الابواب المصفحة هى البديل العصري لتأمين الشقق لضد السرقة

[sabbahi]

بسم الله الرحمن الرحيم

بالمناسبة ...........
هذه أول مشاركة لي بهذا المنتدى الرائع.

لذالك قررت أن اشارك بموضوع في نطاق تخصصى والذي هو بالطبع من أولويات المنتدي وهي الحماية من السرقة

أمتلك شركة لاستيراد وتجارة أبواب الشقق المصفحة. وسوف أقوم بعرض بعض مواصفات الباب والتي هى فعلا من أفضل المواصفات في مصر وتحدي...

المواصفات الفنية

أبواب شقق مصفحة من الستيل غير قابلة للسرقة/14 نقطة غلق من الصلب / أمكانية غلق و فتح الشقة بدون المفتاح/ جوان مطاطى من جميع الجهات لمنع الاتربة للتسرب داخل الشقة/كالون عالي الجودة/عتبة استانلس/عين سحرية+جرس/ حائزة على شهادات جودة عالمية/إمكانية غلق الباب بدون مفتاح مما يؤدى ان شاء الله الى تجنب عيوب الباب المصفح التقليدي.

للجادين مراسلتى حتى أقوم بارسال صور موديلات الابواب.

الشركة العالميةللاستيراد و التجارة
محمد الصبّــاحي
0118989448

Sabbahi_itc@yahoo.com

[gamopt80]

انا سمعت ان اسعارها بتكون غاليه جدا؟
ياريت تقولنا ايه الاسعار ومدى تحمل وقوة الباب

[doos99]

يا ريت نعرف مدى قوه و صلابه الباب و هل يحتمل اطلاق نيران عليه ام لا و ايضا نود معرفه السعر

[Android man]

واحد صاحبي جابو في شقتو وعلي فكرة جامد جدا وملوش حل

[الأفوكاتو]

أبواب جميلة .. وانا شاهدتها من قبل .. وأنوي شراء باب لشقتي من هذه الأبواب
ولكن ماذا عن المواصفات الكاملة والأسعار والصور الحقيقية والمقاسات
وهل فعلا هو ليه ستة كوالين وعدد 2 مفتاح ؟ وايه الوضع في حالة تغيير المفاتيح أو فقدانها ؟ لابد من اللجوء للشركة ؟
خالص تحياتي للجميـــــــــــــــــــــــــع

[smsmn8888]

اولا : الموضوع تا مكان السوق
ثانيا : اتمني وضع الاسعار
ثالثا: ياليت تحدد هل هي محتاج اساس معين في الباب ام تركب علي اي باب شقة بسهولة ؟؟؟؟

[ahmadkhalaf]

ممكن تفهمنى ازاى تقفل الباب وتفتحة من غير مفتاح
وشكرا

[سيدخالد]

ابواب جميلة ولكن سعرها كام؟؟؟؟؟؟؟؟؟؟؟

[koktal]

سيبوها على الله .. اللى هيسرقك كان سرقك من زمن مش لما تركب الباب الحرامى هيفكر يسرقك .. سيبوها على الله ..

[elexlns1]

الابواب دى خامتها بى فى سى ؟؟

[doos99]

يا ريت صاحب الموضوع يرد علينا باقصى سرعه للاهميه

[osha966]

بعد أذن صاحب الموضوع الأبواب المصفحة يوجد منها نوعين فى السوق ..الصينى والتركى ..وطبعا التركى يتفوق على الصينى فى المتانة وجودة التصنيع لكن الصينى يتميز برخص السعر ..ويتراوح أسعار هذه الأبواب من 2000 الى 8000 جنيه ..ويختلف السعر حسب مواصفات التصفيح الداخلى وسمك الصلب ونوعية الخامات الخارجية سواء كانت خشب أو pvc .. تحياتى

[blow c06]

انا عندى الباب ده و مركبه عندى من كام سنه و جايب الصينى.. هو ممتاز بس عيبه ان المفتاح بتاعه بيبوظ بعد سنه كده و بتغير الكالون باى كالون ايطالى او اى نوع من السوق.. في يد برا الباب زى الى جوا لما ترفعها لفوق بتقفل قفل الباب من فوق و تحت و 3 فى الجنب و طبعا كل قفل منهم 3 قطع حديد.. و هو النار متأثرش فيه و لا الشنيور.. ضرب النار مش عارف...فى منه كله حديد و مدهون شكل الخشب و فى متجلد خشب انما pvc مشفتش. الصينى اسعاره بتبتدى من 1500 الى 5000 جنيه عشان فى منه عرض 2متر على ضرفتين.. فى ايطالى منه تمنه بيبتدى من 5000 جنيه و شكله اقوى و احسن كتير و فى تركى تمنه فى النص بين الصينى و الايطالى
ياريت صاحب الموضوع يقولنا اسعاره و هو عنده اى نوع من دول و صناعه ايه

[moneey1975]

رد علينا يا باشا عايزين نعرف الاسعار ولو في مكان نقدرر نتفرج علي هذه الابواب

[الصقر المصرى]

فعلا عرض كويس بس ياريت صاحب الموضوع يجاوب على الاسئله دى كلها بالذات السعر والمواصفات بالتفصيل اكتر من كده وهل كمان فى عندك شبابيك مصفحه كمان او ضلف للبالكونات

[sabbahi]

انا اسف جدا يا جماعة علي تأخير الرد.كنت عامل عملية والله.
بالنسبة لخامة الباب فهو مصنوع بالكامل من الحديد الصلب ولا يوجد بة اى أخشاب أوبلاستيك.
الجودة عالية جدا ولا تقل بل تزيد عن التركي
صينى بسى الي بيروح أوربا و أمريكا
ضمان لمدة عام
قطع غيار متوفرة
يتركب مكان الباب الخشب بسهولة
السعر 1600 و 2100
بالمناسبة: مطلوب وكلاء بالمحافظات

[pooforever_2010]

الف سلامه على حضرتك
بس ممكن ايه الفرق بين ابو 1600 و2100
وشكرا

[YOSSEF EL MASRY]

ياريت لو نعرف وزن الباب تقريبا كام كيلو

[elexlns1]

ألف سلامة عليك يا استاذنا وحمدا لله على السلامة