المساعد الشخصي الرقمي

مشاهدة النسخة كاملة : «الداخلية» تطلق مبادرة «رجع سلاحك» بالتعاون مع اتحاد شباب الثورة


بسام سعيد
11-06-22, 05:08 PM
الموضوع ده انا لقيتة وانا بقرا الاخبار قولت لازم انشره في المنتدى حتى يستفيد كل الاعضاء


أعلن قطاع الأمن العام بوزارة الداخلية، بالتنسيق مع اتحاد شباب الثورة، الأربعاء، انطلاق مبادرة «رجع سلاحك» ضمن حملة قومية تهدف إلى تشجيع المواطنين على تسليم ما بحوزتهم من أسلحة نارية غير مرخصة أو تم الاستيلاء عليها من أقسام الشرطة، بالتنسيق مع القوات المسلحة، أثناء ثورة 25 يناير.

ومن المقرر أن تنتهي المبادرة بنهاية الشهر الجاري، لتوقع العقوبات على من يثبت حمله سلاح منذ بداية الشهر المقبل. وتقول وزارة الداخلية إن حوالي 10 آلاف قطعة سلاح سرقت من السجون وأقسام الشرطة أثناء الثورة، عادت منها حوالي 3000 آلاف قطعة وبقي 7000.

وتبدأ المبادرة حملتها في كل محافظات مصر كما أعلن اللواء سيد شفيق، مساعد مدير الإدارة العامة للبحث الجنائي بقطاع الأمن العام، واللواء مروان مصطفى مدير الإدارة العامة للإعلام والعلاقات العامة في مؤتمر صحفي عقد بمقر قطاع الأمن العام بالعباسية وشارك فيه عدد من قيادات اتحاد شباب الثورة.

وقال مصطفى إن هذه المبادرة تأتى لتحقيق المشاركة بين اتحاد شباب الثورة والداخلية ومجلس الوزراء والقوات المسلحة لإعلان استعادة الأسلحة المسروقة عن طريق تضافر كل الجهود بالتنسيق مع مصلحة الأمن العام ومنظمات المجتمع الوطنى وتحقيق أكبر قدر من التعاون بين الأمن والمواطنين.

وأضاف مروان أن الحملة هدفها إرشاد المواطنين وحثهم على تسليم ما لديهم من أسلحة غير مرخصة إلى أقرب قسم شرطة دون أى مسؤولية على القائم بالتسليم.

ومن جانبه قال شفيق إن المبادرة تأتى فى إطار سياسة وزارة الداخلية فى توحيد كل الجهود الرسمية والشعبية والشبابية لتحقيق الأمن والاستقرار واستعادة 7 آلاف قطعة سلاح مسروقة من أقسام الشرطة والسجون بجانب أسلحة أخرى غير مرخصة موجودة فى معظم محافظات مصر.

وكشف شفيق أن الداخلية نجحت خلال 45 يومًا في ضبط 3313 قطعة سلاح من أصل 10 آلاف قطعة سلاح تم الاستيلاء عليها من أقسام الشرطة والسجون.


وده الينك
http://www.almasryalyoum.com/node/470472
تحيايتي وارجو اني مكنش طولت عليكم
وربنا يعدي اليومين دول على خير

elexlns1
11-06-22, 06:15 PM
ههههههههههههههههههههههه

تصدق دى نكتة

مين اللى ممكن يرجع سلاح خده من الداخلية

والله دة أعظم تذكار لثورة 25 يناير

وكنت اتمنى يكون لى الشرف وامتلك حاجة من الاسلحة دى

خالد أبو الفتوح
11-06-22, 06:45 PM
تفتكرو الأسلحة إلأ هما بيقولو إتسرقت من الشرطة من إلأ سرقها وراحت فين

fidodido
11-06-22, 06:53 PM
فعلا كان هيبقى اتقل و اغلى تذكار للثوره بس لو كان معانا

tamer el-henawy
11-06-22, 11:55 PM
بعنى الى معاه سلاح مسروق يسلمه للآقرب قسم دون ادى مسئوليه علية؟؟؟
هههههههههههههههههههههههههههههههههههههههههههههههههه ههههههههه
طب انا عندى فكرة !!! وحصلت فعلاً
امام المسجد الي جمبنا أعلن فى الميكروفون بعد صلات الجمعة وقال
الي معاه اى سلاح ميرى مسروق او مشتراه او دون ترخيص يسلمه فى المسجد والغريب لم كمية سلاح لا حصر لها
وبلغ القسم وحضر المأمور وضباط المباحث للمسجد واستلموا الاسلحه دوى اى مسؤليه على احد.

جنرال
11-06-23, 12:10 AM
صح كده. وعلى فكرة موضوع التسليم في الجامع ده 100 %

ashraf_f
11-06-23, 01:03 AM
انا سمعت و الله اعلم ان فيه امناء شرطة و مخبرين سرقو اسلحة و كانو بيبيعوها

boody
11-06-23, 01:37 AM
احسن حاجة فكرة المسجد دية

sam
11-06-23, 02:04 AM
للأسف هو نفس الفكر العقيم الي كان ماشي زمان ايام الله لا يعيده فكر يعتمد علي ان السلاح مثل المخدرات او مثل زجاجات الخمر اسف لا يتساوون بل ان السلاح اكبر خطرا واكثر اهتماما بنزعه من المخدرات والخمور بينما جنبنا دوله معادية مسلحة حتي الأسنان والأطفال في هذه الدولة اللي متسماش يلهون بجميع انواع السلاح ويتدربون عليه بل يمتلكونه بدون ترخيص بل ان حتي الترخيص القانوني مشدد عليه وسبحان الله الذي يغير ولا يتغير

pooforever_2010
11-06-23, 03:17 AM
انا سمعت و الله اعلم ان فيه امناء شرطة و مخبرين سرقو اسلحة و كانو بيبيعوها
تمام والله ليا صاحبى امين ماسك السلاحليك قالى اثناء الثورة زمايلوا استلموا السلاح
ومشيوا حتى مرحوش الخدمه بس حيسبت ازاى انهم خدوه وروحوا على طول

الأفوكاتو
11-06-23, 03:19 AM
ههههههههههههههههههههههه

تصدق دى نكتة

مين اللى ممكن يرجع سلاح خده من الداخلية

والله دة أعظم تذكار لثورة 25 يناير

وكنت اتمنى يكون لى الشرف وامتلك حاجة من الاسلحة دى

لكن السرقة عمرها ما كانت شرف ! حتي لو كانت من الداخلية .. بردو اسمها سرقة في الأول وفي الآخر

M.S.A
11-06-23, 10:06 AM
ربنا يستر والناس تتفاعل مع الموضوع

elexlns1
11-06-23, 04:41 PM
لكن السرقة عمرها ما كانت شرف ! حتي لو كانت من الداخلية .. بردو اسمها سرقة في الأول وفي الآخر

لا دى مش سرقة

دى ثورة

خالد أبو الفتوح
11-06-23, 08:22 PM
يا جماعة إلآ عاوز يسلم سلاح مسروق أو يعرف حد عاوز يسلم سلاح ( زى إمام المسجد إلأ إنت بتحكو عنة ) يسلمها للجيش مش للشرط لأن أغلب السلاح المسروق الشرطة هى إلأ سرقاه وهية إلأ بيعاه وأى سلاح حى هيتسلم هيخدو ه ويبعوه أو يبدلوه بأسلحة صوت متعدلة خربانة علشان يسبتو حالة