خبر صدمة للجميع

[mman2005]

أنا لسة متصل بمصنع 54 الحربى من دقيقتين قلت أسألهم عن سعر البندقية المعادى، إلى كانت ب300 جنيه ومفيش حد بيشتريها، أخر مرة سألت المصنع بعد الثورة قالى 755 أتصدمت، النهاردة قلت يلا 755 جنيه حلوة فى ظل الأسعار الجنونية الموجودة حالياً، وقلت يمكن رخصت عن كده، المهم رد عليه مسئول التسويق وقال البندقية المعادى نمرة 2 بكم...

تخيلوا
والله أنا اتصدمت وبقيت حاسس أنى بحلم، الراجل قالى البندقية ب 1275 جنيه ونمرة 1 مش موجودة بس ب 950 جنيه، قلته كم بقيت اسأله كل شوية ويكرر السعر وأحس أنى سمعت غلط، بس دى الحقيقة المرة.

ولا عزاء للفقراء محبى رياضة الصيد فى مصر، ليس أمامهم غير النبلة، وهذا دليل أن إنعدام الأمن فى مصر أدى بالناس إلى شراء أى وسيلة للدفاع عن النفس، وبصراحة بالأسعار دى أنا مقاطع شراء أى بنادق حتى تكون الأسعار فى مصر مثل البلاد الأخرى.

[msa_79]

حتي الجبش بقو حرامية وجشعين!!!!!!!!!!!!!!!!!!!!!!!!!!!

[wknm]

حع حع حع
يالا بينا
لحسن تصطاد باطجي ولا حاجه علشان كده غليت

[moneey1975]

بس من غير ما نغلط في حد في اقتراح ممكن نحاول بيه نعرف اسباب ارتفاع الاسعار حتي في المصانع الحربيه والاقتراح ده هوا ان الساده اعضاء المنتدي وخصوصا الإدارة تقوم بطرح فكره تسجيل المنتدي بالشهر العقاري او بمعني اصح يتم اشهارة كاشهار اي موسسه او شركه ليصبح له صفه قانونيه وطبعا واكيد في ناس من الاعضاء من زوي الخبرات القانونيه فاهمين الكلام ده اكتر مني بس انا بحاول اشرح وجهة نظري وبعد الاشهار يتم انتخاب مجلس إدارة للمنتدي ورئيس مجلس إدارة للمنتدي ويتم تكوين فريق عمل يكون له صلاحيه التحدث باسم المنتدي والوصول الي إدارة المصنع الحربي وغيرهم من تجار الاسلحه بل والمستورين ايضا وان يتم تجميع طلبات اعضاء المنتدي وان يكون التعامل جمله وليس قطاعي [ انا مش عارف اوضح الفكرة اكتر من كده بس في وجود الاخواه الاعضاء المحامين سيتم بلورة الفكرة بشكل قانوني ]

[sghr220]

بس من غير ما نغلط في حد في اقتراح ممكن نحاول بيه نعرف اسباب ارتفاع الاسعار حتي في المصانع الحربيه والاقتراح ده هوا ان الساده اعضاء المنتدي وخصوصا الإدارة تقوم بطرح فكره تسجيل المنتدي بالشهر العقاري او بمعني اصح يتم اشهارة كاشهار اي موسسه او شركه ليصبح له صفه قانونيه وطبعا واكيد في ناس من الاعضاء من زوي الخبرات القانونيه فاهمين الكلام ده اكتر مني بس انا بحاول اشرح وجهة نظري وبعد الاشهار يتم انتخاب مجلس إدارة للمنتدي ورئيس مجلس إدارة للمنتدي ويتم تكوين فريق عمل يكون له صلاحيه التحدث باسم المنتدي والوصول الي إدارة المصنع الحربي وغيرهم من تجار الاسلحه بل والمستورين ايضا وان يتم تجميع طلبات اعضاء المنتدي وان يكون التعامل جمله وليس قطاعي [ انا مش عارف اوضح الفكرة اكتر من كده بس في وجود الاخواه الاعضاء المحامين سيتم بلورة الفكرة بشكل قانوني ]

السلام عليكم و رحمة الله و بركاته
و الله هي فكرة جميلة بس تفتكر حضرتك حاجه قطاعي ب 1275 جنيه حتبقى جملة بكام:confused: وبعدين دا على فرض انها بندقيه ليها لزمه انما دي احسن وصف ليها انها خرده و خسارة فيها الفلوس حتى ال 300 جنيه بتوع زمان كانوا كتير عليها.

[adel152]

لاحول ولاقوة الا بالله.
يعنى بدل مانرخص السلع المحلية ونحسن منها نغليها اكتر علشان الناس تشترى المستورد.
والله الواحد مخه اتلغبط خالص ومش عارف البلد دى ماشية ازاى؟
ربنا يسترها.

[don'tshoot]

هو تصرف عجيب جداً ومحتاج تفسير فعلا.... إزاي حاجة تمنها 400 جنيه تبقي بـ 1200 جنيه؟!!!

ما هو لو التجار اللي عملوا كده فدي مش محتاجة تفسير نصب وجشع واستغلال، لكن الحكومة لما تعمل كده فده اسمه إيه ومين المسؤل عن كده؟!

[koktal]

انا إتصدمت من زمن لأن ده خير قديم على فكره .. تحياتى للجميع ..

[سرسور]

الآن اصبحت الكرال التركى ارخص من المعادى المصري
لو سمحت ممكن رقم هاتف المصنع
جزاك الله خيرًا

[smsmn8888]

لا كل ما في الموضوع هم برضو بيستغلو الوضع الحالي
بالاضافة ان الانتاج اكيد قللل كتيررررر بعد الثورة بلنسبة للرش

[The last knight]

مع احترامى لحضراتكم احب اوضحلكم سبب ارتفاع اسعار البنادق الرش واللى لسه حاتزيد لو ماحدش عارف.السبب هو ان حاليا غير مصرح باستيراد البنادق الرش او المسدسات الحية طبعا الا لو كانت لاستخدام شخصى يعنى وده طبعا من الامانة العامة زى ما حضراتكم عارفين طيب ايه اللى بيتوافق عليه حاليا؟؟ البنادق الخرطوش ومسدسات الصوت وطبعا مش بالسهولة برضة اللى انتو متخيلينها لكونها صوت.عشان كدة اسعار الخرطوش معتدلة لان استيرادها مفتوح من ناحية ومن ناحية تانية عشان فى الرخصة طيب والصوت اسعاره مازالت مرتفعة بس مش زى الفتر اللى فاتت لأن الطلب بيقل والعرض بيزيد فقريب جدا حاترجع لأسعارها يعنى لو حد ناوى يبيع لازم يبيع دلوقت لانه مش حايجيب السعر بتاع دلوقت تانى واللى ناوى يشترى يصبر شوية. طيب الخلاصة ايه ان اسعار البنادق الرش لسة حاتزيد وطبعا الطبنجات الحية وعلى فكرة المشكلة القادمة حاتبقى فى الذخيرة الصوت بس لسة ماحدش حس بيها

[YOSSEF EL MASRY]

أنا لسة متصل بمصنع 54 الحربى من دقيقتين قلت أسألهم عن سعر البندقية المعادى، إلى كانت ب300 جنيه ومفيش حد بيشتريها، أخر مرة سألت المصنع بعد الثورة قالى 755 أتصدمت، النهاردة قلت يلا 755 جنيه حلوة فى ظل الأسعار الجنونية الموجودة حالياً، وقلت يمكن رخصت عن كده، المهم رد عليه مسئول التسويق وقال البندقية المعادى نمرة 2 بكم...

تخيلوا
والله أنا اتصدمت وبقيت حاسس أنى بحلم، الراجل قالى البندقية ب 1275 جنيه ونمرة 1 مش موجودة بس ب 950 جنيه، قلته كم بقيت اسأله كل شوية ويكرر السعر وأحس أنى سمعت غلط، بس دى الحقيقة المرة.

ولا عزاء للفقراء محبى رياضة الصيد فى مصر، ليس أمامهم غير النبلة، وهذا دليل أن إنعدام الأمن فى مصر أدى بالناس إلى شراء أى وسيلة للدفاع عن النفس، وبصراحة بالأسعار دى أنا مقاطع شراء أى بنادق حتى تكون الأسعار فى مصر مثل البلاد الأخرى.

بمنتهي البساطة يبقي عمرك ما هتمسك يندقية لان الاسعار في مصر مش ممكن تكون ذي البلاد الاخري