من كام يوم و أنا ماشى على البحر و فى لحظة سماع أغانى بصوت مستفز و بضرب عينى على اليمين لأن الأشارة كانت زحمه وماشيين بالراحه لقيت مكتوب السجلابى أو السنجلاتى أو حاجة زى كدة و الأسم دة سمعته كتير أوى و مكتوب جمبه لأدوات الصيد و الغطس بس كان المحل مقفول

طيب للأخوة الأسكندرانيه بقى
أية نظام المحل دة ؟
و أية نظام أسعاره ؟
و هل التعامل فيه كويس ؟
و ياترى دا بيفتح ولا مقفول دايما ؟

المحل ده حرامى و سارق الاسم من السجلابى و عموماً همه اسعرهم مبالغ فيها جداً
ولو حضرتك فى الاسكندريه وعايز تشترى اى حاجه البشمعندس هيثم خضر فى اول خالد ابن الوليد بالمامر التجارى بجانب مقهى ابوشوشه و رقمه 0122345600

انا شوفته لكن متعاملتش معاه وبصراحه مبفكرش اتعامل معاه لان مكانه هيخلي اسعاره غاليه اكيد
وانا فعلا فكرته فرع تبع السجلابي وشكلهم نصابين

يا باشا دول مش نصابين و لا حاجة .دول فتحين المحل يجى من 25 سنه أو اكتر.أسعارهم معرفش بصراحة غاليه ولا لأ.تقريبأ معندهمش غير معدات صيد بحر بس.و الراجل الى واقف بيبيع اسمه عم محمود راجل محترم.و انا عموما بفضل لمل اشترى حاجة أسأل فى كّذا حته الأول.

يا باشا دول مش نصابين و لا حاجة .دول فتحين المحل يجى من 25 سنه أو اكتر.أسعارهم معرفش بصراحة غاليه ولا لأ.تقريبأ معندهمش غير معدات صيد بحر بس.و الراجل الى واقف بيبيع اسمه عم محمود راجل محترم.و انا عموما بفضل لمل اشترى حاجة أسأل فى كّذا حته الأول.

مع تحترامى لحضرتك المحل ده مش تبغ السجلابى خالص عشان انا سألت فى فرع محطط الرمل قلولى ده سارق الاسم

يا باشا انا اعرف الراجل الى بيبيع جوه ابو و احد صاحبى و اسمه عم محمود و المحل كل الاسكندرانيةعارفينوه من زمااااان.وللمعلومه انا بردوه قابلت صاحب المحل فبيته قبل كده و اللى عرفته انه يبقى ابن عموهم.وبعدين اللى عاوز يعرف محل ادوات صيد بحر.احسن و احد بيبيع حاجات البحر ديه هو محل السبخى فى بحرى ده هو البوب بتاع ادوات صيد البحر

ألف شكر يا رجاله على المعلومات الجميله دى و مع أحترامى لكل وجهات النظر و تفاهمكم مع بعض بصورة مشرفه جدا و دا إلى أتعودنا عليه فى الموقع المحترم دة و دا كان مجرد أستفسار بس حب فضول يعنى و إن شاء الله لو ناوى أجيب حاجة بعد العمليه معايا ماتبقى متظبطة ماديا هدعبس برضة وراها عشان ميتمش أستغلالى من أى حد مهما كان

يا شباب الى انا عارفة كويس ان المحل دة اسمة السجلابى والى فى محطة الرمل نفس الاسم بس الاتنين غير بعض ومحدش سارق الاسم ولا حاجة دول تقريبا من نفس العيلة زى ما قال الاستاذ loot-ait

بس انا عمرى ما رحت الفرع بتاع سان ستيفانو دة انا على طول بسال فى محطة الرمل وعلى فكرة دول مش حرامية دول اكتر شوية انا كنت عندة امبارح وسالتة على الاسعار قالى حجات غريبة جدا واسعار الضعف الضعف.....

هو تبع بعض وليهم كذا فرع وفي محل في السيوف عندنا تبع السجلابي بس اسعارهم نااااار

هو تبع بعض وليهم كذا فرع وفي محل في السيوف عندنا تبع السجلابي بس اسعارهم نااااار

استاذ احمد فرع سا استفنو غير تابع لمحلات السجلابى وانا سألت بنفسى

يا جماعة وحدوا الله الموضوع ميستاهلش طيب و المصحف مانا جايب من حد معرفوش هههههههههه
أنا لما أجى أفكر أجيب حاجة جديدة هجيب من الناس إلى بتحط عروض حلوة هنا فى المنتدى هما أولى برضه و نشجعهم فى المشاركة معانا بس العمليه تبقى متظبطة معايا

السجلابى اسعاره غاليه

السجلابى اسعاره غاليه
أعضاء المنتدى بيعملوا عروض مفيش أحلى من كدة بصراحه
بس يا رب متكونش الحاجات زى مابيقولوا مضروبه

حسب معرفتي لايمكن ان يكون هناك اسم واحد لمحلين يملكهم شخصين مختلفين في نفس النشاط
شكرررررررررررررا

يا جماعة وحدوا الله الموضوع ميستاهلش طيب و المصحف مانا جايب من حد معرفوش هههههههههه
أنا لما أجى أفكر أجيب حاجة جديدة هجيب من الناس إلى بتحط عروض حلوة هنا فى المنتدى هما أولى برضه و نشجعهم فى المشاركة معانا بس العمليه تبقى متظبطة معايا


متحلفش بالمصحف يا طيب:)
اذا حلفت فاحلف بالله

وانا معاك برضه ان الناس هنا اولى من غيرهم, وخاصتا ان المحلات بتكون اسعارها غاليه ومبالغ فيها احيانا
لو ندعم بعض هنا مش هنحتاج لحد

حسب معرفتي لايمكن ان يكون هناك اسم واحد لمحلين يملكهم شخصين مختلفين في نفس النشاط
شكرررررررررررررا
أو فى نشاط متقارب و دا مخالف و عليه غرامه و تغيير الأسم لأن دة يعتبر أسم تجارى و من حقوق ملكية (زى مثلا كوكاكولا دا أسم تجارى و شعارها التجارى أفتح قلبك تفرح أو حاجة زى كدة دا الشعار التجارى مينفعش فى يوم و ليله نلاقى شركة حاجة ساقعة أو عصير حتى بنفس الأسم أو حتى الشعار)
متحلفش بالمصحف يا طيب:)
اذا حلفت فاحلف بالله

وانا معاك برضه ان الناس هنا اولى من غيرهم, وخاصتا ان المحلات بتكون اسعارها غاليه ومبالغ فيها احيانا
لو ندعم بعض هنا مش هنحتاج لحد
شكرا على التنبيه لانى مأخدتش بالى فعلا و للأسف الأيام دى بحلف كتير بالطريقه دى معرفش ليه !! لكن إن شاء الله ربنا يهدينا للكلام و الفعل الصح ,,,,, و بالنسبه لدعم إلى فى الموقع فعلا لازم ندعمهم لحد كمان مايتشهروا بره الموقع لأن الأسعار فى بعض المحلات أو التعامل كمان بقى أسوء من الأستعباد على كلام ناس كتير عندنا

اخواني الاعزاء تشابه الاسماء او من نفس العائلة كل ده مش مشكله المهم بالنسبه لنا هو السعر و المعاملة الحسنة و السبخي اللي في بحري محل محترم وكذلك سبخي شارع فرنسا ولكم تحياتي

هو فين السبخي ده بالظبط وهو بتاع سلاح ولا صيد

اخواني الاعزاء تشابه الاسماء او من نفس العائلة كل ده مش مشكله المهم بالنسبه لنا هو السعر و المعاملة الحسنة و السبخي اللي في بحري محل محترم وكذلك سبخي شارع فرنسا ولكم تحياتي
فعلا أهم حاجة التعامل الحلو
و إن شاء الله كله يكون محترم و يكونوا كويسين مع الناس و ميستغلوش الوضع


هو فين السبخي ده بالظبط وهو بتاع سلاح ولا صيد
على الأمة التانيه من فندق سانستيفانو على البحر فيه كافيتريا كدة هوا بعد الكافيتريا بحوالى 4 محلات و على ماأظن كلام الأعضاء كان بيأكد أنه كمان بيبيع سلاح مع الصيد لأن 90% من محلات الصيد بتبيع سلاح دلوقتى بس صوت

el ragel bys2al 3alah el seba7'y mesh el seglaby...el seba7'y fe ba7ry el anfoshy 3and maw2af el otobes el fe a7'er ael anfoshy mesh ras el teen el 3and 7ay el gomrok...es2al henak we 1000 meen 7ydelak

السجلابي اللي في سان على البحر حاجته غالية وقديمة


شكرا على التنبيه لانى مأخدتش بالى فعلا و للأسف الأيام دى بحلف كتير بالطريقه دى معرفش ليه !! لكن إن شاء الله ربنا يهدينا للكلام و الفعل الصح ,,,,, و بالنسبه لدعم إلى فى الموقع فعلا لازم ندعمهم لحد كمان مايتشهروا بره الموقع لأن الأسعار فى بعض المحلات أو التعامل كمان بقى أسوء من الأستعباد على كلام ناس كتير عندنا

سألت شيخ أزهري قالي "يجوز الحلفان بالقرآن لأنه كلام الله غير المخلوق" بس الأحسن الحلفان بربنا عشان مفيش أعظم منه

أرجو من الاعضاء الكرام بالأسكندرية أن يدلني أحد على تليفون او عنوان محل الشيخ مجدي للاهمية وشكرا