الاخوة الاعزاء اعضاء المنتدي الكرام

بعد ان كتبت في موضوع التكاتف من اجل اذهار وتطوير المنتديات المصرية وانا اشكر كل من رد علي الموضوع شكرا جزيلا لتثبت نظريتي في ان الاعضاء جميعا اعتبروا ان المنتديات بيتهم الثاني وفي بعض الاحيان قد يمون الاول .
اكتب اليوم في موضوع اخر راجيا من الله ان يلقا صدا لدي الاعضاء الاعزاء وهو ( الاستفادة من الخبرات )
**
بطبيعة الحال هناك اعضاء بارزين في المنتدي من ذوي الخبرات في مجال الصيد والاسلحة التي تعتمد علي اسلوب ضغط الهواء والاسماء كثيرة وكثيرة جدا والمطلوب منهم الاجتماع اسبوعيا لتبادل الخبرات ونقلها الي الجيل الجديد من الصيادين الذي اتوقع لهم مستقبل رائع في تلك الهواية الرائعة علي ان يجهز كل فرد الافكار التي يريد ان يزيد معلوماتة فيها سواء ( فك وتركيب - اصلاح - دهان - قطع غيار - رحلات - بيع وشراء ) علي ان يتولي المناقشة وادارة الجلسة شخص واحد مع تغيير العضو كل مرة وذلك لاتاحة الفرصة الي الجيل الصاعد ليتولي ادارة المناقشات فيما بعد
واعتقد انها فرصة جيدة للتعارف وتبادل اطراف المناقشات .

**
طرح موضوع انشاء جميعة تحت اسم ( جمعية محبي الطيور والصيد ) دة مجرد اقتراح للاسم وليس الزام للمناقشة
والحوار واستطاعة تفعيل هذا الموضوع في اقرب وقت وانضمام اكبر عدد من الاعضاء الية علي ان يكون من الاهداف الاساسية تطوير المنتديات المصرية الخاصة بمحبي الصيد

**
مناقشة موضوع هام جدا وهو مساعدة الاعضاء في الشراء للبنادق باسعار منافسة للتجار وهنالك اعضاء يمكنهم
توفير البنادق باسعار جيدة للاعضاء
انا في غاية السعادة لعودة المنتدي مرة اخري ولوجود منتدي اخر في مصر ارجو ان لااكون قد اطلت عليكم لكم مني كل التحية

جلال باشا
إقتراحات بديعه كالعاده وأنا أؤيدك فيها خصوصآ الإستفاده من ذوي الخبره
خصوصآ و الحمد لله إن الواحد حاسس فعلآ إن الكل إخوات هنا
ماحدش بيستهذىء بحد ولا بجهل حد ذي مابيحصل في منتديات تانيه
فابالتالي مش عيب إن الواحد يستفسر عن حاجه مش عارفها حتى لو بالنسبه لحد تاني
هيى حاجه بديهيه

تحياتي ليك ولسيف

الاخ العزيز حسام
تعودت دائما علي ان اول الاعضاء تعقيبا هو سيادتكم وشكرا لك شكر وافر ولكن لن نسمح لاحد بالسخرية او الاستهتار باحد ولا يعيب الفرد ان يكون جاهلا بامر ما ولكن العيب ان يتعالي الفرد علي الاخرين بمعلوماتة ويقول الله سبحانة وتعالي (( وما اوتيتم من العلم الا قليلا ))
ومهما بلغ الانسان من علم فهو جاهل امام العلم الذي انلة الله وعلم الدنيا
تحياتي

استاذ جلال احى حضرتك على ا لاقتراحات الجميله جدا دى ويا ريت فعلا اى واحد عنده معلومه ينقلها للتانيين الاقل خبره او حتى انه دا يحصل كنوع من تبادل المعلومات ودا يكون بشكل منظم زى ما حضرتك اقترحت لان فعلا موجود معلومات كتير فى المنتدى بس بشكل عشوائى
انا شخصيا لما بحب اعف عن حاجه معينه بدوخ بين المنتديات فالموضوع محتاج ترتيب بسيط

طبعا من بعد ما شاء الله شفت ناس هنا خبرتها كبيره جدا انا هكون اول واحد مستنى يتعلم منهم

وبالتوفيق دايما استاذ جلال

وانا انتهز الفرصة لدعوة الاعضاء الي يوم الجميس القادم في اي مكان ونرحب بكل الافكار لاختيار المكان

أخي وحبيبي وصديقي العزيز جلجل
أهو ده بقي الكلام وده الشغل بجد اللي مطلوب وأنا بعد حديثنا التليفونى أفتكرت مباشرة جلستنا الجميلة الأخيرة واللي كان موجود فيها أنا وأنت وهيثم وأحمد رجب وعلاء وعماد النجار ووليد الشيمى وأشرف باهي وقد أيه القعدة كان تموج في جو من المحبة والألفة وٌقد أيه كم الخبرة اللي بيتم تبادلها مابين محبي هذه الهواية عندما يجتمعون سويا .
ثم أن عظمة أقتراحك هذا في أنه سيكون بمثاية اللبنة الحقيقية التي يمكنها أن تحول المنتدي الرقمي الأفتراضي الي منتدي حقيقي يعرف أفراده بعضهم البعض وجها لوجه وليس خلف لوحة مفاتيح .
تسلم يجلجل وتسلم أفكارك الحلوة ويبقي التفعيل وأنا أول واحد جاهز .

الموضوع في غايه الروعه والجمال وانا احب اني اقسم كلام حضرتك في موضوع (فك وتركيب - اصلاح - دهان - قطع غيار - رحلات - بيع وشراء ) وان ينقسم ان كل كلمه من الكلامت دي يعتبر موضوع كبير مفيش فرد واحد قادر انه يتكلم في لوحده لذلك انا اقترح بعد الاجتماع الي يتم بين الصيادين كلهم انه كل واحد يخصص مجال يتكلم فيه ويتعرف بيه انه اكتر واحد يقدر يفيد في الموضوع ده علي سبيل المثال حضرتك تقدر تتكلم في مجال الاصلاح اذا حضرتك تنقلنا خبرتك فيها وهكذا حتي يتم انشاء الجمعيه المنظمه لذلك علي اساس علمي منظم وقيادات يحتذي بها ارجوا اني اكون وضحت وجهه نظري

يا عاصم يا حبيبي انا لما حطيت الاقسام كان القصد التنوية وانا بشكر حسن تحليلك للامور ودة معناة ان افكارنا واحدة ومحتاجين بس نرتب الموضوعات ونصيغها في قالب ومنظومة الهدف الاساسي منها خدمة محبي الصيد وتنمية قدرتهم علي الاصلاح ومواجهة المواقف والمشاكل التي قد تحدث للبنادق التي تستخدم وايضا التقارب بين الاعضاء وعلشان ننمي الموضوع دة لازم نقعد مع بعض ومرة يا عم تعزمنا علي الشرقية ومرة تيجي القاهرة ومرة عند ابو الشوق في المنوفية ومرة في الصعيد ووالله ياعاصم لو الموضوع دة مشي زي ما انا وانتم مخططين لة في خلال سنة واحدة هايكون للمنتدي شأن اخر ودة بفضل تكاتف الجميع وخدمة المنتدي وانا اولكم واقل واحد فيكم بس المهم البداية يا جماعة البداية

انا عنيا ليك ولكل اعضاء المنتدي طبعا الي اصطدفتهم والي لسا هستضفهم ان شاء الله وانا معاك ومستعد لاي اجتماع يضم اعضاء المنتدي ورقم تليفوني معروف لدي الجميع في اي وقت كلموني وانا هكون في اول الحاضرين ان شاء الله

الناس كلها تعرف تليفونك وانا لأ ارجوك ابعتة بسرعة

اتفضل اللينك ده في رقم تليفوني http://www.egypthunt.net/showthread.php?t=431

هوة الموضوع صعب للدرجة دية انا مش شايف الا عدد 5 او 6 اعضاء بس الي ردوا علي الموضوع معلش انا ماكنتش فاكر ان الموضوع صعب قوي كدا بس الغريب ان اثناء توقف المنتدي كان في اعضاء شبة كل يوم يكلموني المنتدي مغلق لية واحنا مستعدين لاي نوع من المساعدة طب والحمد لله المنتدي رجع اقوي من الاول والاعضاء في زيادة مستمرة بس مش عارف في اية ياجماعة احنا قدمنا فرصة ذهبية لعمل جمعية لمحبي الطيور والرماية وتنمية المواهب وكان في اعضاء بيكتبوا وبيشاركوا يوميا مش شايفهم خالص لو حد زعلان اة عندة اي اعتراض او تعديل يكتب للقائمين علي المنتدي ويطرحوا الافكار ياجماعة احنا عايزين المصلحة ثم المصلحة ثم المصلحة

كلامك فعلا صح استاذ خليفه انا كان في اعضاء يكلموني ويقولوا انهم مستعدين للمساهمات الماليه لكن كله كان كلام طبعا مع احترامي الشديد لكل الاعضاء وفي كلام كتير اتقال عليا بسبب قفل المنتدي ولكن جميعها لا تعرف للحقيقه مكان المهم وقلت ان او خطوه في الجمعيه هيا الموقع وانا هفتحته تاني وبعد متفتح الموقع ولا تليفون واحد ولا اتصال وطبعا كله كلام وخلاص

الاخ العزيز / عاصم
طبعا يا عاصم الكلام كتير بس انا عايز ااقسم الاعضاء الي مجموعات

مجموعة عندها خبرة بالصيد وبقالها باع ومدة ومش ممكن تبطل صيد مهما كانت الاسباب

مجموعة جديدة بموضوع الصيد ودية تنقسم الي محموعات عديدة
*** الاول عايز يعرف ويتعلم وهوة دة الي احنا عايزين نحببة في الهواية .
*** الثانية فاكرة ان الموضوع رحلة او سينما عجبها الفيلم فكملت او معجبهاش فهي قاعدة علي مضض.
*** الثالثة الهدف الرئيسي لها الجدال من اجل الجدال والهجوم علي الاخرين وبس .
*** الرابعة وهي واخدة المنتدي لاهداف شخصية ومنفعة وتسلية وتضيع وقت .
علشان كدة يا عاصم ان اصريت اني افتح الموضوع دة وفي الوقت دة علشان نعرف الواحد مننا ها يكمل ولا كفاية
كدا وقفل علي المواضيع .
ياجماعة الخير انا من خلال المنتدي هذا تعرفت علي ناس والله في منتهي الادب والاحترام منهم كتير وكتير قوي
( طلعت بخيت - اشرف باهي - محمد السيد - علاء - ابو الشوق - احمد كمال - عمرو ابو العلا - مروان - حسام عبادي - وليد الشيمي - الشيخ مجدي - وجدان - مصطفي هانتر - عماد النجار - وطبعا انت ياعاصم ) وناس كتير كلموني بالتليفون وناس شفتهم وناس ماعرفهاش خالص وناس ساعدتني وناس تانية انتقدتني ودخلنا في جدال وحوار طلعت انا غلط انا صح مش هي دية المشكلة كفاية ان احنا نعرف ناس في اسكندرية والمنيا وبني سويف والفيوم وطنطا والشرقية وبورسعيد واسيوط والمنصورة يعني كل المحافظات .
وبعدين اية الفائدة واحنا بعاد عن بعض مفيش سقف ولا غطاء . يبقا الواحد يرجع زي زمان ويطلع يضرب والسلام وهوة الواحد بيشبع زغبة الصيد والهواية الي عندة والسلام .

يا جماعة الي عايز يكمل ها يكمل والي ممتنع يقول بردة علشان الراجل الي دافع فلوس في المنتدي وها يدفع كمان وكمان يعرف ها يعمل اية واحنا نبطل كتابة في الموضوعات وتطوي الصفحات وتغلق الكتب وكل سنة وانت طيب

بسم الله الرحمن الرحيم
جلال بك معلش انا ليه تعليق صغير
المشكله لها عده جوانب في انه محدش اتصل او ظبط الاجتماع ده
1: انشغال الاعضاء بالحياه ذاتها . يعني اي عضو بيروح يصطاد اكيد بيفضي نفسه للصيد بالعافيه ومره تصيب ومرتين تخيب.

2: الانقسام الي حدث منتدي اولي جمعنا وانقفل طب حيرجع وله لاء.... ايوه ....... لاء ................ وبعدين رجع بعد افتتاح منتدي اخر البعض بيكتب في الاتننين والبعض تحيز لواحد منهم !!!!!!!!!!!!!!!!!!!!!!!!.

3:بعض الاعضاء الجدد ممكن تكون الهوايه عجباه او شداه اويييييي بس تعالي نفسر ردودهم وكلامهم تلاقيه مش عايز اي كلفه ماديه او كلفه بسيطه .... بمعني لو عضو عايز يشتري بندقيه ما يزدش تمنها عن 800 جنيه مش ممكن يدفع مواصلات او بنزين 100 او 200 جنيه علشان اجتماع او رحله صيد مش علشان هوه ماعهوش لاء علشان دي الميزانه التي قام بتحديدها للموضوع كله........ مسيرهم دول لو عجبتهم الهوايه يلاقوا نفسهم عندهو اسلحه و طلقات تعدي ال 20 او 30 الف علي الاقل بس بعد كذا سنه يعني متستناش منهم حاجه دلوقتي.

4: وهناك اسباب اخري كتير اوي

انا عايز بس في النهايه اقول لمعاليك متزعلش ولا تياس مسير الاجتماع يحصل ويبقي عاده بس الصبر يا اخواني

بصراحة الموضوع شدني جامد عموما ابدء بالسلام ايه الاخبار يا استاذنا الكبير ا جلال وايه اخباركو يا احلي صيادين .. ؟؟؟؟
احب اشارك كدة ببعض النقاط معاكم في الموضوع اللذيذ ده
1 في مشكلة كبير بتقابلنا في موضوع المواعيد يعني مثلا لو قلنا ان احنا هنتجمع مثلا يوم الاربع علي سبيل المثال ممكن يكون كذا عضو مشغولين ومعندهمش استعداد لانهم يسيبوا شغلهم ويجوا يتكلمو عن هوايتهم؟؟؟
الحل ((من وجهة نظريى الشخصية)) اننا نحاول نتفق علي يوم يكون الاغلب مننا فاضي ولو يوم الخميس بالليل لان معظمنا عندة اجازة يوم الجمعة فممكن حتي ولو كان مشغول فيعوض اللي فاتة في شغلة (طبعا ده لو كان شغل حر او دراسة ) يوم الجمعة وكمان يتم الاعلان هنا في المنتدي علي اليوم والمكان والموضوع قبلها بكام يوم علشان الناس تقول رائيها في الميعاد او الموضوع
2 كمان فيه مشكلة وهي ان كتير مننا بيتكسف انة يسال باقي الاعضاء علي حاجات هوا ميعرفهاش وكمان مشكلة تانية وهيا قابلتني انا شخصيا وهي اني بدات اتكسف من كتر اسئلتي للاعضاء هنا في المنتدي عن اشياء في الصيد وانواع البنادق وبقيت كل اتصلاتي بيهم دلوقتي بس سوال اطمئنان عليهم بمعني اني كلمت (ا جلال ا طلعت كاريزما ) عشرات المرات وكل ما اكلمهم الاقي سعة صدرهم وذوقهم العالي كل مرة لدرجة اني خايف ليكون دة بس ذوق من طرفهم بس واني اكون تعبتهم من كتر ما بكلمهم
3 اقتراح ::::: سرعة تحديد الميعاد ((علي الرغم من انه لو كان الاسبوع دة انا مش هقدر اكون معاكم لانك عارف يا ا جلال اني من اسيوط وانا نازل الاسبوع دة لاهلي وانشالله احاول اقنع بابا اني اسافر القاهرة بالبندقية انت عارف اني اتمسكت في القطار قبل كدة بيها بس برضو هحاول لاني شايف محاولاتكم جادة جدا لتنمية المنتدي وخبرة والصيادين ولان الخروج في رحالات للصيد بجد بتدي خبرة حلوة للواحد
4 عن تجربة شخصية ::: انا بصطاد من صغري وانا 8-9 سنين بس دائما بمفردي وكان ليا الشرف اني رحت رحلة صيد لمدة 2-3 ساعات مع ا طلعت وابنه ريناتو وكاريزما من حوالي شهرين ودي كانت اول طلعة ليا مع اي واحد دايما انا بصطاد لوحدي بجد انا استفدت في الساعتين دول بشكل غير عادي وكنت فرحان وفي منتهي السعادة لما بيقولي ا طلعت علي بعض الملاحظات في الصيد وعلي انواع الطيور وسلوكياتها والكثير من المعلومات القيمة وكل ده في الساعتين بتوع الصيد يعني متعة وممارسة وخبرة
5 كمان ان الواحد يتعرف علي ناس بتشاركة في المنتدي وهوايته وافكارة ده شي رائع
سامحوني علي كلامي الكتير بس صدقوني موضوع تبادل الخبرات دة ميتفوتش ومستني تحديد الميعاد...........

بصراحه الفكره عاجباني جدآآآآآآآآ
بس المشكله إنها فعلآ صعبه لكن ممكن يكون الحل في رأيي إن تحديد الميعاد يكون قبلها بفتره كبيره
شهر أو إتنيين مثلآ بحيث الواحد يعرف يظبط أموره
يعني مثلآ أنا في مطروح وشغلي بيخلليني أتردد على القاهره كل فتره فممكن أعمل حسابي على الإجتماع مثلآ

عمومآ أنا موجود في القاهره الفتره من 15-19 نوفمبر وضروري إنشاء الله أقابلك وأي حد من الحبايب
لو سمحت الظروف

اولا انا هبدا بالرد علي استاذ ولتر في جمله ان المنتدي ( وبعدين رجع بعد افتتاح منتدي اخر البعض بيكتب في الاتننين والبعض تحيز لواحد منهم !!!!!!!!!!!!!!!!!!!!!!!!.) لا ده غلط تماما وانا مش معاك فيه نهائيا انا المنتدي بتاعي كان قافل بسبب مشاكل ماديه وخلافات .......... الخ في الان ده كلمني الشيخ مجدي وانا شجعته انا اتمني يكون مكان المنتدي يكون مليون منتدي مصري بالنسبه للتحيز مفيش تحيز ولا حاجه بين الا عضاء الي بيكتب هنا يكتب هناك متفرقش اهم حاجه الاستفاده للنفسه يستفيد عن صرف النظر اخد المعلومه من اين وكان الاعضاء يكلموني اقلهم ان المنتدي هيفتح بس لما المشاكل تتحل والحمد لله اتحلت ففتحت بالنسبه للاجتماع والفلوس زي منتي قلت احنا مبنطلبش حاجه غصب عن الواحد لا بالعكس احنا عايزين نجتمع عشان نسهل الامور عن كل الناس سواء كانت ماديه او في ترخيص او في معلومه سواء الاجتماع كان فيه 5 اعضاء او حتي اكتر او اقل المهم قوتهم ايه ويقدروا يعملوا ايه وطبعا دول معروفين مش ليا انا بس لا لكتير من الاعضاء .

يا جماعه المنتدي كان فكره عندي اصريت اني انفذها ونفذتها انا مستعد اعمل اكتر من كده كتير قوي قوي وحاولت اعمل لاعضاء بس لاسف طبعا مش محتاج اقلكم علي النتيجه انا مع احترامي لكل الاعضاء (انا طالب اجتمع بالاستاذ جلال _ والاستاذ اشرف _ والاستاذ عماد _ والاستاذ طلعت ) في لقاء مصغر للتنسيق علي ميعاد يجتمع فيه باقي الاعضاء من ذوي الثقل في المنتدي وانا حددت بعض من الاعضاء حتي يتم الاجتماع الموسم للاستقرار علي ما سوف يكون ووضع الاسس .

الاخوة الاحباء كل من تفضل وكتب في هذا الموضوع لة الف تحية وشكر علي تفاعلة الجيد بل الممتاز ان كنت اقصد عندما طرحت هذة الفكرة ان اجمع الاعضاء وغير الاعضاء من محبي هواية الصيد والرماية والقنص في قالب واحد وهو الجمعية والغرض من تلك الفكرة هي عدم تعرض المنتدي او الاعضاء الي مايعكر صفوهم .
اعلم جيدا ان الجميع لديهم من المشاغل وضغوط الحياة الكثير جدا بس والله انا مش طلب المستحيل انا طالب اجتماع بلاش اجتماع قاعدة صداقة وود ومعرفة بين الاعضاء واحنا عملنا الموضوع دة قيبل كدا انا وطلعت واشرف باهي ووليد الشيمي وعلاء واحمد رجب وعماد النجار والناس جت وقعدنا مع بعض اكتر من 5 ساعات اتكلمنا في حاجات كتير في الصيد والبنادق والرحلات حتي الاحياة الاسرية اتكلمنا فيها وكل الناس الي جت عندها شغل وانا حاليا والله مشغول جدا بس مش ممكن يوم يعدي الا لما اشارك في الرد علي الاعضاء يعني معني كدا اني فاضي لا طبعا كلنا عندنا مشاغل بس نصيحة للجميع بما اني رجل علم نفسي لازم تخرج نفسك في هوايتك المفضلة وهي دية الهواية الوحيدة الي عدنا وانا يااستاذ عمرو مش يأس ولا حاجة انا عايز الاصلح وياعاصم انا مواقف علي الاجتماع ولو عايزني اجيب الاخوة الي ذكرتهم واجي لحد عندك انا ما عنديش مانع نهائيا وايضا انا مش عايز حد يقول ان في تحيز لمنتدي علي حساب منتدي لا المنتديات المصرية وجهة مشرفة لينا كلنا وفعلا انا بكتب في الاتنين في اعضاء كتير بتعمل كدا ودة مش عيب احناعايزين الباس تحب بعض وتخاف علي بعض وتساعد بعض اكتر واكتر ولي كلمة اخيرة شكرا لكل الاعضاء علي تفاعلهم

يا جماعه المنتدي كان فكره عندي اصريت اني انفذها ونفذتها انا مستعد اعمل اكتر من كده كتير قوي قوي وحاولت اعمل لاعضاء بس لاسف طبعا مش محتاج اقلكم علي النتيجه انا مع احترامي لكل الاعضاء (انا طالب اجتمع بالاستاذ جلال _ والاستاذ اشرف _ والاستاذ عماد _ والاستاذ طلعت ) في لقاء مصغر للتنسيق علي ميعاد يجتمع فيه باقي الاعضاء من ذوي الثقل في المنتدي وانا حددت بعض من الاعضاء حتي يتم الاجتماع الموسم للاستقرار علي ما سوف يكون ووضع الاسس .
استاذ عاصم بعد التحية حضرتك بتقول ان الاجتماع سيكون لمن لهم ثقل في المنتدي يبقي الموضوع ميبقاش الاستفادة من ذوي الخبرة في المنتدي كدة هيكون تبادل خبرات لمن لهم ثقل فقط اما ما فهمتة من ا جلال بموضوعة هذا ان الاجتماع دة لمن لهم خبرة ومشاركة كبيرة بالمنتدي ومن ليس لهم ويريدوا الاستفادة واخذ الخبرة من باقي الاعضاء الكرام

ازيك يا وجدان واخبار الديانا 54 اية طبعا مكسر بيها الحمام واليمام في اسيوط
بس يا باشا اعتقد ان الهدف من الاجتماع الي عايزة عاصم توضيح وتنسيق فقط لاغير علشان نقدر نخلص كل الامور في اسرع وقت ممكن لان الوقت ها يجري ومش ها نعمل حاجة مش الهدف منة نقل او الاستفادة من الخبرات
احنا لسة في اول الطريق واحنا كلنا تحت امر اي عضو عايز اي استفسار .

بسم الله الرحمن الرحيم
جلال بك معلش انا ليه تعليق صغير
المشكله لها عده جوانب في انه محدش اتصل او ظبط الاجتماع ده
1: انشغال الاعضاء بالحياه ذاتها . يعني اي عضو بيروح يصطاد اكيد بيفضي نفسه للصيد بالعافيه ومره تصيب ومرتين تخيب.

2: الانقسام الي حدث منتدي اولي جمعنا وانقفل طب حيرجع وله لاء.... ايوه ....... لاء ................ وبعدين رجع بعد افتتاح منتدي اخر البعض بيكتب في الاتننين والبعض تحيز لواحد منهم !!!!!!!!!!!!!!!!!!!!!!!!.

3:بعض الاعضاء الجدد ممكن تكون الهوايه عجباه او شداه اويييييي بس تعالي نفسر ردودهم وكلامهم تلاقيه مش عايز اي كلفه ماديه او كلفه بسيطه .... بمعني لو عضو عايز يشتري بندقيه ما يزدش تمنها عن 800 جنيه مش ممكن يدفع مواصلات او بنزين 100 او 200 جنيه علشان اجتماع او رحله صيد مش علشان هوه ماعهوش لاء علشان دي الميزانه التي قام بتحديدها للموضوع كله........ مسيرهم دول لو عجبتهم الهوايه يلاقوا نفسهم عندهو اسلحه و طلقات تعدي ال 20 او 30 الف علي الاقل بس بعد كذا سنه يعني متستناش منهم حاجه دلوقتي.

4: وهناك اسباب اخري كتير اوي

انا عايز بس في النهايه اقول لمعاليك متزعلش ولا تياس مسير الاجتماع يحصل ويبقي عاده بس الصبر يا اخواني

الاخ العزيز جدا عمرو بك
اولا انا متفق معاك في الي انت قلتة بس تعالي نحلل كل نقطة علي حد

1- كلنا عندنا مشاغل ومطحونين في الحياة وانا وانت اولهم وغيرنا كتير بس يعني حتي حقا في اشباع الهواية الي احنا بنحبها ها يسلبوة منا لا والف لا لازم ننفس عن نفسنا ولو بقدر صغير

2 - مافيش انقسام ولا حاجة المنتدي لظروف اي كانت توقف عن العمل وفتح منتدي جديد وجميل كلنا رحنا واشتركنا فية بدون تردد وانا شخصيا بكتب في الاثنين وبدخل عليهم يوميا وما فكرتش اتحيز لاحد وغيري كتير زي طلعت واشرف باهي وابو الشوق ووجدان وكتير والي عايز يتحيز هو حر وقد يكون لة رأي اخر ولكن الاخ مجدي رجل محترم ومنتداة جميل جدا

3 - طبعا الناس او الاعضاء الجدد مش عارفين ان الاسعار زادت بنسبة 1000 % وممكن اكتر والدليل علي كدا البندقية الجامو كانت ب400 جنية دلوقتي ب 3300 جنية واحنا علينا نرشدهم ونوعيهم ولو هوة عايز يشتري بندقية ب 800 موجود والي عايز ب 8000 موجود مش هي دية المشكلة الي انا اقصدها انا اقصد التكاتف والمصلحة والدليل علي كدا ان في ناس جدد اشترت بنادق 52 و 54 وفي ناس اشترت المعادي وجامو ونوركا .

4 - الاسباب الاخري انا عارف انها كتير وكتير .
معلش انا طولت عليك بس ان بحب المنتدي دة والتاني وعايز الناس كلها تحيهم وتخاف عليهم وتطورهم كمان وكمان

انتوا طبعا تنورني يا مرحب بيكم بس الاغلبيه العظمي موجودين في القاهره فصعب انك تنسق بينهم فنسق واكلمني تليفونيا وده رقم تليفوني واتمني يكون في اقرب فرصه 0115899499 ولو ممكن تكتبلي رقم تليفونك ويا استاذ طلعت رقم تليفونك

يا جماعه المنتدي كان فكره عندي اصريت اني انفذها ونفذتها انا مستعد اعمل اكتر من كده كتير قوي قوي وحاولت اعمل لاعضاء بس لاسف طبعا مش محتاج اقلكم علي النتيجه انا مع احترامي لكل الاعضاء (انا طالب اجتمع بالاستاذ جلال _ والاستاذ اشرف _ والاستاذ عماد _ والاستاذ طلعت ) في لقاء مصغر للتنسيق علي ميعاد يجتمع فيه باقي الاعضاء من ذوي الثقل في المنتدي وانا حددت بعض من الاعضاء حتي يتم الاجتماع الموسم للاستقرار علي ما سوف يكون ووضع الاسس .
أخي وصديقي العزيز / عاصم باشا
أنا علي أتم أستعداد لهذا اللقاء في أي زمان ومكان تحدده ولو أتصلت بيا دلوقت وقلت لي تعالي عندي فى الشرقية حالا ها أقوم بعد التليفون أدور عربيتى وبعد ساعة ونصف أكون عندك........... وجربنى

رقم تليفوني لأي حد عايزه هو 0101776118 وأنا تحت أمر الجميع الصغير والكبير

وأسمحوا لي أنا كمان لى أقتراح في هذا الصدد
بسيط جدا ........... لطيف وسلس .................وأنشاءالله يكون فيه نهاية هذا الشأن
أجتماع أعضاء منتدي الصيد المصري يوم الخميس الأول من كل شهر
يقوم الأستاذ جلال مثلا بالتنويه عنه قبلها بمدة كافية المكان والزمان
يوم الأجتماع يبدأ كل من سوف يحضر بالأتصال بمنسق الأجتماع ويعلمه بمجيئه فأذا زاد العدد عن 5 أو6 أعضاء يلتقون وينفذ الأجتماع وفى اليوم التالي للأجتماع يبدأ من حضروه بكتابة ماتم به
ويجوز أن ينسق الأجتماع كل شهر شخص مختلف
ويجوز أن يكون الأجتماع كل مرة بمحافظة مختلفة
وثمار هذه الأجتماعات ستكون هي المحفز لكل من يهتم فعلا بهذا الهواية للحضور
حتي يأتي اليوم الذي نقول فيه أن الأجتماع في الشرقية عند عاصم أو في أسكندرية عند أخويا عمر
فنجد أن نسبة الحضور هى 75 % من نسبة الأعضاء بالمنتدي
قولوا يارب

اقتراح جميل جدا وانا فعلا نوهت عن اجتماع يوم الخميس القادم