المساعد الشخصي الرقمي

مشاهدة النسخة كاملة : حتى نعلم خطورة إستخدام السلاح حتى ولو للتخويف بصوته


جنرال
11-06-19, 06:05 AM
(عن جريدة الشروق)

رئيس المباحث ضرب أعيرة فى الهواء لفض مشاجرة.. فرد عليه البلطجية برصاص حى فى الرأس

آخر تحديث: السبت 18 يونيو 2011 9:08 ص بتوقيت القاهرة

شهدت منطقة الجيارة بمصر القديمة ليلة أمس الأول معركة دامية بين عائلتى «الأباصيرى» و«أوبح» بسبب الخلاف على أسعار المشاريب على أحد المقاهى بالمنطقة، استخدمت فيها الأسلحة النارية وزجاجات المولوتوف، وأسفرت عن إصابة 6 أشخاص بينهم رئيس مباحث قسم شرطة مصر القديمة و4 أفراد من قوة مباحث القسم خلال محاولتهم فض المشاجرة وضبط المتهمين.

بدأت القصة بجلوس كل من طارق فرج عزب الأباصيرى، عامل، وشقيقه الاباصيرى فرج عزب الأباصيرى، تاجر مواشى، ونجل الأول طارق، عامل، وكان يجلس على نفس المقهى وليد محمد عبدالمنعم، وشهرته «أوبح»، وشقيقاه وائل وشريف، وخلال هذه الجلسة نشب خلاف بين اثنين من عائلة الأباصيرى وأوبح على سعر المشاريب فتطور الأمر إلى مشاجرة استخدمت فيها الأسلحة النارية وزجاجات المولوتوف والطوب والحجارة.

أبلغ الأهالى الشرطة وعلى الفور توجه المقدم طارق الوتيدى، رئيس مباحث قسم شرطة مصر القديمة، على رأس قوة من مباحث القسم لفض المشاجرة وضبط المتهمين الذين أثاروا الرعب فى المنطقة.

وبمجرد وصول القوة إلى شارع أبوسيفين بالجيارة حيث توجد المشاجرة، قام رئيس المباحث بإطلاق عيارين ناريين فى الهواء محذرا المتشاجرين وطلب منهم التوقف عن إطلاق النار إلا أنهم لم يرتدعوا وقاموا بتوجيه طلقات الخرطوش إلى رئيس المباحث والقوة المرافقة له، وأدى هذا إلى إصابة رئيس المباحث بـ3 طلقات خرطوش فى الرأس والوجه والصدر كما أصيب معه 4 من أفراد قوة المباحث بطلقات فى أماكن متفرقة بأجسادهم.

DR SNIPER
11-06-19, 07:09 AM
لا اله الا الله ربنا يسهل ونخلص من البلطجيه دول للابد

fidodido
11-06-19, 07:29 AM
فعلا كان فى صوت ضرب نار كتير يومها كان باين اوى عندنا فى الكورنيش

NSAA
11-06-19, 09:26 AM
لا حول و لا قوة إلا بالله العلي العظيم ... إنا لله و إنا إليه راجعون
كده ضباط الشرطة ليهم حق محدش يعبرنا تاني

hogan
11-06-19, 09:34 AM
اللهم انصر ضباط واخواتنا فى الجيش والشرطه على كل خارج على القانون كلو يقول امين

smsmn8888
11-06-19, 09:44 AM
3 طلقات خرطوش في الوجة اذاي يعني اعتقد المقصود طلقة خرطوش والناتج ان 3 بلي من الخرطوش استقرو في الراس اعتقد تا المقصود
غير تا مصيبة في حد ذاتها يعني خناقة تحدث تروح الشرطة بدل ما هي التضرب تتضرب ينهارررر

moneey1975
11-06-19, 10:05 AM
لا اله الا الله سبحانك اني كنت من الظالمين

don'tshoot
11-06-19, 01:19 PM
كده ضباط الشرطة ليهم حق محدش يعبرنا تاني

مش فاهم يعني أنت تقصد إيه؟!!!
هو المفروض لما الحكومة تنزل تقبض علي البلطجية يقوموا يدوهم تعظيم سلام!!
ده الطبيعي والمفروض ان الظباط يكون عندهم الكفاءة اللازمة لمواجهة الناس دي..... لكن ميعبروناش احنا!! كلام عجيب

boody
11-06-19, 01:34 PM
المفروض ان دة واجب الشرطة انها تفض معركة زي دي واكيد حيكون فى خسائر فى الارواح
بس طلاما الظابط على حق لو مات يكون شهيد ان شاء الله
تحياتى

Android man
11-06-19, 01:54 PM
مش عارف اقول ايه بصراحة بس لحد امتي البلطجة دي والظباط لازم يكون ليهم حماية اغكثر من كده ولو حتي سترة ضدد الرصاص علي الاقل

gamopt80
11-06-19, 07:16 PM
لازم فعلا يكون في تجهيزات امنية افضل واسلحه افضل وسترات واقيه
وتدريب, دلوقتي اغلب رجال الشرطه وزنهم زياده وتلاقي عنده كرش وميعرفش يجري حتى

وبنسبه للبلطجيه انا شايف انه لازم ينزل قرارات صارمه واعدام في ميدان عام, والله دا لو حصل كام مره هتلاقي كل بلطجي خاف يعمل كده

wknm
11-06-19, 09:33 PM
هي الناس دي شغاله كده على طول؟؟ يعني اتخنئو على المشاريب و بسرعه طلعت المولوتوف و الاسلح الناريه؟؟
دول جهزين على الاخر
يا رب ارحمنا من الارف ده
الناس دي مش بنى ادمين دول همج
اعوذ بالله من شر ما خلق

hema777h
11-06-19, 10:37 PM
لازم فعلا يكون في تجهيزات امنية افضل واسلحه افضل وسترات واقيه
وتدريب, دلوقتي اغلب رجال الشرطه وزنهم زياده وتلاقي عنده كرش وميعرفش يجري حتى

وبنسبه للبلطجيه انا شايف انه لازم ينزل قرارات صارمه واعدام في ميدان عام, والله دا لو حصل كام مره هتلاقي كل بلطجي خاف يعمل كده

ياريت تنفيز حكم الاعداااااااااااااااام في عدد من البلطجية والمسجلين اقسم باللة ما هيفكرو يطلعو صوتهم بعد كدااااااااا ونخلص منهم البلطجية ولا تفتكرو اننا هنزعل عليهم وربنا يكون مع كل ظابط شريف ويريد ان يودي عمله بما يرضي اللة

HANINIE
11-06-20, 01:01 AM
اصلهم مش عرفين ازاى يشتغلوا لان طول عمرهم ماكانوا بيخشوا مشاجرة الا بعد ماتهدى ويقبضوا على الأطراف وخلاص
يتعلموا من جديد بس ياريت يتعلموا صح

mido axis
11-06-20, 01:06 AM
حسبى الله و نعمة الوكيل ربنا يخلصنا من البلطجة

sherothebest
11-06-20, 02:41 AM
شوفوا يا جماعة هى شكلها مش هتهدى ده اذا كان فيه امل ان مصر ترجع تانى بلد الامن والامان الا بعد تعيين رئيس الجمهورية الجديد المنتخب ، عندنا كارثة جاية محدش واخد باله منها هى الانتخابات البرلمانية (شعب+شورى ) خصوصا الشعب اللى اعتقد اننا هنشوف فيها البلطجة وضرب النار اللى على حق ، والله العظيم معلومة قالها ليا زميل ان الناس اللى ناوية تنزل الانتخابات ابتدوا من دلوقتى يسالوا محامين عن الناس السوابق والبلطجية والرعاع اللى موكلين عندهم واللى يعرفوهم بحكم العمل علشان يتفقوا مع البلطجية دول ويجمعوا حواليهم انصارهم من محترفى الانتخابات والتسعيرة وصلت 5000جنيه فى الشهر من الان وحتى نهاية الانتخابات ربنا يستر

gamopt80
11-06-20, 06:07 PM
الصراحه الحكومة الحاليه وعصام شرف محتاجين يشدوا شويه , ولا حاسين بوجودهم!!
يعني في موضوع البلطجيه ده المفروض من بعد الثوره كان نزل قارارت اعدام في ميدان عام , ويبقى عبره لغيره
لازم يبقى في شده شويه , مش كل مسؤل خايف يطلع قرار ويا فرحتنا بيهم