الحمد لله .. أخيرا جت النوريكا جيت .. تقييم اولي

[Ahmedlr]

الحمد لله ربنا رزقني الفريدة من نوعها .. نوريكا جيت

بعد الرشاية رقم 50 تقريبا اقدر اقيمها تقييم مبدئي


البندقية تعطي انطباع اكتر من ممتاز
نوعية الخشب في الدبشك ممتازة و ملمسه رائع و يوخذ عليه عدم وجود مشقبية او تخريشة في أخره لأحكام القبضة الأمامية
النشينكان الخلفي - النشينكان الأمامي - الزناد - الأمان يجمع بينهم البنية البلاستيكية منعدمة الحديد تقريبا و ده مبيعجبش ناس كتير من ناحية الاعتمادية و طول العمر.. و انا منهم
الزناد جميل و ملمسة و الية عمله ممتازة و اكتر من يقدرو هذه الخاصية هم من انبرت أصابعهم بفعل بنادق مثل الرمسيس و المعادي و البنادق ذات الازندة الحادة
المدي المؤثر للجيت جباار - خصوصا اني عامل ميدان رماية مصغر فوق سطح المبني بتاعي و كان فيه اهداف انا حاططها لتعجيز البنادق اللي بجربها سواء من حيث الكثافة او البعد او الأحجام و نجحت الجيت بامتياز في اختراق الاهداف الكثيفة و الوصول للأهداف البعيدة لكن لم تكن دقيقة بما يكفي بالنسبة للأهداف الصغيرة
رد فعل الجيت اعلي من المتوسط و لا أظن ان التليسكوب حيستقر فوقها بسهولة


ليا عدة أسئلة ارجو من الأخوة المتمرسين المساعدة بها
المحل أعطاني رش من نوع مصري (غالبا الرماية) طبعا فيه رايش و حالته حالة لكن الظريف اني اما بعمر البندقية و بحطه بيرسي كله جوا بيت الرشاية بسهولة و سرعة .
اما رجعت البيت كان عندي علبة رش من نوع تشيكي اسمه ديابلو انا اعرف انه نضيف و نادر كان جابهولي ظابط قبل كدة. كل رشاية شبه التانية و ناشف جداً بس اما كنت بعمر البندقية بيه كان بيبات جوا بيت الرشاية بالعافية و الحشر و خصوصا انه مفلطح من قدام بس المهم اني اما بضرب كان بيطلع عادي و يصيب الاهداف البعيدة . و ساعات بحس ان رد فعل البندقية بيزيد لما بحطه
أسئلتي هي:


هل حد جرب نوع الرش ده قبل*كدة ؟خصوصا الناس اللي عنهم نوريكا ؟
هل حد قابلته مشاكل معاه ؟
هل صح اني اكمل بيه و لا ابطله و احول علي نوع تاني؟
هل رد الفعل له علاقة بموضوع حشر الرشاية ده ولا دي تهيئات. ؟

[sameer]

احمد باشا حبيب قلبي الف مبروك عليك
ما تخافش انتا ما اشتريتش اي حاجة دي بندقية بندقية ما حدش يقدر يقول عليها كلمة وحشة
وبعدين الرماية مش وحش بس بلاش عشان مكتوب في في الكتالوج انك تثبت على نوع واحد بس من الرش وما تغيرهوش و الرش الديابلو ده الماني مش تشيكي ورش ممتاز منا كنت حجيب منه علبة بس كان ب 40 جنيه ومكانش معايا ساعتها

[hussein thabet]

استاذ احمد الرش ديبلو ده انا جربتو علي التشيكي و عمل معايا احلي شغل و ملهوش عيوب و حتته انه بيدخل بالحشر فده بيديله قوه اندفاع اكثر... و هو رش ممتاز جدا

[boody]

الف مبروك يا باشا على الجيت ربنا يديك خيرها ويكفيك شرها
تحياتى

[sghr220]

الحمد لله ربنا رزقني الفريدة من نوعها .. نوريكا جيت

بعد الرشاية رقم 50 تقريبا اقدر اقيمها تقييم مبدئي


البندقية تعطي انطباع اكتر من ممتاز
نوعية الخشب في الدبشك ممتازة و ملمسه رائع و يوخذ عليه عدم وجود مشقبية او تخريشة في أخره لأحكام القبضة الأمامية
النشينكان الخلفي - النشينكان الأمامي - الزناد - الأمان يجمع بينهم البنية البلاستيكية منعدمة الحديد تقريبا و ده مبيعجبش ناس كتير من ناحية الاعتمادية و طول العمر.. و انا منهم
الزناد جميل و ملمسة و الية عمله ممتازة و اكتر من يقدرو هذه الخاصية هم من انبرت أصابعهم بفعل بنادق مثل الرمسيس و المعادي و البنادق ذات الازندة الحادة
المدي المؤثر للجيت جباار - خصوصا اني عامل ميدان رماية مصغر فوق سطح المبني بتاعي و كان فيه اهداف انا حاططها لتعجيز البنادق اللي بجربها سواء من حيث الكثافة او البعد او الأحجام و نجحت الجيت بامتياز في اختراق الاهداف الكثيفة و الوصول للأهداف البعيدة لكن لم تكن دقيقة بما يكفي بالنسبة للأهداف الصغيرة
رد فعل الجيت اعلي من المتوسط و لا أظن ان التليسكوب حيستقر فوقها بسهولة


ليا عدة أسئلة ارجو من الأخوة المتمرسين المساعدة بها
المحل أعطاني رش من نوع مصري (غالبا الرماية) طبعا فيه رايش و حالته حالة لكن الظريف اني اما بعمر البندقية و بحطه بيرسي كله جوا بيت الرشاية بسهولة و سرعة .
اما رجعت البيت كان عندي علبة رش من نوع تشيكي اسمه ديابلو انا اعرف انه نضيف و نادر كان جابهولي ظابط قبل كدة. كل رشاية شبه التانية و ناشف جداً بس اما كنت بعمر البندقية بيه كان بيبات جوا بيت الرشاية بالعافية و الحشر و خصوصا انه مفلطح من قدام بس المهم اني اما بضرب كان بيطلع عادي و يصيب الاهداف البعيدة . و ساعات بحس ان رد فعل البندقية بيزيد لما بحطه
أسئلتي هي:


هل حد جرب نوع الرش ده قبل*كدة ؟خصوصا الناس اللي عنهم نوريكا ؟
هل حد قابلته مشاكل معاه ؟
هل صح اني اكمل بيه و لا ابطله و احول علي نوع تاني؟
هل رد الفعل له علاقة بموضوع حشر الرشاية ده ولا دي تهيئات. ؟


السلام عليكم و رحمة الله و بركاته
أولا ألف مبروك يا أستاذ أحمد على البندقية و ربنا يبارك فيها و فيك.
ثانيا عاوز اقولك تقييمك ممتاز ممتاز ممتاز من حيث الأسلوب و التوازن و المعلومة و ان كنت انا مش من مشجعي النوريكا فكلامك الصراحة يخلي الواحد يعيد نظر من حلاوته (عارف ال review دي كان ناقصها ايه...شوية صور و تبقى عشرة على عشرة).
أما بالنسبة للرش الديابلو فأنا جربته لكن مش مع الجيت و عموما الرشة الأثقل في الوزن تحتفظ بالطاقة لفترة أطول و بالتالي المسار أو ال trajectory بتاع الرشة بيكون مستقيم لمسافة اكبر (أو لوقت أطول) بس اهم حاجة يكون آخر الرشة مع آخر الماسورة بالضبط عند غلق الماسورة.
أما بالنسبة لرد الفعل فطبعا فيه علاقة لكنه ليس العامل الوحيد و اقصد ان البندقية جديدة و تحتاج شوية وقت لغاية ما تضبط معاك.
آسف على الاطالة و الف مبروووووووووووووووووووووك:)

[سيدخالد]

الف مليون مبروك على الجت .........ربنا يكفيك شرها ويجزيك خيرها

[moneey1975]

الف مبروك يا باشا على المدفع الجديد النوريكا جيت ربنا يديك خيرها ويكفيك شرها

[H_SRM]

السلام عليكم

استاذ Ahmedlr جزاك الله كل خير للتوضيح الشااااااامل وألف مبروك وربنا يستر طريقك ويرزقك من وسع ..

واسمحلي بثلاثة اسئلة:

1 - سعر البندقية؟
2- المدى المؤثر لها بشكل تقريبي بالمتر؟
3- المنظار هل له حاجة ام ان مدى البندقية لا يحتاج الى منظار؟

شكراً

[ابو مروان]

الف مبروك يا باشا ربنا يديك خيرها ويكفيك شرها بس هى نمرة 1 والا 2 والسعر كام لان حضرتك اجدد واحد شارى فنقدر نحدد السعر اليوم

[msa_79]

مبروك عليك البندقية وهي مدفع قوي للغاية المهم الصيانه والمحافظه وحب السلاح
انا معايا نوريكا مارفيك نمرة اتنين وهيا نسخة من الجيت نمرة اتنين مع اختلاف الدبشك فقط
بالنسبة لموضوع الزناد انه فايبر فده مش عيب ولو جربت الزناد المعدن هاتحس بالفرق لصالح الفايبر في التركيز والضرب
النشان بتاعها ممتاز وثابت ومن اثبت الناشينكانات اللي شفتها بصراحه وعن تجربه مع بنادق كثيرة بس يعيبه اتساع فتحة الناشنكان الخلفي اللي بيقلل الدقة في المسافات البعيدة ودي انا حليتها بعمل تعديل في موضوع في قسم ورشة السلاح.
بالنسبة للرش الديابلو هو رش ممتاز ولما الرشه بتدخل حشر ده كويس وبيخلي قوة دفع الهواء تدخل لكها في الرشه بدون اي تسريب من جنب الرشه وده هتلاقيه في كل انواع الرش المستورد زي الجامو وده لان الرش المستورد بيكون معمول بمواصفات قياسية
لو عايز تستمل رش مصري افضلهم المارسمان
رد الفعل هو ناتج من قوة البندقية وده شيء هاتتعود عليه بعد فترة قصيرة ولكن هل قمت بفك البندقية وتنظيفها من الداخل وتشحيمها لان دي خطوة مهمه بعد شراء اي بندقية

[يونس]

مبروك عليك الجيت

[s.elrefaey]

الف مبرووووووووووووك يا باشا المدفع الجديد و ربنا يديلك خيرها و يكفيك شرها
بس اهم حاجه تعمله انك لازم تفكها و تشحمها من الداخل و تغيرلها الجلبه
لا البندقيه دي اصدار سنة 1997 و متخزنه فاكيد هتلاقي الجلبه مفروله و البندقيه جافه من الداخل
و صدقني اول ما تعمل كده هتحس بفرق كبير و هتسمع صوت تاني خالص
و يا ريت كمان تشتريلها جراب علشان تحافظ عليها
اما بالنسبه للرش الديابلو فهو رش ممتاز و اعتقد اني مش هاضيف بكلامي حاجه اكتر من اللي قالوه زمايلنا الكرام و هما طبعا خبرتهم اعلى مني في الموضوع ده
مره تانيه الف مبروك على البندقيه الجامده دي حافظ عليها كويس
و بالتوفيق ان شاء الله

[sameer]

الف مبرووووووووووووك يا باشا المدفع الجديد و ربنا يديلك خيرها و يكفيك شرها
بس اهم حاجه تعمله انك لازم تفكها و تشحمها من الداخل و تغيرلها الجلبه
لا البندقيه دي اصدار سنة 1997 و متخزنه فاكيد هتلاقي الجلبه مفروله و البندقيه جافه من الداخل
و صدقني اول ما تعمل كده هتحس بفرق كبير و هتسمع صوت تاني خالص
و يا ريت كمان تشتريلها جراب علشان تحافظ عليها
اما بالنسبه للرش الديابلو فهو رش ممتاز و اعتقد اني مش هاضيف بكلامي حاجه اكتر من اللي قالوه زمايلنا الكرام و هما طبعا خبرتهم اعلى مني في الموضوع ده
مره تانيه الف مبروك على البندقيه الجامده دي حافظ عليها كويس
و بالتوفيق ان شاء الله

لا يا عم اسأل مجرب وما تسألش خبير ههههههههههه

طيب انهي احسن الديابلو ولا الجامو ماتش؟

[Ahmedlr]

شكرا جزيلا لكم و جزاكم الله خيرا علي الدعاء و الافادة

الاخ سمير : الله يبارك فيك و يرزقنا خيرها باذن الله . و ابقي طمني مع اول صيد موفق بيها

الاخ :hussein thabet شكرا ليك وللاخوة الافاضل في الردود بخصوص موضوع الرش - نورتو المحكمة

الاخ : sghr220 اخجلتني بذوقك و ردك المحترم .. بخصوص الصور ححملها النهاردة علي الموضوع و بخصوص الرش مشكووووور علي الرد و المعلومات

الاخ :H_SRM و الاخ ابو مروان : ردا علي اسئلتكم
الموديل : نوريكا جيت نمرة 1
السعر : بعد فصال و مراوغة من البائع استقر علي 1800 جنيه
المدي المؤثر : للاسف مش مكتوب عندي بس اتوقع انه في حدود 50 - 70 متر حسب نوع الرش و قوة الهدف
المنظار هل له حاجة : اظن انه حيكون مفيد جدا إذا تم ضبطة جيدا و التغلب علي مشكلة الريكويل

الاخ : msa_79 و الاخ: s.elrefaey :شكرا للافادة - و بالفعل النيشينكان الخلفي متسع جدا و مؤكد حدور علي موضوعك للاستفادة منه -بخصوص فك البندقية: تم فك البندقية عند الشراء و تغيير الجلبة القديمة المهترئة بواحدة جديدة و ححاول احافظ عليها كويس و اجيبلها جراب قرييييييييبا جدا بأذن الله

[H_SRM]

شكرا ياباشا وربنا يبااااااااااااااااركلك فيها يارب وتكون وش خير عليك وتتبسط بيها دايما.

ربنا يحفظهالك.

ويحفظك يارب

شكراً

[ابو مروان]

الف شكر على عرضك وشرحك الوافى وعدم البخل علينا باى استفسار ربنا يباركللك فيها ويكفيك شرها يا باشا

[koktal]

مبروك عليك المدفع ..

[Batman]

1000مليون مبروك على الجت .........ربنا يكفيك شرها ويجزيك خيرها
تحياتى ...

[mahmoud11144]

الف الف الف مليووووووووووووووون مبروك ياباشا علي المدفع الجديد
ربنا يكفيك شرها ....