ابو سيف : الشعب يريد اسقاط ...... [الأرشيف]

مشاهدة النسخة كاملة : ابو سيف : الشعب يريد اسقاط ......

kiko_2015

11-06-25, 11:26 PM

السلام عليكم و رحمة الله و بركاته
بعد تساؤلات عديده وراء السر في هبوط الاسعار..وكانت البدايه بفضل الله في اعلاناتي والتواريخ موجوده لديكم..

احب اقولكم انني اتعرض لحملة ( حرب) من التجار الكبار..لمجرد انني فكرت ابيع بسعر مناسب للناس..
معجبهمش الكلام ده يا عيني..تلقيت اتصالات تهديد..تهديد بمنع البضاعه عني..وتهديدات بتدبير كمين ليا عن طريق بلاغات للشرطه..وحاجات كتير من هذا القبيل..

وبالفعل تم قطع أي بضاعه عني..

واما ارجع لرشدي و صوابي حسب كلامهم..وابيع باسعار ما بعد الثوره..
و الحجج كثيره عشان نغلي الاسعار تاني
علي سبيل المثال :
1- نغلي الاسعار غلي قفا اشاعه ان السوق غرق سلاح صيني

2- نغلي الاسعار تاني علي اساس ان الكميه اللي معايا خلصت و المستورد منه لله هو السبب
علي العموم الاسعار اللي انا نزلت بيها دي عاديه..انا معملتش المستحيل يعني..انا كده كده بكسب..لكن والحمدلله افضل اني اكسب مكسب شرعي و حط تحت الكلمه دي مليون خط
انا رفضت الكلام ده..وبفضل الله رفضت القبول ان حد يجبرني علي شئ..ولو فكرت الف مره تاني هقول الف لا

الحمدلله التجاره دي ليست مهنتي الاساسيه..وافضل اني ابطلها و اسيبها خالص عم اني استغل ظروف ما بعد الثوره..وانا لما افكر استغل الظروف اللي مصر بتمر بيها..هستغل الظروف و اتعاطف مع الشعب عشان اللي ميقدرش يشتري يقدر..وعشان اللي محتاج حميه يحمي نفسو ينام وهو مطمن..وربنا هو الستار علي اي حال
يبقي واحد بيكسب الاف ومش عاوز يقلل مكسبو..ومواطن بيشتري مسدس بلي عاوز يحمي نفسو و بيشتريه بكل مرتبه اخر الشهر..طب يرضي مين؟؟
ااحب اقولكم انهم ممكن يكونو قدرو يتخلصو مني..لكن انا متاكد ان هيطلع غيري كتير
وارجع و اقول..

وزي ما انا قولت لا..ناس كتير هتقول لا..لا للفساد..لا للغلاء..لا للاستغلال
كلمه اخيره..صحيح انا حجمي مش كبير ف السوق..وكانو بيتعاملو معانا علي اننا شوية عيال..احب ابلغهم رساله ان شوية العيال دول اللي هما احنا قدرو يتحكمو ف السوق ولو لفتره عن طريق المعامله بالمعروف و الحسني..ولا اتكلم عن نفسي فقط..يوجد ناس كتير كويسين امثال الاخ عفروتو ف الاليكتريكات..

يمكن انا مقدرتش احارب الناس دي..و انهزمت لاني لوحدي..واختارت منع البضاعه و ترك المهنه افضل بالنسبه لي

لكن صدقوني..لو اجتمعتم كلكم علي قلب رجل واحد..كما كنتم في ثورة يناير العظيمه..لن يهزمكم شئ..ارفضو اي عرض بسعر عالي لو الحاجه اتعرضت ارخص قبل كده في هذا المنتدي الغالي..كونو رجل واحد..ولا تقبلو بالانحناء امام ضغط الاخرين..

الحاجه تكلفتها قبل الثوره هي تكلفتها بعد الثوره..اختلفت ظروف البلد فاختلفت الاسعار لاستغلال الظروف..لا تقبلو بهذا ابدا بعد الان..

واعلمو ان التاجر هو من يحتاج اليكم..واسلت انتم من يحتاجه..وانتم من تستطيعون التحكم في الاسعار باقبالكم علي الشراء او بامتناعكم..واحذرو من بعض التعليقات..احيانا تكون لتجار او اصدقاءهم..تماما كما كان يفعل فلول الوطني علي الانترنت..

الشعب يريد اسقاط الاستغلال..والسلام عليكم و رحمة اللله و بركاته

za2r2lel

11-06-25, 11:36 PM

كلام خطيييييييييير والله...

لازم بالفعل اى حد فينا ميرضاش بالاسعار العاليه تانى

وزى ما قال الاستاذ التاجر هو اللى محتجلبنا وكلنا مع الاستاذ ابو سيف فى محاربة

الغلاء والفساد فى سوق السلاح بمصر

واحنا ضد اى تاجر حرامى معندوش ضمير

ضد اى حد هيقول ان السوق فى اسلحه صينلى من غير دليل
ضد اى حد هيغلى الفتره الجايه عن الاسعار اللى متداوله حاليات
ضد..ضد....ضد...ضد المهم كلنا ايد واحده
وحسبى الله ونعم الوكيل فى اى حد هيستغلنا تانى

sahbany

11-06-25, 11:37 PM

كلامك منطقى وانا اؤيدك بشدة انا كان عندى بلو قديم واشتريت منك واحد تانى وهما الأتنين واحد ....

kiko_2015

11-06-25, 11:40 PM

شكرا لتفاعلكم السريع..لكن لا تنسو..فارق كبير بين القول و الفعل

za2r2lel

11-06-25, 11:41 PM

ان شاء الله كلنا ايد واحده

عاوزين رجاله بالفعل مش صوت وبس

لحد ما ان شاء الله نخرب بيت اى محتكر نصاب هنا

عادل عبده

11-06-25, 11:44 PM

انا عن نفسى كنت هنزل اجيب حتتين صوت اخليهوم فى البيت ليا ولبابا ولاكن بعد كلامك ده اللى انا متأكد منه انشالله عنه ماجه وبعدين البلد ابتدت تتظبط وانشالله عنهوم ماجوم والحانى ربنا يا ابو يوسف وربنا يكرمك وكويس انك ماكنتش ضعيف زى اخ تانى لينا فى المنتدى وقولت ان الحاجات صينى عشان مصلحتك

za2r2lel

11-06-25, 11:47 PM

pooforever_2010

11-06-25, 11:53 PM

الاخ التانى للاسف كلنا بنحترموا

بس هز ثقتنا فيه للاسف

لازم يكون اد المسئوليه ويتكلم تانى بصدق معانا ويقول الحق
ممكن حد يفهمنا يا اخونا ايه الموضوع
وبالنسبه لابو سيف
كلنا معاك
ومين صاحب التهديدات دى قلنا بس وشوف بامر الله عز وجل حنعمل فيه ايه
تحياتى يا اخواتى

عادل عبده

11-06-25, 11:53 PM

الاخ التانى للاسف كلنا بنحترموا

بس هز ثقتنا فيه للاسف

لازم يكون اد المسئوليه ويتكلم تانى بصدق معانا ويقول الحق

ياصديقى هو هز ثقت الناس فيه واللى كان كان ولعلمك هو خاف على مصالحه وفلوسه بس هو كده دمر حياته التجاريه بأيده من غير ما ياخد باله وبرده الحاجه هترخص غصب عن عين اى حد الموضوع عرض وطلب ياجدعان والناس ديه هتخصر ختخصر عشان هما حراميه اساسا وانشالله عننا ماشيلنا صوت ياعم هو كنا هنشيل الالى يعنى بالعكس ده لما رخص الناس كلها كانت عاوزه تشترى

وشكرا ليكوم

كفافى1

11-06-25, 11:54 PM

ربنا ينور عليك

bredator

11-06-26, 12:00 AM

والله هو ده الكلام معاك يا ابو سيف

العربى

11-06-26, 12:23 AM

والله كلام منطقى برضه
وانا هنقل الموضوع للعام للاستفاده لجميع الاعضاء لان سؤال ليييييييييه دا محير ناس كتير

خوفو

11-06-26, 12:27 AM

أسعار المسدسات فى ضربه فى العالى وبلزات عندنا من خط المنصوره المنزله كله مولع الاسعار نار علبه الطلق التركى 250 فى المحل ايلى فى المنزله الطلقه بتتباع فى العلبه ب5 جنيه وأنا عاوز أشتر مسدس صوت والاسعار الغليه مرضتش أشتر 1000 جنيه مش لعبه حطيت عليهم 1500وجبت وحده حيه بقى معايه 5 حى والسبب اين محدش بيشترى عندنا المسدس الصوت اينه غالى مفيش ايلا اتنينمن أصدقائى ايلى معاهم صوت لما يكون عنى فرح باخد من واحد منهم المسدس لما يكون فى حكومه بس غير كده بجيب طلقات صوت وأضربها بلحى والفرح بيعى وأدينا جملنا

wknm

11-06-26, 12:35 AM

الله هو الحامي يا استاذي
الي بيتقي الله في الناس و خاصة البيع و الشراء ربنا بيباركلو

الاستاذ الفاضل صاحب الموضوع الي يقف الله بجانبه من الذي يستطيع اذائه؟؟؟

توكل على الله و كل صاحب حق ربنا بينصره

تحياتي

hunter store

11-06-26, 12:36 AM

بص ياباشا احب اققوللك ان نتيجة المهزلة اللى حصلت وكل الناس عمالة تضرب فى بعض الحنفية اتقفلت علينا كلنا والاسعار حتعلى تانى علشان زى مقلتلكم قبل كده المصدر فى السوق واحد
ومن بكرة حتشوف الناس كلها رفعت الاسعار مش طمع منهم لكن غصب عنهم - وربنا يرزقك الجميع

مع العلم ان كتير من الاعلانات اتحطت باسعار غرضها المضاربة فقط وليس البيع

وتقبل مرورى

جنرال

11-06-26, 01:00 AM

pooforever_2010

11-06-26, 01:03 AM

يا ريت المشاركه اخوتى
http://www.egypthunt.net/showthread.php?p=132873#post132873

tarekvb

11-06-26, 01:05 AM

جنرال

11-06-26, 01:07 AM

jamayka

11-06-26, 01:08 AM

هو ينفع تضرب طلقات الصوت فى الحى ؟؟؟

طارق باشا ينفع بس الضرب مش هيكون اتوماتيك

abdo92

11-06-26, 01:09 AM

الي هما ما يعرفهوش ان الرزق ده بيد الله
حسبنا الله ونعم الوكيل فيهم

kiko_2015

11-06-26, 01:14 AM

الي هما ما يعرفهوش ان الرزق ده بيد الله
حسبنا الله ونعم الوكيل فيهم

ده اللي الناس مش فاهماه

kiko_2015

11-06-26, 01:17 AM

يا جماعه عاوز اقول للتجار الصغيرين اللي اشترو غالي وعندهم بضاعه كتير اليومين دول..ولان راس مالهم الصغير هو كل ما لديهم..كما كنت انا في اول الامر..انا تحت امر اي حد اصرفلو اي كميه من اي نوع و اي مساعده انا تحت امر الجميع

smsmn8888

11-06-26, 01:26 AM

بصراحة الموضوع تا بجد وحقيقي ومن يتحكم في السوق شوية مستغلين لابعد مستوى وهم معروفين للجميع )
هولاء هم من يستوردو ويوزع كمان وبيتحكمو في السوق للاسف الذي حدث وبصراحة شديدة
ان المكسب في قطعة السلاح بلنسبة للذي بياخد من التاجر مباشر المفروض انة لا يقل عن 200 جنية وفي بعض الاوقت بيوصل 500
الذي حصل ان الموزعين في المنتداء رخصو الحاجة بجنون في رائ مما اغضب البعض من الموزعين الاخرين في المنتداء برضو اداا الي تقديم شكاوى للتجار الكبار الذي عن طريقهم ضغطو علي الموزعين الذي ضربو السوق لترجيع السعر القديم لان اغلب التجار يملكو محلات سلاح ايضا وبيبعوه فيها كل انواع المسدسات حتي المفتوحة ولكن من تحت المكتب ولذالك كدا السوق هيقف للجميع فقامو بالعملية القذرة وهي الضغط علي الموزعين الصغار لاستراجع السوق تاني
اسلوب قذر ومنحط
فعلا لاجبار الناس بالشراء باسعار عالية عن الطبيعي وربنا ينتقم من كل من يستغل احد في اي شئ

doos99

11-06-26, 01:37 AM

ليك رساله علي الخاص ارجو سرعه الرد للاهميه

hunter store

11-06-26, 01:39 AM

AFROTTO

11-06-26, 01:41 AM

احب اقولكم انني اتعرض لحملة ( حرب) من التجار الكبار..لمجرد انني فكرت ابيع بسعر مناسب للناس..
معجبهمش الكلام ده يا عيني..تلقيت اتصالات تهديد..تهديد بمنع البضاعه عني..وتهديدات بتدبير كمين ليا عن طريق بلاغات للشرطه..وحاجات كتير من هذا القبيل..

وبالفعل تم قطع أي بضاعه عني..

واما ارجع لرشدي و صوابي حسب كلامهم..وابيع باسعار ما بعد الثوره..
و الحجج كثيره عشان نغلي الاسعار تاني
علي سبيل المثال :
1- نغلي الاسعار غلي قفا اشاعه ان السوق غرق سلاح صيني

2- نغلي الاسعار تاني علي اساس ان الكميه اللي معايا خلصت و المستورد منه لله هو السبب
علي العموم الاسعار اللي انا نزلت بيها دي عاديه..انا معملتش المستحيل يعني..انا كده كده بكسب..لكن والحمدلله افضل اني اكسب مكسب شرعي و حط تحت الكلمه دي مليون خط
انا رفضت الكلام ده..وبفضل الله رفضت القبول ان حد يجبرني علي شئ..ولو فكرت الف مره تاني هقول الف لا

الكلام دة حقيقى وحصل وكنت على أتصال بيهم وكنت بتطمن على خالد وابوسيف
وهدف التجار الكبار أن السوق يرجع زى ماكان غااالى وأستغلالالالال الى أبعد الحدود

وزي ما انا قولت لا..ناس كتير هتقول لا..لا للفساد..لا للغلاء..لا للاستغلال
كلمه اخيره..صحيح انا حجمي مش كبير ف السوق..وكانو بيتعاملو معانا علي اننا شوية عيال..احب ابلغهم رساله ان شوية العيال دول اللي هما احنا قدرو يتحكمو ف السوق ولو لفتره عن طريق المعامله بالمعروف و الحسني..ولا اتكلم عن نفسي فقط..يوجد ناس كتير كويسين امثال الاخ عفروتو ف الاليكتريكات..

أوضح بس نقطة صغيرة أنتوا مش شوية عيال ... أنتوا رجااالة عارفين لية علشان عرفتوا توقعوا السوق من أيد تجار لابترحم ولابتخلى رحمة ربنا تنزل وتتحكموا فية وفى أسعارة بما يرضى الله
علشان الناس تقدر تشترى المنتج بسعر مناسب ودة هدفى برضة من زمان والحمدلله بحاول أظبط أسعار السوق على قد مابقدر مع أن فى ناس كتيرة مابقتش بتدينى شغل علشان بحرق سعر السوق مثلا موديل بيتباع ب400 جنية أنا ببيعة ب250 جنية أعتقد فرق جامد ويخلى التجار يمتنع أنة يدينى شغل وحاليا بتعامل مع شخص واحد بس وربنا يكرمة ويكرمكم

يمكن انا مقدرتش احارب الناس دي..و انهزمت لاني لوحدي..واختارت منع البضاعه و ترك المهنه افضل بالنسبه لي

مين قال أنك أنهزمت بالعكس أنت فوزت فى معركة كبيرة جدااا من العيار الثقيل من أكبر تجار فى مصر لتوريد المسدسات الصوت وأنت مش لواحدك وأنا معاك ولينا قاعدة مع بعض أن شاء الله على بكرة أو بعدة بالكتير وهانحاول نظبط بعض الآمور تانى .

لكن صدقوني..لو اجتمعتم كلكم علي قلب رجل واحد..كما كنتم في ثورة يناير العظيمه..لن يهزمكم شئ..ارفضو اي عرض بسعر عالي لو الحاجه اتعرضت ارخص قبل كده في هذا المنتدي الغالي..كونو رجل واحد..ولا تقبلو بالانحناء امام ضغط الاخرين..

كلام مظبوط أنتوا عارفين لما كلنا نقول لآ للغلاء وأرتفاع الآسعار والمنتجات غصب عن التاجر هاينزل فى سعر المنتج لآنة كدة هايبتدى يلاحظ أن شغلة أبتدى يقف وهايخسر
كلمة أخيرة لآخويا خالد وأبوسيف أنتوا رجااااالة بمعنى الكلمة وربنا يوفقكم
وياريت يبقى فى أجتماع لينا قريب ونضع النقط على الحروف
مع خالص أحترامى وتحياتى لكم
أخوكم عفروتو

pooforever_2010

11-06-26, 01:48 AM

يا ريت يا عفرتو لو اقدر اساعدكم بحاجه انا تحت امركم

kiko_2015

11-06-26, 02:14 AM

سبحان الله .. انا كتبت الموضوع ده عشان اخلي الناس تاخد بالها بس.. لقيت الموضوع قلب ثوره..علي بركة الله يا رجاله..عاوزين نتفق مع بعض هنعمل ايه ( امرهم شوري بينهم)

خالدحامد

11-06-26, 02:58 AM

خالدحامد

11-06-26, 03:00 AM

نمرٌ مفترس أمامك .. خير من ذئب خائن وراءك

من زاد في حبه لنفسه ... زاد كره الناس له

YOSSEF EL MASRY

11-06-26, 03:12 AM

شئ مؤسف للغاية التجارة في مصر غير كل الدنيا
القرش الي يطلع مينزلش

جنرال

11-06-26, 03:15 AM

جنرال

11-06-26, 03:17 AM

سبحان الله .. انا كتبت الموضوع ده عشان اخلي الناس تاخد بالها بس.. لقيت الموضوع قلب ثوره..علي بركة الله يا رجاله..عاوزين نتفق مع بعض هنعمل ايه ( امرهم شوري بينهم)
نتوقف عن الشرا

hema777h

11-06-26, 03:51 AM

بارك اللة فيك ابو سيف وحل الموضوع داااااااا اننا نوقف الشراء بحيث اننا نقلل الطلب عليهم وبالتالي هترجع الاسعارررر تاني زي قبل الثورة وحسبي اللة ونعم الوكيل في التجار المستغلين

ahmedragab

11-06-26, 04:07 AM

ربنا يكرمك يااخي ابوسيف من حلالة ويخرب بيت كل مضلل وغشاش يغش كل واحد لو علم الانسان ان رذقة مكتوب ومهما حاول فلن يذيذ رذقة المكتوب او نقص رزقة المكتوب ومااجمل من الرزق الحلال الذي يفيض على صاحبة ومااسواء من القرش الحرام الذي يعود بالغم على صاحبة

سرسور

11-06-26, 08:01 AM

واضح ان الموضوع كبير لكن ارجو التوضيح لو الضغط عليكم من تجار داخل المنتدي برجاء كشفهم حتى نحذرهم
و ادعوا الله ان يهلك المحتكرين

sultan

11-06-26, 09:15 AM

اقسم بالله ان اقول الصدق والله والله والله انا شوفت البضاعه الجديده الى نزله السوق والله مضروبه 30 جزمه وكان عند تاجر واتنين من المنتدى وفعلا البضاعه مصدرها واحد والى اشترا ياريت يورى حد من القدامى فى المجال ده وهوه هيوريله الفرق المسد سات الى نزله مضروبه والى عايز يسدق برحته والى مش عايز برحته ومش كل موضوع يتعمل الاقى الناس بتتفاعل بطيبه فيه ياريت نحكم عقلنا ومش هنغرم حاجه لما نروح للناس الى بتبيع ونتفرج على شغلهم ونرجع نقول انطباعنا عنه ده طبعا للناس الى متمرسه فى الموضوع ده وتبى خدمه للمنتدى زى ما الناس بتقول اللههم بلغت اللههم فاشهد

Android man

11-06-26, 10:25 AM

الكلام ده خطير جدا وانت لازم تأخد موقف قانوني واوعي تستسلم والله ربنا هيقف معاك لانك بتساعد الغلابة الي زينا يشيلبو بنادق
وربنا معاك وياريت الناس كلها تبقي زيك

superman2

11-06-26, 02:10 PM

بس لي استفسار ... ايه اللي يخلي التجار الكبار يهددوك مع انك بتشتري منهم لانك اكيد مش مستورد ... طب ما الاسهل انهم كانوا يرفعوا السعر عليك وفي الحاله دي ما اظنش انك هاتدفع من جيبك علشان المنتدي ... وهما يحققوا اللي عاورينه .... يا ريت توضيح

kiko_2015

11-06-26, 02:41 PM

كلامك مظبوط..لكن زي المثل اللي بيقول كل الطرق تؤدي الي روما ..كانت كل الطرق تؤدي الي قطع البضاعه عني..مثلا..البضاعه لما تغلي عليا..هضطر انا اغليها علي الناس..وانا مش هقبل بكده..يبقي مجيبش احسن = قطع البضاعه
مثال تاني ..تنبيه من التجار الكبار بعد علمهم انا بجيب منين..والتنبيه علي هذا المصدر بعدم اعطائي بضاعه مره اخري + قطع البضاعه

ف زي ما قولت لحضرتك..كل الطرق تؤدي الي نفس النتيجه..علي العموم انا مكنتش جاي اعمل الموضوع ده عشان اشتكي..كل الحكايه حبيت انبه الناس..ولهم حرية الاختيار..

جنرال

11-06-26, 03:05 PM

يبقى تساعد الناس و تقولهم على أرخص الأماكن و أفضل التجار و أسوأهم يبقى كده أفدت أخوانك بالفعل.
مع إحترامي

abdalla nabel

11-06-26, 03:30 PM

ابو سيف واضح ان الموضوع كبير المهم ان انتا قلت تهديدات احب اقولليك لا تخف الله معك ثم نحن اولهم اخوك عبدالله
واتمنا ان تشركني معك فس اي شيئ والله المستعان

هشام سمير

11-06-26, 04:03 PM

الاخوه الافاضل
اولاً اقسم بالله العلى العظيم ان لم استقبل اى مكالمات تهديد من احد اى كان وكل ما افتراه الاخوه عليا غير صحيح
اقسم بالله العلى العظيم تم عرض عليا من احد المستوردين بضاعة صينى كوبى
الاخوه الافاضل ربما كل كلام الاخوه متوجه لى ظلماً وبهتناً ولا يعلمون انهم ببعض الكلمات يظلمون ويفترون على شخص برىء من كل هذه الافتراءت
من يعرفنى او تعامل معى سوف يعلم يقيناً انا هذه الاتهامات التى وجهت لى صفات ما كانت ابداً فى
الامر الثانى انى طول فترةتجارتى فى المنتدى لم اغالى قط بل كنت اقل من اقل تاجر ولم استغل الظروف قط فمن مصلحة مين اننا اغير مبدأى ومن اشترى منى اى شىء اطلب منه الشهاد لله عز وجل
اننى اكتب وانا منهار والكلمات لا تسعفنى ان اقول ما بداخلى او
اطلب من لاخوه شيئاً واحد فقط من افترى عليا يبرهن ولو بدليل واح على صدق ما قال

the hacker

11-06-26, 04:31 PM

http://www.egypthunt.net/showthread.php?t=11255&page=3

Abo Yousof

11-06-26, 05:24 PM

كلااااااااااااااام ممتاااااااااااااااااز

braveheart

11-06-26, 10:30 PM

والله كلام منطقى برضه
وانا هنقل الموضوع للعام للاستفاده لجميع الاعضاء لان سؤال ليييييييييه دا محير ناس كتير

شكرا أ / عربي ... هههههههههه