشوف المواضيع القديمه للتجار فى ىالارشيف ويعملها اوحل ثالث ان كل واحد يخش الموضوع من الاعضاء اللى اشتروا قبل الثوره ويكتب النوع والسعر والشهر اللى اشترى فيه ولو الاسعار المعروضه جديد تشابهه مع الموضوع كمرجع يبقى الموضوع طبيعى لام مجرد المقارنه بالاصدارات القديمه لايعتبر كافى ولا صحيح لان ممكن يبقى فى اصدار لنفس المنتج بس التشغيله معدله اما فى اللون او الخامات او طريقه الكتابه مش معنى كده انها بقت مضروبه ده ممكن تكون افضل من القديم كمان وتنتهى القصه دى لاكن كل اللى قال ان فى تشغيله صينى هل انتا متأكد ان القديم اصلآ مكنش بيتصنع فى الصين بأسم الشركات الكبيره هوا حد من اللى اشترى او اللى تاجر كان بيبص على شهاده منشئ المنتج وهوا بيشتريه والسريال اللى عليه ولا كان بيشوف الافراج الجمركى بتاع البضاعه ياريت المهزله دى تنتهى وياريت الاقتراح اللى انا قلت عليه حد يعمله خدمه للاعضاء او اى اقتراح مشابه وانا مع كل اللى قالوا ان موضوع نزول صينى ومضروب مجرد اشتغاله لان مفيش حد جاب دليل واحد على الرغم من ان كتير قال انه شاف واتعرض عليه حتى الاخ الكريم اللى حط صوره البلو c وقال انه شاف واحد اقصر منه واخف محطش صوره للاصدار التانى او مكان بيعه على الرغم ان من الممكن ان نفس الشركه تعمل تشغيله جديده وتعجلها هنقلها لا مش عيزين تطوير معلش دى وجهه نظرى وخلى بالكم انا صيدلى والسوق اللى بشتغل فيه مليان ادويه ومنتجات مضروبه سواء تجميل او اجهزه ولو كل منتج طريقه الكتابه او لونه اتغير هنعتبره مغشوش يبقى طبعآ بنهرج ومنعرفش حقيقه السوق وسياسه البيع والنتاج والتطوير