إخواني حمدآ لله على عودة منتدانا

أثناء إنقطاع المنتدي شفت منتديات أجنبيه كان موضوع مكرر في كذا واحد هو خطوره الرش الرصاص
لإنه أثناء إختراقه بسيب رواسب في جسم الطائر أو الحيوان .
الرش الصلب موجود بس غاااالي

يا ترى رأيكوا إيه ؟ :confused:

والله صح بالذات الرش المصري مش بس بيسبب رواسب في جسم الطير ده بيخرب البنقيه كلها

لا فعلا اسعار الرش النضيف والاجنبي غالي جد جدا بس نضيف ومعمول بمقايس بالنسبه للوزن والحجم والجوده
بالمقارنه بالرش المصري الي مصنوع تحت بير السلم زي مبنتريق

ازيك ياعاصم وحمد لله علي سلامتك بعد انقطاع
طبعا كلامك صح ان انواع الرش التي لاتخضع الي مقايس ومعايير دقيقة خطرة جدا جدا علي الانسان لانها تترك
بعض الاثار داخل الطير وطبعا احنا بناكل الطير دة ولازم نستخدم رش مستورد بس هوة فعلا غالي بس مش قوي
ولو حسبتها سعر الرش المصري حوالي 5 جنيهات وفية 100 رشة دة اذا كانوا 100 رشة فعلا والاجنبي مثلا الجامو فية 250 رشة او 200 بحوالي 25 جنية ولو حسبتها هاتلاقيها هي هي بس اضمن واسلم وياعم احنا نبعت لك رش جامو لحد عندك

بالنسبه لموضوع الرش الرصاص هو فعلآ خطير خصوصآ التراب الخفيف إللي بيبقى موجود عليه وجواه
وده بيترسب في اللحم لما يعدي منه
فعلآ إحنا عايشين في تلوث أكتر من كده وأخطر
عمومآ ده فيديو لقيته للمشكله دي وإن كنت أعارض خطوة وضع الزيت
ياريت تقولولي رأيكوا

http://www.youtube.com/watch?v=Y7WV7di85ow

فكرة جميلة جدا وانا شخصيا ها جربها من المرة الجاية والحمد لله انا عندي الزيت الاحمر دة وشكرا يا حسام وعايزين
اكتر من كدا تحياتي لاهل مطروح لانها من اعز المدن الي قلبي

فعلا رواسب الرش دي مشكلة كبيرة وعموما انا أنصحكم نصيحه هامه
اولا ما تحطش الرش في فمك أثناء الصيد
ثانيا بعد الصيد عند طهي حصيلة الصيد لابد من تنظيف مكان اختراق الرشة لجسم الطائر وغسله جيدا بعد فتحها بالسكين