أستفتاء لتطهير المنتدي من المخالفات القانونيه [الأرشيف]

sherothebest

11-06-19, 10:08 PM

فى الفتره الاخيره ظهر فى منتدانا الغالى بعض التجاوزات من حيث البيع والشراء والمناقشه فى مواضيع خطيره تهدد المنتدى وشبابه مثل تعديل الاسلحه وصناعه الصواعق وتعديل طلقات الصوت
والحمد لله البلد بقت احسن ومظنش اننا محتاجين الكلام ده دلؤتى ففكرت انا وطاقم الاداره لعمل استفتاء لغلق كل المواضيع الغير قانونيه بناء على رغبه الاعضاء ده لو الاستفتاء انتهى باغلبيه الغلق لجعل المنتدى مكان امن ولكى لا يئتى اليوم الذى نحرم منه ومستنين ردود الاعضاء

بص يا باشا انا معاك فى اى حاجة الا العبارة اللى بالخط السميك ، وردى العملى عليها الخبر اللى فى اللينك اسفله وحط نفسك مكان الناس دى والرعب اللى عاشوا فيه هما وزوجاتهم واولادهم ويا ريتها تيجى على السرقة وبس الخوف طبعا على الزوجات والبنات من بلطجية غالبا مبرشمين ولا يستطيع التمييز بين امه وعشيقته ، مع العلم ان انا ولله الحمد واشكر فضله بعيد جدا عن مواضيع التعديلات دى لانى والحمدلله مرخص ومعايا حى بس اخوتنا اللى مش معاهم ترخيص او مش يقدروا يطلعوا ترخيص يعملوا ايه قدام واحد بلطجى مش باقى ولا خايف على حاجة وينطبق عليه وبحق حد الحرابة شرعا ، عموما رجاء تفحص اللينك بالاسفل

http://www.egypthunt.net/showthread.php?t=10668

جنرال

11-06-19, 10:11 PM

أنا مع غلق المواضيع الغير قانونية مثل إعلانات الشوك والبلي وتحويل لصوت لحي وغير ذلك . وتقديرا للموقف الوحش اللي إحنا فيه في البلد ممكن اللي محتاج تساؤل متعلق بالمواضيع دي يبعت على الخاص لحد عارفة .

برجاء أن يكون الإستفتاء علني حتى يطمئن الجميع

مع إحترامي

جنرال

11-06-19, 10:12 PM

موافق على غلق المواضيع

karimmasry

11-06-19, 10:21 PM

بس اذا كان جميع الاعضاء موافقون على الغلق فهم ذاتهم لايكفون للحكم على انتظام او عدم انتظام الامن فى كل مناطق مصر لاتنسى وان كنت فى مكان به امان غيرك فى مكان ليس به امان وشكرا

جنرال

11-06-19, 10:26 PM

يا باشا مع إحترامي لحضرتك الإدارة بتقول بلاش مناقشة مواضيع فرعية ، بس ماينفعش ما أردش على حد بيكلمني إحتراما له ، الخلاصة ان لك الحق في إتخاذ ما تراه مناسب لحماية نفسك ده حقك بس المنتدى مش عايز يعرض الوسائل الغير قانونية وده منطقي .

مع إحترامي

اسامة

11-06-19, 10:27 PM

موااااااااااافق على غلق كل المواضيع المخالفه

smsmn8888

11-06-19, 10:28 PM

ارجو الرد ب موافق او غير موافق فقط حتي لا بنحدر الموضوع الي اتجاهات اخرى شكرا

hosam hamza

11-06-19, 10:34 PM

غير موافق الان

moneey1975

11-06-19, 10:35 PM

اخي الفاضل من المفروض وبدون اجراء اي استفتاء لابد من غلق اي موضوع مخالف قانونا من قبل الإدارة وبدون الرجوع الي صاحب الموضوع وذلك للنهوض بمنتدانا العزيز والمحافظه علي سمعته

pooforever_2010

11-06-19, 10:55 PM

انا مع الاغلبيه
لما فيه مصلحتنا جميعا
مع ان الحياه مش وردى البلطجه زى ايام مابعد الثورة ويمكن اكتر
بس صدقونى فى تعتيم على الاحداث
وشكرا

sultan

11-06-19, 10:58 PM

انا مع الاغلبيه
لما فيه مصلحتنا جميعا
مع ان الحياه مش وردى البلطجه زى ايام مابعد الثورة ويمكن اكتر
بس صدقونى فى تعتيم على الاحداث
وشكرا

نورت الاستفتاء بس بعد ازنك الموضوع مش للمناقشه حدد موقفك بنعم او لا وشكرااا

elexlns1

11-06-19, 11:00 PM

طبعا مش موافق

لو شايفين ان المستفيد هما البلطجية أوكى موافق

لكن المستفيد هم الاعضاء يعنى مفيش غيرنا فى المنتدى وكلنا ناس عاديين

وأنا بعمل حاجة مفيدة للناس اللى زينا

لو ببيع لبلطجية كان زمانى عديت الفقر وراجعوا مواضيعى ولو حد كلمنى مش عضو مش بقابلوا خالص نهائى

pooforever_2010

11-06-19, 11:01 PM

اخى الكريم انا مش عاوز حد يزعل منى
بس فيه مناطق كتير لسه مش امنه ونسيت الامان والناس بتنام مفتحه عنيها
ويمكن اخ عزير مرة يقول على سلاح ولو حتى من ورق يفيد الناس دى
فانا للاسف مش معاك
لا للغلق حتى الاستقرار التام للاوضاع
وشكرا لسعه صدرك

التلميذ

11-06-19, 11:02 PM

أنا موافق على غلق مثل هذة المواضيع لأمور منها
1ـ الإستمرار فى مثل هذة المواضيع سيؤدى فى النهاية لفكرة تحويل الصوت وتعديلة إلى حى . وإحنا بنشوف كل يوم تطور فى الموضوع وكل يوم حجم البلية بيزيد حبة حبة ههههههه
2 ـ الأضرار المترتبة على هذة المسدسات أكثر من نفعها وهنفاجأ فيما بعد إن البلد كلها معاها مسدسات متعدلة
والعنف هيزيد ـ وفية ناس غلابة هتتأذى منها وفية منهم ناس هيروحو فى الرجلين ( هيتعملهم قضايا سلاح وخلافة )
إلى غير ذلك ودى وجهة نظر ى وإحترم وجهة نظر المخالف ( بدون الدخول فى مناقشات ومشاحنات )

elexlns1

11-06-19, 11:02 PM

وبعدين الاليكتريك أداة ردع للحيوانات المفترسة أساسا يعنى اداة صيد

زى السكينة ممكن تقتل وممن تفيد بدون ما تقتل

بدر

11-06-19, 11:05 PM

الاخوة الافاضل
افضل ان يكون الحوار وان كان لابد منة لحالة الانفلات الامنى التى تمر بها البلاد ان يكون على الخاص حفاظا على المنتدى
ودة طبعا علشان الناس المعارضة لعدم السماح فى الكلام على موضوع البللى
ولنترك الامر لنتيجة الاستفتاء
تحياتى

sultan

11-06-19, 11:06 PM

لو سمحتم اخوانى هنا مش مكان للنقاش او لتبرير المواقف الموضوع صريح استفتاء الى عايز يقول والى مش عايز يقول بدون اى مناقشات علشان الموضوع ميدخلش فى سكك تانيه وشكرااااااا

sultan

11-06-19, 11:07 PM

بدر

11-06-19, 11:10 PM

منور يا بدر باشا

دة نورك يا سلطان باشا
وعلى فكرة نسيت اقول انا من المعارضين
تحياتى

sultan

11-06-19, 11:12 PM

معارض لغلق المواضيع ولا معارض على المواضيع وضح يا بدر باشا لو سمحت

البطل

11-06-19, 11:13 PM

موافق على أي شيء مخالف وده مش عاوز موفقه الصح والمفروض بيتعمل على طول وجزاكم الله خير

بدر

11-06-19, 11:14 PM

معارض لطرح المواضيع التى تخص ما هو ممنوع قانونا ( السلاح الابيض .. البللى ..
تحياتى

Ebrahim Al Ansari

11-06-19, 11:14 PM

hema777h

11-06-19, 11:22 PM

غير موافق علي غلق التعديلات بهدف الدفاع عن النفس

rock

11-06-19, 11:22 PM

موافق على اغلاق وحذف الموضوعات الضاره بالمنتدى وبالصيد ... تحياتى .

التلميذ

11-06-19, 11:26 PM

لا حول ولا قوة إلا بالله
أنا اسف للتدخل ده, وأنا عارف إن الديموقراطيه جديده علينا كلنا,
معلش أهو بنتعلم كلنا سوا

في فرق بين الإستفتاء و المناظره
ولكل مقام مقال, المناظره بيبقى فى نقاش وجهات نظر وعرض أراء
أما الإستفتاء بيبقى زي بتاع الدستور كده يا توافق يا متوافقش وخلاص

وده إستفتاء, وصاحب الموضوع وضح كده, والإداره وضحت كده
يبقى معلش يا جماعه نلتزم بـ (مــوافــق) أو (غــيــر مــوافــق)
بدون عرض وجهات نظر

عشان الإداره تعرف توصل للأغلبيه بسهوله
وليس حجراً على رأي أحد

.

كلام جميع جدا ومحترم جدا بس الكلام دة مفروض كان إتفق علية من بداية المشاركات
وكان الإستفتاء بـ (موافق على الحذف ) ( غير موافق على الحذف)
حتى لا نعطى مجال للتعليقات والرد على المشاركات بعد 5 أو 6 صفحات من بداية المشاركة

mahmoud11144

11-06-19, 11:41 PM

انا مواااااااااااااااااااااااااااااااااااااااافق علي هذا الاختيار وذالك لحمايتنا وحماية هذا المنتدي الذي جمع
احلي واعظم صيادين مصر من اي اضرار قد تحل بنا وبالمنتدي الجميل ونحن منتدي صيد وليس منتدي
تطوير اسلحة ولا منتدي اختراعات
وارجو من الاعضاء اصحاب هذة المواضيع ان يقراو اسم هذا المنتدي

وهو منتدي الصيد في مصر

وليس تعديل اسلحة وزخيرة في مصر ..
وشكرا جزيلا لصاااااااااااااااااحب الموضوع ..

mahmoud11144

11-06-19, 11:49 PM

غير موافق علي غلق التعديلات بهدف الدفاع عن النفس

يا باشا بعد ازن حضرتك ومع كامل احترامي الشديد لراي حضرتك
في وسائل كثيرة جدا للحماية
في الاسلحة الحية موجودة اشتريها ورخصا وعندك القانون
ولا كل واحد يا خد حقة بيدة ؟؟؟؟؟؟؟؟؟؟
ولكن مفيش داعي لتعديل الاسلحة لان 1% الي بينفع
وهذا خفاظا علي سلامتك ...

التلميذ

11-06-19, 11:50 PM

يا ريت الإدارة تعدل طريقة الإستفتاء بــ ( أوافق على الحذف ) و ( لا أوافق على الحذف )
لسهولة التقييم والحصر وخروجا من الخلافات والتعليق على التعليقات

Android man

11-06-19, 11:53 PM

مواضيع بخصوص الصواعق لا تحذ اما مواضيع تصنيع رصاص بلي والكلام ده انا معاكو امسحو يلا

Android man

11-06-19, 11:54 PM

( أوافق على الحذف )

hema777h

11-06-20, 12:05 AM

يا باشا بعد ازن حضرتك ومع كامل احترامي الشديد لراي حضرتك
في وسائل كثيرة جدا للحماية
في الاسلحة الحية موجودة اشتريها ورخصا وعندك القانون
ولا كل واحد يا خد حقة بيدة ؟؟؟؟؟؟؟؟؟؟
ولكن مفيش داعي لتعديل الاسلحة لان 1% الي بينفع
وهذا خفاظا علي سلامتك ...

حضرتيك لو قدمت علي ترخيص واختو ليك مني هدية

silver_5000

11-06-20, 12:10 AM

امممممم , مع انى حاسس ان البلد لسة مش كويسة زى ما بتقول يا سلطان باشا , و شايف الدنيا رمادى ادامى مش وردى , بس بينى و بينك كفاية كدة مخالفات , و مع الحذف مش الغلق

abdalla nabel

11-06-20, 12:53 AM

غير موافق على الحذف

osha966

11-06-20, 12:55 AM

أنا موافق طبعا على تطهير المنتدى من المواضيع المخالفة للقانون والغير مفيدة

safwat

11-06-20, 01:01 AM

اوافق على تطبيق قوانين و قواعد المنتدى بكل حزم ..

xman

11-06-20, 01:34 AM

موافق علي الموضوع

Hany Ekram

11-06-20, 01:48 AM

تحية لجميع أخواتي الاعضاء الكرام الذين أكن لهم كل التقدير و الاحترام
بداية من الأستاذ سلطان صاحب هذا الموضوع و تحية لجميع أخواتي و أقسم بالله
ان حبي لكم و تقديري زاد بعد فتح هذا الموضوع رغم أنني غير موافق علي الحذف
و قد استفد كثيرا جدا من معلوماتكم و خبراتكم و لكن لي تعليق بسيط ان ما يحدث
مخالف لشروط الالتحاق بالمنتدي و خاصة الأسلحة المرفوض تداولها بالمنتدي و هناك
لاءحة بالأسلحة الممنوعة فلماذا نفعل ذلك الآن و أقسم بالله العظيم انه ليس لي أي فائدة
في ذلك و اتلقى لم اتلق اشتري بعد أي مسدس معدل بعد و لكن لا يجب ان يوءخذ الموضوع
بهذا الشكل فأنا علي مشارف الأربعين من العمر و لست طفلا صغيرا حتي يملي علينا ما يجب
كفانا ما حدث في هذا البلد بعد ما حدث نتيجة فكرة جاءت لبعض الشباب لاصلاح البلد
و هذا ما آلت اليه الأوضاع التي نحن فيها بسبب بعض الشباب الذي لم يفكر عندما تظاهروا أين
سياخذنا ذلك أين القائد الذي سيقود البلد لا يوجد ؟؟ و هذا أكبر دليل علي فشل ما يسمي بالثورة !!
طبعا الأخوة الاعضاء لا يطيقون كلامي نظرا للإطالة و أقدم اعتداري لكم جميعا
سوءال واحد بماذا نحمي انفسنا و عن أعراضنا و اذا كانت التراخيص مش لأي حد وسعر المسدس الحي
المحترم بسعر سيارة , فهل تستكثرون علي الاعضاء بابتكار أفكار قد تمكنهم بالدفاع عن أنفسهم
و حتي إذا كانت طريقة محفوفة بالمخاطر فأنا أوافق علي الخوض في المخاطرة , سوءال آخر
أوليس مواجهة بلطجي أو حرامي محفوف بالمخاطر أيضا أم ماذا؟
طبعا أنا عارف ان الأخوة حيتوصوا بيا انت طولت و أخذت أكتر من وقتك و كلام من ده.....
فرجاء أنا قرأت كل المشاركات و عارف ازاي كان المفروض اني أرد و لكن في حاجة استفزتني
قبل ان أرد و دي سبب الموضوع ده في أحد الاعضاء المحترمين و كنت متابع لتعليقاته و مشاركاته
و ذلك لخلفيتة القانونية فوجئت بأنه يرد علي أحد الاعضاء و يقول له انت بجح و قليل الأدب و علي فكرة العضو
ده من طاقم الادارة .......... وفاين الادارة من هذا الموقف لا تعليق....!!!
فأرجو ان ننتبه جيدا لما يجب ان يحذف و ما لا يجب ان يحذف
و سوف أوافق علي الحذف في حالة واحدة إذا تخلي الاعضاء المطالبون بالحذف عن مسدساتهم المعدلة لضرب البلي لأنه لا يجب ان تحرم شيء للأعضاء حللته لنفسك لتدافع به عن مالك و عرضك.
أرجو قبول اعتذاري مرة أخري و شكرا لسعة صدركم و لا داعي للتعليقات

غير موافق علي الحذف غير موافق علي الحذف غير موافق علي الحذف

AFROTTO

11-06-20, 02:39 AM

hema777h

11-06-20, 04:06 AM

hassan moneer

11-06-20, 05:54 AM

غير موافق لاسباي كتير والله اعلم ان مش مصلحة شخصية في الالكتريكلت اللي عارضها بس هكتفي بالرفض

loay the hunter

11-06-20, 07:33 AM

موااااااااااااااافق عالحذف للمواضيع اللي بدون اهمية

dr_mohasan

11-06-20, 08:40 AM

أوافق بشدة على الإقتراح العظيم بتطهير المنتدى من هذه المواضيع إحتراماً لأنفسنا واحتراماً لمنتدانا
وخاصة أن الحالة الأمنية فى تحسن مستمر ولم نعد بحاجة الى مثل هذه الأشياء

sultan

11-06-20, 08:51 AM

انا عارف اننا الديموقراطيه جديده علينا كلنا واولهم انا فلو سمحتم اخوانى ياريت منخرجش بره الموضوع حتى لا يضيع الهدف منه المشاركه موافق او لا اوافق وشكراااااا

sayedlabib

11-06-20, 08:54 AM

والله فعلا كلها اراء محترمة جدا اللى عايز يحذف واللى مش عايز والكل يهمه المصلحة العامة هى دى الديمقراطيه بس يا رب تبقى دايما بدون خلافات او الفاظ خارجة

smsmn8888

11-06-20, 10:27 AM

لو سمحتو ارجو الرد ب
موافق
او
غير موافق
فقط لاغير

NSAA

11-06-20, 10:41 AM

ما ينفعش يبقى بس موافق أو لا
لو عايزين نوصل لقرار صح ... يبقى لازم نسمع أراء الناس

لو موافق أو لا يبقى ....... غير موافق

لكن رأيي ... موافق على الحاجات زي الأليكترك و الغاز و الخناجر الممنوعة و خلافة
لكن حاجة زي طلق البلي أنا مش موافق ببساطة ... أنا بسافر كتير و باليل و أوقات كتير الظروف بتحكم يبقى معايا زوجتي و أولادي ... هدور على أي و كل طريقة تخليني أحاول أحميهم من أي خطر لإني مضطر أسافر بيهم بالليل .... لو قصة زي بتاعة البلي دي مش موجودة ... يا ترى أعمل إيه
علماً إني قلت قبل كده إني معايا رخصة سلاح حي و اشتريت سلاح حي

بس اللي زيي و معرفش يطلع رخصة ... يــــــــــعـــــــــــــــــــــمــــــــــــــــ ــــل إيــــــــــــــــــــــــــه

مطلوب جداً نحافظ على المنتدى مش بس بسبب الحب ... دى حتى بسبب المصلحة و المنفعة الشخصية ... علشان محدش يقدر ينكر إنه ما استفدش من المنتدى و لو معلومة صغيرة

بس برده عين الرحمة بتقول ... نساعد و نوفر وسيلة مساعدة للي محتاج المساعدة

essam assem

11-06-20, 10:42 AM

( أوافق على الحذف )

sultan

11-06-20, 10:45 AM

NSAA

11-06-20, 10:45 AM

ممكن نعمل حاجة تانية لو عايزين نحافظ على المنتدى من تناثر المعلومات و يبقى الموضوع للحماية بس ...
ممكن نقنن القنوات المعلن فيعا عن وسائل الحماية دي ... بإنها تبقى قنوات خاصة للأعضاء الخاصين فقط
و يتم الإنضمام لباقة الأعضاء دو مثلا بإرسال سيرة ذاتية بصورة البطاقة مثلا للتأكد من عضوية المطلعين

حرام ... لازم نعمل حساب الناس المحترمة اللي لا ليها لا في اللف و لا الدوران و محتاج وسيلة حماية و ما يعرفش لا يمسك مطواة و لا يضرب بحديدة ... و المعلومات اللي في المنتدى هي بس القشة اللي بيتعلق فيها في شلال البلطجة و الإنفلات الأمني الموجود حالياً

saskon

11-06-20, 10:47 AM

غير موافق على الحذف

NSAA

11-06-20, 10:48 AM

حبيب قلبى مشكور لكلامك بس والله صوتنا اتنبح بنقول ده استفتاء وليس مجال للمناقشه الى عايز يناقش يتفضل يعمل موضوع ونتناقش فيه انما هنا استفتاء بس لسهوله حصر الاصوات ارجو تكون فهمت كلامى صح وانا مبمنعكش تشيل حاجه ممنوعه انتا حر بس انا خايف على المنتدى بتاعى

خلاص ... غير موافق

sultan

11-06-20, 10:49 AM

ارجو من مشرف العام مسح كل الاصوات الباطله والمشاركات الغير مفيده فى الاستفتاء واظن ده من حقى وده بيحصل فى اى استفتاء محترم فى الدنيا الاجابه بموافق على الحزف او لا اوافق على الحزف

صياد شبرا

11-06-20, 10:54 AM

لا اوافق على الحزف

aly_kamal

11-06-20, 10:58 AM

موافق

انا احترمت رايك وقلت رايي بدون نقاش
ارجو احترام راينا جميعا ويكون فيه مجال للمناقشة
اشكرك

mahmoud11144

11-06-20, 12:26 PM

انا مواااااااااااااااااااااااااااااااااااافق علي الحذف
وذالك طبقا لقوانين المنتدي ...

Hany Ekram

11-06-20, 12:33 PM

الإخوة الاعضاء كفانا إملاء المطالب بالراحة شوية هي مش خناقة الناس عندها اللي مكفيها
و معلش للأخوة اللي بيقولوا ان الأوضاع الأمنية في تحسن لا معلش مش في تحسن أنا كان عندي
أسفل مقر عملي بكورنيس النيل اطلاق نار حي مش صوت من قبل بعد السياس اللي بيركنوا السيارات
أمام الشرطة و لم يتدخلوا لإنهاء الأمر.و تلكلام ده حصل في وضح النهار الساعة حوالي 1 ظهرا مش بالليل
لابد من ترك مساحة للمناقشة الحكاية مش قفش و تقفيل دماغ علي الاعضاء و خلاص دي ما اسمهاش ديموقراطية

و شكرا لكم جميعا

Hany Ekram

11-06-20, 12:35 PM

و عشان خاطر الأستاذ سلطان

لا أوافق علي الحذف

و شكرا

sultan

11-06-20, 12:45 PM

النتيجه الاوليه للستفتاء من واقع حصرى للموضوع وارجو مسامحتى لو كان الحصر غير دقيق لكثره المشاركات التى كنا تكلمنا عنها انها تؤثر على النتجيه ومحاوله توصيل المعلومه ان الموضوع استفتاء وليس للمناقشه وكتير من اخواتنا فى المنتدى مصرين على ادخال مشاركات وكان الاقتراح فتح موضوع اخر للمناقشه المهم حصل خير ونتيجه الاستفتاء الغير نهائيه والغير معتمده والتى من حصرى الغير دقيق

الموافق على حزف المواضيع 31 عضو
الغير موافق على حزف المواضيع 14 عضو
الاصوات الباطله الغير واضحه 8 اعضاء
ارجو من الاعضاء تكمله الاستفتاء على النظام الموضوع من قبلى وقبل الاداره وشكرا لكا من قال رئيه بحريه من موافق او معارض
وبنتظار حصر الاداره للاعداد النهاءيه

طلعت مجدي

11-06-20, 01:00 PM

لا أوافق علي الحذف

avokato

11-06-20, 01:18 PM

انتظروا لحين الانتهاء من بحث تجريم الطلقات البلي
http://www.egypthunt.net/showthread.php?t=10814

sultan

11-06-20, 01:23 PM

انتظروا لحين الانتهاء من بحث تجريم الطلقات البلي
http://www.egypthunt.net/showthread.php?t=10814

العضو المحترم الطريقه الى دخلت بيها مش ظريفه وده استفتاء فياريت تقول رئيك بس (استفتاااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااء)

tarekvb

11-06-20, 01:41 PM

الراى الاول والاخير فى يد الادارة العليا المتمثلة فى صاحب الموقع وليس فى يد الاعضاء ولو اجمعوا وكان قبل عمل الاستفتاء كان يجب مراسلة الادارة ومعرفة هل ستوافق على قرارات الاعضاء مهما كانت ؟ بالاخص ان نداء بحذف اغلب المواضيع سيؤدى الى الاقلال من مرور الاعضاء على المنتدى لان اغلب المواضيع المحذوفة هى التى تجد رواج واهتمام من قبل اعضاء كثيرين حتى لو مجرد مرور مما يؤدى الى الخسائر للادارة ؟؟
الموضوع ليه حسبة تانيه خالص غير الاجماع يا جماعة

Hany Ekram

11-06-20, 01:46 PM

NSAA

11-06-20, 01:48 PM

العضو المحترم الطريقه الى دخلت بيها مش ظريفه وده استفتاء فياريت تقول رئيك بس (استفتاااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااء)

أنا أسف بس أنا ملاحظ إن طريقة حضريك هي اللي بقت مش ظريفة .....
أنا عارف إن الناس بدايقك لما بتقول رأيها ... بإعتبار إن ده إستفتاااااااااااااااااااااااء و ليس مجال مناقشة
بس حتى إنت بنفسك بترد عليهم بكلام كتير و دى بيحافظ على باب المناقشة مفتوح و بيخرج الموضوع من ثوب الإستفتاااااااااااااااااء

smsmn8888

11-06-20, 01:55 PM

sultan

11-06-20, 01:59 PM

أنا أسف بس أنا ملاحظ إن طريقة حضريك هي اللي بقت مش ظريفة .....
أنا عارف إن الناس بدايقك لما بتقول رأيها ... بإعتبار إن ده إستفتاااااااااااااااااااااااء و ليس مجال مناقشة
بس حتى إنت بنفسك بترد عليهم بكلام كتير و دى بيحافظ على باب المناقشة مفتوح و بيخرج الموضوع من ثوب الإستفتاااااااااااااااااء

مشكور على مرورك وخلينا فى موضوعنا علشان الاخ الى علقت عليه التعليق ده بيدخلنا فى موضوع تانى ومشكور كمان مره على مرورك وخلينا فى موضوعنا لو سمحت

Hany Ekram

11-06-20, 05:38 PM

منقول من جريدة الشروق اليوم عشان اللي بيقول ان الدنيا بقت أحسن من الأول

شهد طريق حلوان - الكريمات مطاردة عنيفة وتبادلا كثيفا لإطلاق النيران بين دورية مشتركة للجيش والشرطة مكلفة بتأمين الطريق وسيارتين ربع نقل خرجت من إحدى الدروب الجبلية لسرقة سيارة أجرة كانت تقل 6 ركاب
في طريق عودتهم إلى حلوان على بعد 1 كم من نفق أطفيح، وتعطلت سيارتهم على جانب الطريق.

وقد توجهت عناصر من الشرطة المدنية -كما ذكر بيان صدر بهذا الصدد من وزارة الدفاع اليوم الاثنين- مدعومة بعربة مدرعة تابعة للشرطة العسكرية لنجدة السيارة الأجرة، لتفاجأ بخروج سيارتين ربع نقل مزودة بأسلحة رشاشة وآلية تطلق نيرانا كثيفة تجاه الدورية التي قامت بالاشتباك معها، وتمكنت من إصابة إحدى العربات، بينما لاذت الأخرى بالفرار والصعود لنقطة مرتفعة في المنطقة الجبلية بجانب الطريق، وأمطرت القوات بوابل من الرصاص لتأمين خروج باقي المجموعة.

وتحت ستر العربة المدرعة والتبادل الكثيف لإطلاق النيران تمت السيطرة على الموقف والتحفظ على العربة وبداخلها بندقية آلية روسية الصنع ومعها خزنة بها 15 طلقة وأخرى آلية بلجيكية الصنع ومعها 21 خزنة بها 305 طلقة، فضلا عن بعض السجلات والأوراق الهامة، وإصابة أحد الأفراد المتواجدين بها، ولم تتمكن من ضبط أي من عناصر إجرامية لاذوا بالفرار تحت ستار الليل وتبادل إطلاق النار، حيث يجرى حاليا تمشيط المنطقة لضبط الجناة والتحقيق في ملابسات الحادث.

في سياق متصل أنقذت العناية الإلهية حياة سائق تاكسي من موت محقق بعض تعرضه لعملية اختطاف على يد ثلاثة من المجرمين اقتادوه إلى منطقة منعزلة بشارع 16 بالمقطم تحت تهديد السلاح وسرقة سيارته قبل أن تعثر عليه دورية سيارة للشرطة العسكرية بمنطقة المقطم مصابا بطعنتين في الصدر والوجه.

وكانت إحدى دوريات الشرطة العسكرية قد اشتبهت بسيارة تاكسي أجرة تتحرك مسرعة على جانب الطريق وباقتراب الدورية من موقع الحادث عثرت على السائق المصاب، وتمكنت من إسعافه وضبط السيارة والقبض على اثنين من الجناة وبحوزتهم أسلحة بيضاء وجهاز صاعق كهربائي، بينما لاذ المتهم الثالث بالفرار.

واعترف الجناة بالتخطيط لسرقة سيارة تابعة لإحدى الشركات، وبعد فشلهم عقدوا العزم على سرقة سيارة تاكسي لاستخدامها في أعمال السرقة وترويع المواطنين، فاستقلوا السيارة وطلبوا من السائق توصيلهم إلى المقطم، وفي منطقة منعزلة من الطريق هددوا السائق بسلاح ناري (طبنجة) وجهاز صاعق كهربائي، وأجبروه على النزول
من العربة قبل أن يطعنه أحد الجناة بسكين في الصدر والوجه، وحاولوا الفرار بالسيارة، وتصادف ذلك مع مرور دورية الشرطة العسكرية التي طاردتهم وتمكنت من ضبط اثنين منهم وهروب الثالث.

وبعد الإرشاد عن مكان تجمعهم تمكنت دورية مشتركة من الشرطة المدنية المدعمة بالشرطة العسكرية من ضبط المتهم الثالث وبحوزته السلاح الناري المستخدم في عملية السرقة، والقبض على آخر مقيم معهم وبحوزته ملابس عسكرية، حيث تم تحويلهم إلى النيابة العسكرية تمهيدا لاتخاذ الإجراءات القانونية حيالهم.

koktal

11-06-20, 05:47 PM

hema777h

11-06-20, 06:02 PM

ارجو ان يتم اعدام هولاء البلطجية في ميدان عااااام حتي لا نسمع من هولاء البلطجية اي مشاكل مرة اخري واستفسار بسيط هما كانو ناويين يعملو اية بالملابس العسكرية التي تم ظبطها .........................................اللة وحدة الذي يعلم هما كاننو ناويين علي اية واية التخطيط الي هماااا ناويين علية وتخطيط من مين ....................... نسال اللة السلام لمصر

aly_kamal

11-06-20, 06:05 PM

وحتى لو معاه مسدس حي
الموقف يا جماعة بيحكم على الشخص
يعني مش اي حد يمسك سلاح حي ويضرب بيه وكمان يصيب اللي قدامه
الناس اللي بتمارس فقط هي اللي تقدر تتعامل مع الحجات دي لكن اغلب الناس اللي عايزة تشيل سلاح حي وتطلع رخصة بدون اي درايه بالسلاح مش هيعرفوا يتعاملوا مع الموقف
وكونك بتضرب نار في اي وقت عادي يعني بتصطاد او بتمارس ضرب النار كهواية كل ده في كفه وانك تتعامل مع شخص بيحاول ياذيك او يقتلك ده في كفه تاني
ربنا يبعد عنا كل شر ويحفظنا جميعا وتحياتي للجميع

sultan

11-06-20, 06:48 PM

بما ان الموضوع اتشخرم خااااااااالص كحال كل حاجه فى البلد والواحد حاسس انه بيدن فى مالطه ويقول طور يقولو احلبو شيلو سلاح حى واعملو اعلانات على النت براحتكم وبيعو واشترو زى منتو عايزين بس محدش يلوم غير نفسه انا كان عندى رساله عايز اوصلها بس معلش تقديرى خنى
وللعلم الايام الى فاتت ايام اقتناء السلاح وبيعه وشراه بحريه والايام الى جايه ايام لم السلاح والقبض على بيعينه ومشترينه والى عايز يروح كبش فدا هوه حر الجيش مبيميزش والشرطه مبتميزش والى يقولك القانون بيقول اوله كان غيرك اشطر وفى النهايه انا كنت اتمنى الخير للمنتدى واعضائه والحمد لله قدر الله وماشاء فعل اسيبكم مع تجارتكم وبيعكم وشراكم وتعديلكم ومستنى اسمع اخبار حلوه .....

Ebrahim Al Ansari

11-06-20, 07:04 PM

__________________________________________________ ________________________________________________

sultan

11-06-20, 07:07 PM

انا قريت الموضوع ده قبل كده وعجبنى اوى ومتشكر ليك اوى والرساله وصلت

Hany Ekram

11-06-20, 07:51 PM

تقدر تقولى حضرتك كنت هتعمل إيه لو معاك مسدس (بليه) .. لو كنت فى مكانهم لا قدر الله ..

اكيد كنت حقيس الموضوع الاول عقليا و اتخاذ الاحتياطات الازمة الاول يعني مركبش 2 و يكون شكلهم غلط و انا لوحدي و اروح بيهم منطقة مقطوعة و ان اضطرتني الالظروف و اكون في هذا الموقف و ربنا يسترها علي الجميع و يكون معايا مسدس حتي لو بلي علي الاقل حتي لو مت كنت حاموت و انا مستريح عشان كنت بدافع عن نفسي و مالي حق الدفاع عن النفس مكفول للجميع علي فكرة , و علي ما يبدو و بياين امامك ان السائق لم يكن معه اي حاجة علي الاقل العيار اللي ميصبش حيلم الناس ده السائق حتي و علي ما يبدو لم يستطع حتي الاستغاثة.
لما يكون معاك مسدس و حتي لو بلي علي الاقل حتصيب المعتدي و يكون علي الاقل امامك فرصة للهرب اما لو معيش حاجة خالص دي تبقي النتيجة الحتمية زي ما حضرتك قريت كده.

انا ارسلت الجزء بتاع الحوادث ده عشان الاخوة اللي بيقولوا ان الدنيا تمام و احسن من الاول و لا حضرتك مش معايا يتفضل يقرا و يقولي الدنيا هديت ازاي .

يا اخواني الاعزاء البلطجة معتقدش انهم بيخشون علي الموقع اساسا و يمكن معندوش حتي كمبيوتر ولا عندهم اساسا و صلة نت احنا هنا باين اننا اعضاء محترمين اللي عنده لاب توب و وايلس نت معتقدش ان البلطقي و لا الحرامي حيخش و يكتب بالانجليزي egypthunt.net لانه البلطجي حتلاقيه بيفك العربي بالعافية مش يكتب بالنجليزي عشان يشوف احنا بنعمل ايه اساسا هو يهمه يضرب و يخطف و يجري مش حيخش علي النت.

اللي غايزني ان بعد الاعضاء اللي بينادوا بغلق مواضيع البلي و كده هما اساسا معاهم مسدسات بلي طيب ازاي بتحلل لنفسك تمسك المسدس البلي و تحرمه علي غيرك......حاجة غريبة.

و علي فكرة للتاكيد ان الدنيا امان احد زملائي بالعمل تم اختطافها بالسيارة التي كانت ركباها و باتت ليلة خارج البيت لحين تم القبض علي الخاطفين بعد 3 ايام و لي قريب يعمل باحد الفنادق الكبري بالجيزة و يسكن بالمقطم تم ايقافة عنوة بعد شراؤه مستلزمات المنزل و كانوا بجوار المنزل و تم اقتيادهم بعيدا و ضحت الزوجة بنفسها من 3 اسابيع و لم تعد الي الان ...... الدنيا امان و الزوج عن لسانه تم ضربه ضربا مبرحا عندما قاوم و لم يكن يحمل اي شىء و تمني ان يكون معه حتي لو حتة حديدة يخبط ويقاوم لاكن مكنش معاه حاجة بردة و زميل لي بالتجمع الخامس كان متواجدا بشارع التسعين محل سكنة الساعة 10 مساء اعترض طريقة 4 افراد و تم ايقافة و حاولوا فتح السارة عليه و عندما انتدأ بالفرار حطمو له الزجاج الجانبي و الامامي بالمواسير الحديدية و لاذ بالفرار فماذا لو كان معه مسدس بلي و اصاب اي حد منهم علي الاقل كانوا اتمسكوا مش كده برضة و لا الدنيا امان.......و لا تعليق

smsmn8888

11-06-20, 07:57 PM

تقدر تقولى حضرتك كنت هتعمل إيه لو معاك مسدس (بليه) .. لو كنت فى مكانهم لا قدر الله ..
لا خلاص بس يا شباب اي واحد بلطجي يجي يسبتك او يسرقك قولة اتفضل يابشا ادخل اعمل الذي حضرتك عيزة تا المطلوب يعني

ولو معك مسدس حي برضو كونت هتعمل حاجة ؟؟؟؟؟؟؟؟؟ القصة مش بلي ولا حي بس في مواقف كتير بينفع فيها مسدس الصوت كمان مش البلي مع احترامي ليك

Hany Ekram

11-06-20, 08:04 PM

لا خلاص بس يا شباب اي واحد بلطجي يجي يسبتك او يسرقك قولة اتفضل يابشا ادخل اعمل الذي حضرتك عيزة تا المطلوب يعني

ولو معك مسدس حي برضو كونت هتعمل حاجة ؟؟؟؟؟؟؟؟؟ القصة مش بلي ولا حي بس في مواقف كتير بينفع فيها مسدس الصوت كمان مش البلي مع احترامي ليك

كلام حضرتك مضبوط و انا في مجال عملي اختلط مع زملائي المهندسين و بسبب عملهم بالطرق السريعة انقذتهم العناية الالهية من البلطجية بسبب مسدس صوت بس ة البعض تعاملوا بمسدسات البلي و اصاب الشخص المتهجم عليه و قبض زميلي عليه هو و بعض المرافقين له و اعترف بعد ان اخذ العلقة اياها علقة الموت انه مش لوحده و ارشد عن الباقين يا جماعة مسدسات البلي دي اضعف الايمان و زميلي ده و الحمد لله يقر انه لم يستخدمه من قبل و لا من بعد الا لو اضطرته الظروف.

و شكرا لمرور سيادتك و الرد المنقع

smsmn8888

11-06-20, 08:16 PM

كلام حضرتك مضبوط و انا في مجال عملي اختلط مع زملائي المهندسين و بسبب عملهم بالطرق السريعة انقذتهم العناية الالهية من البلطجية بسبب مسدس صوت بس ة البعض تعاملوا بمسدسات البلي و اصاب الشخص المتهجم عليه و قبض زميلي عليه هو و بعض المرافقين له و اعترف بعد ان اخذ العلقة اياها علقة الموت انه مش لوحده و ارشد عن الباقين يا جماعة مسدسات البلي دي اضعف الايمان و زميلي ده و الحمد لله يقر انه لم يستخدمه من قبل و لا من بعد الا لو اضطرته الظروف.

و شكرا لمرور سيادتك و الرد المنقع

اللة ينور عليك ولذا واحد معانا هنا في المنتداء قال في مشاجرة ولو انه سحب المسدس البلي من العربية لحدث مالا نحب ان نسمعة يعني احلا كلمة اضعف الايمان
غير لما كونا في الجان الشعبية كان معانا ناس مش قادرة تقوم من الكورسي اصلا ومع ذلك دايما قعدين معانا تا اضعف الايمان ؟؟؟؟؟؟ وكونا بنسمع علي ناس بتعدي بارشاشات والكلام تا واحنا اكبر واحد مع مسدس صوت ومع ذلك مخوفناش ووقفنا في الشارع لمدة اسبوع لية اضعف الايمان لو شافو الناس عدد كبير مش هيقرب انا واحد من الناس كونت علي استعداد اموت وانا بدافع عن باب البيت حتي ولو الدخل علية تا شايل معا اربيجيااا مش اجري واقول لا يا عم تا اربيجيا وانا معايا عصايا اعمل اه اعمل اه لا معلش اضعف الايمان ممكن يجي يضرب يعلق وانا انزل علي دماغاة بالعصايا ؟؟؟؟؟؟

Hany Ekram

11-06-20, 08:34 PM

اللة ينور عليك ولذا واحد معانا هنا في المنتداء قال في مشاجرة ولو انه سحب المسدس البلي من العربية لحدث مالا نحب ان نسمعة يعني احلا كلمة اضعف الايمان
غير لما كونا في الجان الشعبية كان معانا ناس مش قادرة تقوم من الكورسي اصلا ومع ذلك دايما قعدين معانا تا اضعف الايمان ؟؟؟؟؟؟ وكونا بنسمع علي ناس بتعدي بارشاشات والكلام تا واحنا اكبر واحد مع مسدس صوت ومع ذلك مخوفناش ووقفنا في الشارع لمدة اسبوع لية اضعف الايمان لو شافو الناس عدد كبير مش هيقرب انا واحد من الناس كونت علي استعداد اموت وانا بدافع عن باب البيت حتي ولو الدخل علية تا شايل معا اربيجيااا مش اجري واقول لا يا عم تا اربيجيا وانا معايا عصايا اعمل اه اعمل اه لا معلش اضعف الايمان ممكن يجي يضرب يعلق وانا انزل علي دماغاة بالعصايا ؟؟؟؟؟؟

تمام كلامك و ده اللي بقول عليه ان احنا ناس عاقلة مش في اي و قت الواحد حيطلع المسدس البلي علي حسب ما يستدي الموقف , يعني لو معايا مسدس بلي و اللي قدامي معاه مسدس حي مش حوريهوله اساسا , لكن لو مهاه سلاح ابيض حفضي الخزنة في وشه و ايام اللجن و احنا في الشارع كان كل اللي معايا عصاية من شجرة كان حارس العمارة ظبطهم للسكان عشان ندافع بيه عن نفسنا بالاضافة للي كان معاه مسدس حي زجاجات المولوتوف و مسدسات الصوت و بنادق الرش و لكن الروح اللي كانت موجودة كانت تهزم جيش بحاله.

sultan

11-06-20, 08:38 PM

والله العظيم ياناس ياهوه انا مبقولش متحميش نفسك احمى نفسك وشيل سلاح بس متحبسش نفسك يناااااااس افهمو بقى والله العظيم كل كلمه محسوبه على الى بيقولها البلد كلها معاها سلاح ومحدش بيعمل الى احنا بنعمله ده احنا بنتمنظر بالسلاح ومتستبعدوش تسمعو خبر فى التلفزيون والى مش هيسمع يبقى هوه كبش الفدا (القبض على مجموعه من الشباب انشئو موقع لتطوير وبيع الاسلحه المحظوره)

avokato

11-06-20, 09:01 PM

sultan

11-06-20, 09:06 PM

فين الي مش ظريفه عموما شكرا

الى مش ظريف اننا بنتكلم فى حاجه اسمها استفتاء ومظنش ناس كتير يسمعو على الموضوع ده دى حاجه كده بتحصل عند ناس بيقررو هما عيزين ايه من خلاال الاغلبيه والعيازو بالله وحضرتك تخش تحط لنك موضوعك الى هوه مش مكانه وتحاول تبوظ الموضوع وانا بعتلك رساله على الخاص وبكررها على العام وقولتلك بلاش الموضوع الى انتا عايز تعمله ده فى ناس كتير هتسمع كلامك وهتعمل زى منتا بتقول وناس كتير محترمه هتروح فى الرجلين وانتا لا حياه لمن تنادى واقتحمت موضوعى وحطيت موضوعك اظن من حقى ازعل

هشام سمير

11-06-20, 09:19 PM

الاخوه الافاضل سيتم تجميع الاصوات واتخاذ الاجراء اللازم

avokato

11-06-20, 10:03 PM

الى مش ظريف اننا بنتكلم فى حاجه اسمها استفتاء ومظنش ناس كتير يسمعو على الموضوع ده دى حاجه كده بتحصل عند ناس بيقررو هما عيزين ايه من خلاال الاغلبيه والعيازو بالله وحضرتك تخش تحط لنك موضوعك الى هوه مش مكانه وتحاول تبوظ الموضوع وانا بعتلك رساله على الخاص وبكررها على العام وقولتلك بلاش الموضوع الى انتا عايز تعمله ده فى ناس كتير هتسمع كلامك وهتعمل زى منتا بتقول وناس كتير محترمه هتروح فى الرجلين وانتا لا حياه لمن تنادى واقتحمت موضوعى وحطيت موضوعك اظن من حقى ازعل

اتمني من الاداره حزف مشاركاتي في موضوعه واسف

sultan

11-06-20, 10:32 PM

اتمني من الاداره حزف مشاركاتي في موضوعه واسف

مفيش بين الاخوه اسف وسامحنى على انفعالى

Hany Ekram

11-06-20, 10:43 PM

sultan

11-06-20, 11:03 PM

و الله يا جماعة أنا شايف انه كفايه كده و يتم علق الموضوع نهائيا لأني مش شايف منه أي فائدة
كل إلي أنا شايفة مشحانات و مفيش أي فائدة عمت علي أحد
ولا شفنا موقف للإدارة للعضو اللي هو من طاقم الادارة أساسا اللي قال لأحد الاعضاء انت قليل الأدب و بجح
يبقي فالنكتفي بهذا القدر و كفاية كده

و شكرا للجميع

اولا مش اى حد يقول اقفل الموضوع الى يقفل الموضوع هوه الى فتحه ثانيا المشاحنات الى فى الموضوع احنا الى عملناها علشان ملتزمناش بقانون الموضوع والسبب بسيط محدش فينا كلنا يعرف يعنى ايه استفتاء وحريه رئى لاننا بلد ال80ملين زعيم كل واحد رئيه صح وميسمحش بحد غيره ولو طريقتنا دى هوه منهج حياتنا اول يا رحمان يا رحيم على البلد مش هيبقى ليها اومه تانيه والنتيجه قريبه انتخابات مجلش الشعب والرئاسه هنشوف هيحصل فيها ايه هتبقى نموزج مكبر لموضوعنا الى بنتكلم فيه علشان احنا مش عرفين واجباتنا عرفين حقوقنا بس وعلى غلق الموضوع هوه كده اتشخرم على الاخر ومش نافع تانى بس انا كنت عايز اعمل حاجه مفيده لاخوانى وناس كتير هجمتنى لمصلحه ولغير مصلحه مجرد الهجوم وخلاص واحد ال عليا تاجر وخلصت بضعتى وعامل فيها مصلح والتانى ال انتا غلطان القانون بيقول والتالت والرابع اللهم بلغت اللهم فاشهد