ده موضوع له علاقه بالصياد... والصياد لازم يكون رايق عشان يعرف يصطاد
لوم مش فاضى ومستعجل.. أرجووك.. إقرأ الموضوع لما تفضى


الصياد وهوا طالع يصطاد
يا ترى بيفكر في إن الناس تقول عليه جامد؟
أو بيطلع يصطاد عشان يمضي حضور قدام الناس؟
طيب عمرك شوفت صياد بيحاول يصطاد حمامه حد إصطادها قبل كده؟؟
عمرك شفت صياد بينشن على صياد تانى؟؟

الإجابه لأ
والسبب إنه بيطلع يصطاد عشان بيحب الصيد
ولأنه بيعمل اللى بيحبه.. و ميهموش لو حد شافه
لأن متعته فى الرحله.. مش فى الجمهور ولا فى كمية الصيد
ومنطقياً.. لو قابل صياد تانى وهوا ماشي..
والصياد التانى ضرب حمامه ونزلها مقفوله..
مبيفكرش ينشن عليها تانى وهيا فى الأرض
ولا بيفكر ينشن على الصياد التانى عشان سبقه وخد منه الصيد

دى كانت بعض صفات للصياد
وطالما إن كلنا هنا.. يا إما صيادين.. يا إما محبين للصيد ونفسنا نبقى صيادين
يبقى لازم نحاول نتصف بصفات الصياد طول الوقت
لأن الصفات دى بتبقى فى الصياد فى كل مكان مش فى رحله الصيد بس

أنا كاتب الكلام ده عشان نويت أتعامل مع الكي بورد على إنها بندقيه

ونفسي كلنا نعمل كده ويبقى شعارنا
(الكي بورد بندقيتي.. والرشايه اللى بحطها فيها هيا الحروف اللى بكتبها)


أنا قررت إنى أترجم الصفات دى فى تصرفاتى:

منشنش على أخويا أو زميلي وأنا بكتب

ومكتبش أى كلام لمجرد إنى أقول للناس (أنا هنا)

ومردش على سؤال أو موضوع إلا لو:
- هضيف جديد.. ومش هكرر نفس الكلام اللى إتقال
- أو ردي هيكون سبب فى زيادة الألفه والمحبه بينا
- ولو هرد عشان أعترض على حاجه شايفها غلط.. يبقى بالراحه
ويستحسن إن الكلام يكون بطريقه غير مباشره وبدون إتهام أو تجريح

ومن النهارده هتأمل فى صفات الصياد وأحاول أنفذها فى كل حاجه فى حياتي
وبكده هتبقى بندقيتي معايا فى كل مكان.. لأنها جوا مخي.. مش فى إيدي

وساعتها بس أقدر أقول إنى بحب و بمارس رياضه الملوك..
حتى لما بيكون مفيش معايا بندقية



أرجو من الإخوه والزملاء
كل واحد ناوي يكتب مشاركه فى الموضوع ده
يقول صفه هوا شايفها فى أخلاق الصياد
أو صفه إتعلمها من ممارسة الصيد

وأرجو محدش يكتب رد إلا لو هيكتب صفه للصياد
أو تأمل فى أخلاق وصفات الصياد وتطبيقها فى الحياه
عشان الموضوع تبقى كل مشاركه فيه ليها قيمه ومفيده
ونتبادل المعلومات وكل واحد يستفيد من ردود غيره

نفسي إن الموضوع ده تبقى
قيمته الحقيقيه فى الردود
وفى الملعومات اللى فى الردود
مش لازم أرد بسرعه.. بس لازم أرد بمعلومه ليها علاقه بصفات الصياد




وهستعير إمضاء أخ لينا فى المنتدى..
وهوا سؤال مهم جداً لازم نجاوب عليه قبل ما نكتب أى مشاركه

إيهما أهم .. التفاعل والنوعية أم زيادة المشاركات والكمية؟؟




أرجوكم.. كل واحد يضيف فى مشاركته صفه من صفات الصياد
عشان نتعلم ونستفيد من كل مشاركه




.

من صفات الصياد
إنه قلبه حنون

وده بيظهر فى
أولاً: إنه مبيصطادش كائن حي إلا لهدف
إما للإنتفاع به (كأكله مثلاً زي الحمام واليمام)
أو للحمايه من شره (زي الغراب لأنه بيأذي المزارعين مثلاً)
ودايماً تلاقي الصيادين بيقولو متصطادش عصافير صغيره أو طير مش هتاكله

ثانياً: ثاني حاجع بتأكد إن الصياد قلبه حنون
إنه لما بيصطاد بيحاول ينشن فى مقتل
عشان الكائن الحي اللى تم صيده ميتعذبش

وده لو ترجمناه فى الحياه العمليه هيتطبق فى كل حاجه تقريباً

اولا مشكوريا استاذ ابراهيم على الموضوع المهم وثانيا انا برايي ان الصياد يجب ان يكون عنده احساس قبل كل شيء ولايتعدى على احد وان يكون مقدام لايتراجع وتكون تصرفاته بعيدة كل البعد عن التصرفات الصبيانية وان يكون رجل بكل ماتعنيه الكلمة حتى يشار اليه بالبنان وان يعرف ربه وان يترك اثرا طيبا اينما حل وان كان لايرى ربه فربه يراه والمحترم يفرض احترامه على الجميع وان يكون بعيد عن الانانية وحب الذات وحب الظهور وان لايشكك باحد وان لايفتري على الناس وان يكون غير ناكر للمعروف وان يحفظ السر وان لاينقل الكلام ويحرف ويزيد ولايخون ولايكذب

لا يجعل المنتدى مكاناً للحساسية والمنازعات أو قاعة محكمة يحكم من خلالها على باقي الأخوة
أن يكون ذو لسان مترفع فيه عن الألفاظ الرذيلة والكلام الغير لائق تجاه أخوته الأعضاء فالكل هنا سواسية ولافرق بين عضو جديد وقديم ولا بين مشرف

ولا غيره من هذه الألقاب التي أولاً وأخيراً لا تجود على صاحبها بالنفع إن صح التعبير فالمنتدى مكان للتثقيف والنقاش الهادف جمع أعضاء جاؤونا من المشرق والمغرب

طالبين العلم والثقافة وجمعتهم أيضاً رياضة نبيلة كانت ومازالت وستبقى عنواناً للرجولة والشجاعة ورياضةً للملوك
وتحيـــــــــــــــــــــاتى للجميــــــــــــع

موضوع جميل و يدل على انك صياد حقيقى , لان رصاصتك ( اقصد موضوعك ) جت ف مقتل ( اصابت عين الحق ) , انا رايى ان الصياد مبيبقاش فارق معاه راى حد و هو بيصطاد ميهموش مين هيقول عليه ايه , و بالتالى المفروض اننا هنا كاعضاء محبين للصيد نطبق ده ف منتدانا بمعنى مثلا انى مبقاش همى ان عدد مشاركاتى تزيد علشان اخد لقب صياد قديم و لا اخد تقييمات كمجاملة علشان يتقال عليا اى حاجة , يبقى مشاركاتى زى ما انت سبق و قولت يا اما هتضيف راى جديد و هتايد راى موجود او هتعمل حاجة مفيدة و ف النهاية انا هنا ف المنتدى علشان انا بحبه و عايز ابقى فيه حتى و الله لو زائر مش صياد قديم , هو اكيد اللقب بيبقى حاجة جميلة بس كتشجيع مش هو الهدف يعنى

الله الله عليك

موضوع قيم جدا .. تشكر عليه .. وطبعا الصياد يجب أن يكون : (رحيم القلب, متسامح, محدد فى كلامه, رزين التصرف, صبـــــــــور إلى أقصى الدرجات ويكون مثــال يحتذى به بحق) .. وعلى الأعضاء الموجودين فى المنتدى وخاصة المزاولين لهواية الصيد بشتى أنواعها .. أن يكونوا حكماء فى مشاركاتهم وتبادل الخبرات مع بعضهم البعض ومساعدة المستجدين فى الهواية (هواية الملوك) وليس لمجرد تقييم أو عدد مشاركات وألقاب تقال والسلام .. تحياتى لك وللجميع ..

أولاً إسمحولى أشكركم بقلبي دائماً... حتى لو لم أعبر عن ذلك بلساني

إنتو قلتو صفات كتير قوي فى نص كلامكم وهحاول أطلع منها صفه واحده من كل مشاركه.. وصاحب المشاركه يكون أحق بطرح الصفات الباقيه فى كلامه في مشاركاته القادمه

ونقدر نطلع من كلامكم الجميل بصفات للصياد:

من كلام أستاذ عصام: (الصياد يجب ان يكون عنده احساس قبل كل شيء ولايتعدى على احد) ناخد من هنا صفه مهمه جدا وهي

الصياد لا يتعدى على أحد
فالصياد لا يتعدى مثلاً على ملك غيره ويصطاد منه
ودايماً نلاقى الصيادين بيقولو متصطادش حمام من منطقه فيها حمام أهلي
وإصطاد حمام بري بس

من كلام أستاذ سيلفر: (لا اخد تقييمات كمجاملة علشان يتقال عليا اى حاجة) ناخد من هنا صفه مهمه جدا وهي

الصياد يسعى للتميز
فالصياد لا يهتم بالمجاملات والمديح وإنما يسعى للتميز الحقيقي
فبتكون سعادته حقيقيه عندما يتميز ويصطاد طائر وهو فى الجو (على الطاير)
أو من مسافه بعيده بإصابه دقيقه
ولاكن لا يكون فى سعاده حقيقيه عندما يتم مدحه كمجامله بما لا يستحق

والصفتين دول ممكن يتم تطبيقهم خارج الصيد برضه

ومعلش أنا بشارك كتير فى الأول بس,
عشان أحط مثال لطريقه عرض الصفه وتطبيقها فى الصيد وإنها مهمه فى الحياه خارج الصيد أيضا
وممكن كل واحد يشارك بمعنى جديد لصفه اتقالت قبل كده أو بصفه جديده

أ / إبراهيم ... تحياتي لك و لموضوعك الجميل.

الصبـر ... و هو من أهم مميزات الصياد ، فلابد أن تصبر حتي تصيب الهدف بدقة ، و أعلم أنك لن تصبح صيادا من طلعة أو أتنين ، كما لن تكون فعالا بالمنتدي من موضوع أو أثنين ، فالصيد رزق .. و النجاح و حب الناس نعمة أيضا من عند الله .. فمن الملاحظ في الأونة الأخيرة تسابق بعض الأعضاء علي التقييم و زيادة عدد المشاركات ... فهم لا يصبرون و متسرعون.
فالنجاح لا يأتي إلا بالصبر و المثابرة ، و لا يأتي بالتسرع و العجلة ، فلن تصيب الهدف بتسرعك .. و مع الصبر ستنجح أجلا أم عاجلا ، و مع التسرع .. قد تنجح و تصيب الهدف بالصدفة ، و لكنك لن تستطيع الحفاظ علي نجاحك و لن تصيب الهدف بالصدفة مرتين.
و تحياتي للجميع.

كلام ف الصميم وملحوظ جدا خاصة ف موضوع التقيم الذى فقد مصداقيتة لانة غير طبيعى بالمرة.

تحياتى . والقناعة والرضا بالمقسوم لك من الرزق ميزة مهمة بمعنى لو عنك صيد ف الفريزر متنزلش للصيد غير لما يخلص واذا نزلت مع الاصدقاء وزع صيدك عليهم او تصدق بية للة دى القناعة.
اما الرضا مثلا اذا كنتم مجموعة صيادين اكيد فى حد بيكون موفق عن حد تانى ف الرزق وممكن حد مينزلش اى رزق او ينزل مسروق فى مكان بعيد او ينزل والقطة تاكلة فلازم نكون راضين بالقضاء اللة خيرة وشرة والتوفيق وعدم التوفيق . والحمد للة من قبل ومن بعد

انتا انسان محترم وموضوع جميل جداً تستحق عليه التقييم يا استاذ ابراهيم

يا جماعه بجد ربنا يكرمكم على المعلومات دى, شكراً لكل واحد ساهم
كل مشاركه من مشاركاتكم مليئه بالفايده والمعانى الجميله والرائعه والمفيده
وأجمل حاجه التنوع فى الأفكار لأنها صادره من مجموعه مختلفه من الأشخاص الرائعه


ومشاركاتكم دى خلتني أحس بصفه جديده عليا للصياد
الصياد يقدر الجمال
فالصياد أحياناً ينسى رحلة الصيد ويجلس
ليتأمل فى جمال الطبيعه أو جمال أحد الطيور والمخلوقات


وفى إنتظار المزيد من الروائع والتحف الصادره منكم

يا سلام عليك لما بتفكر تكتب يا ابراهيم باشا استااااااااااااااذ ورئيس قسم الف مليون تحيه يا غالى

والله بجد موضوع جميل من صفات الصياد ان هو يكون غير متسرع فى افعالة حتى لا يندم على شىء فعلة ولا يستطيع تغيرة
ولابد ان يعلم ان بيدة سلاح بة احتمال ان يكون قاتل فيجب ان يتحلى الصياد بالصبر

بعد يوم طويل وشاق.. لقيتني عاوز أدخل أقرأ الصفات اللى انتو كتبتوها
رغم إنى قرأتها قبل كده كذا مره.. بس مبزهقش من قرائة كلامكم الجميل
وده خلانى أحس بميزه جميله جداً وهي:

الصياد لا يشعر بالوحده
فالصياد دائماً معه هوايته الجميله, وبندقية الرش حبيبته
وكل واحد بقى مسمى حبيبته... في واحد مسميها سمسمه وواحد مسميها عنتر :)
بس المهم إنه أول ما بيحس بالوحده.. العلاج الفوري موجود
طاخ طاخ طاخ... كام يمامه زي الفل... والوحده انتهت

وميزه تانيه خاصه لصيادين المنتدى
لو الوقت غير مناسب للصيد أو البندقيه مش جاهزه
المنتدى موجود.. دابليو دابيلو دابليو الصيد فى مصر دوت نت.. إنتر
والوحده إنتهت برضه.. والمنتدى هيعالج وحدته فوراً

والغريب بقى
إنه لو معرفش ينزل يصطاد
وحاول يدخل على المنتدى لقى النت واقع
هيحس إنه نحس.. وبرضه إحساسه بالوحده هيروح
لأنه هيقعد يفكر فى إحساسه بالنحس :)


يا جماعه الصيد وحب الصيد ده حاجه جميله قوي قوي

يا ريت بقى كام واحد فيكو يقولولنا كام صفه جديده للصياد متقالوش فى الموضوع قبل كده