الأسلحه حتترخص يا رجاله [الأرشيف]

مشاهدة النسخة كاملة : الأسلحه حتترخص يا رجاله

mr vigo

11-06-15, 07:52 AM

أعلن اللواء سيد شفيق مساعد مدير مباحث وزارة الداخلية عن فتح باب ترخيص الأسلحة للأشخاص الحائزين على الأسلحة غير المرخصة التى سبق وأن حصل عليها أصحابها لحماية ممتلكاتهم وأراضيهم
خلال الظروف الراهنة، مشيراً إلى أن الوزارة سهلت إجراءات الترخيص لكل مواطن شريف شرط توافر مبررات حيازة السلاح، والتى تكفى بأن يكون محتاجاً للسلاح.
وأضاف خلال تواجده ببرنامج اتجاهات على الفضائية المصرية أن عدد الأسلحة التى تمت سرقتها من السجون وأقسام الشرطة خلال ثورة الخامس والعشرين من يناير تقدر بحوالى 13 ألف قطعة سلاح، وأن الوزارة استعادت منها حتى الآن أربعة آلاف فقط.

كما أشار إلى المهلة التى منحتها القوات المسلحة حتى نهاية يونيو الجارى لتسليم الأسلحة المسروقة، فضلاً عن مكافأة مالية لمن يُرشد أو يسلم سلاحاً، وتقدير المكافأة على حسب نوع السلاح كنوع من أنواع تعويض الشراء

http://www.youtube.com/watch?v=Mr7ARGZtmQc&feature=player_embedded

رابط المموضوع

هنا (http://www.alwafd.org/index.php?option=com_content&view=article&id=57840:فيديو-شفيق-فتح-إجراءات-ترخيص-السلاح&catid=98:محلية&Itemid=92#axzz1PJfOvNMZ)

waleedrahmy

11-06-15, 08:02 AM

المهم انهم حايخففوا الشروط الصعبة للترخيص شوية يعني زي ماقال سيادة اللواء ان لو مواطن شريف مقيم في الريف في منطقة متطرفة ويمتلك حتتين مواشي صغيرين ممكن يتوافق له علي الترخيص بسهولة

كريم الشامي

11-06-15, 11:13 AM

ربنا يسهل..............

العربى

11-06-15, 11:22 AM

يا مسهل يا رب

Android man

11-06-15, 12:36 PM

يعني صفحتي جابت نتيجة ههههههههههههه
بس يابر يرخصو بنادق صيد كمان

BOB20102008

11-06-15, 12:46 PM

يافرج الله بس ربنا يستر ميكونش كلم اليل مدهون

بزبداه يطلع عليه النهار يسيحححححححححححححح

والا ايه

طيب لو رجبنا الرخصه امين الاسعار المجنونه هنعمل

فيها ايه حد ايقولى اهههههههههههههههههههههههه

جنرال

11-06-15, 01:16 PM

دا كمين يا رجالة علشان يلمو الأسلحة .طب مايدوا اللي مقدم على تصاريح الأول!!!ده فيه ناس مقدمة بقالها سنة

الشبح المصرى

11-06-15, 01:18 PM

كلام فارغ وضحك على الدقون وكلام مطاطى زى المبررات الكافية ولازم يكون عايش فى الريف وعندك جاموستين وكان دول بس الفئة المستهدفة من البلجية والمدينة والناس اللى بتسسرق كل يوم بالاكراه ده مالهوش اعتبار وطبعا المبررات الكافية دى مش مفهومة ولا محددة تدل على اى حاجة يعنى محاولة امتصاص لرد فعل الناس وتميع للامر لا اكثر ولا اقل والنهاية المواطن هيفضل هدف سهل للبلطجية والخارجين عن القانون

جنرال

11-06-15, 01:20 PM

الشبح المصرى

11-06-15, 01:22 PM

يا جماعة الناس دى كلها لازم تتغير والعقلية بتاعت التشكيك فى الشعب علشان يستحلو فيه اى حاجة بحجة حفظ الامن زى قانون الطوارئ زاكن الشعب كله قاصر وجاهل وهما الاوصياء عليه والعارفين مصلحته مافيش ناس محترمة ولا ناس نزلت تحمى بيوتها فى الثورة والناس نزلت تحمى بعضها والشرطة اللى معاها السلاح هى اللى نزلت ارهبت الناس بيه مش عارف الناس دى ليه قاعدين لحد دلوقتى الثورة واضح انها لسة مش كاملة

tamer el-henawy

11-06-15, 03:06 PM

ياجماعه ده علشان يلموا السلاح المسروق
تحياتى

يونس

11-06-15, 03:12 PM

يا جماعه في الاول و الاخر ربنا يعمل الي فيه الخير

Batman

11-06-15, 03:18 PM

كل ده كلام جميل - بس ايه علاقته بأن اسعار سوق الاسلحه ستنخفض ؟؟؟
ايضا ليس له اى علاقه بالصوت او الرش ....

اسامة

11-06-15, 11:55 PM

كمين يارجاله عملها قبله اللواء عبد الحليم موسي

اسامة

11-06-15, 11:56 PM

كمين يارجاله عملها قبله اللواء عبد الحليم موسي

hema777h

11-06-20, 12:47 AM

كمين يارجاله عملها قبله اللواء عبد الحليم موسي

كمين فعلا مهو كانو ادو تراخيص للي مقدم علي رخصة من باب اولي بدل الكلام الي بيقولو دااااااا

pilyardo

11-06-20, 01:01 AM

على رأى الاستاذ / الشبح المصرى الثورة لم تكتمل بعد

waleedrd

11-06-21, 01:20 AM

ما فيش فايدة , الناس ده يا جماهة عبارة عن تفريخ للنظام البائد
ممكن الواحد يصدقهم فى سنة 2020

كفافى1

11-06-21, 01:30 AM

الميه تكدب الغطاس

smsmn8888

11-06-21, 01:35 AM

لية ما هي شروط بسيطة اوى مليون جنية راس مال بس

كفافى1

11-06-21, 01:37 AM

طبعا يا سمسم ايه يعنى مليون جنية احنا بنصرفهم على الشاى الاخضر والنسكافية والشاى واحنا قعدين فى فيصل
تحياتى
ياسر الكفافى

hema777h

11-06-21, 01:38 AM

لية ما هي شروط بسيطة اوى مليون جنية راس مال بس

خالي عندكم تفاوءل في المشمش ان شاء اللة لما مطلوب منك مليون جنية راس مال ويا عالم انت هتاخد الترخيص ولا لا

sniper-2

11-06-21, 02:19 AM

أنا أعرف ناس مقدمة على ترخيص من سنة ونصف ولا حياة لمن تنادى وفيه ناس دفعت رشاوى 20 و30الف ورخصت قبل الثورة وناس تانية رفضت تدفع ولا مليم ورخصت

YOSSEF EL MASRY

11-06-21, 02:48 AM

اتمني ان يكون الامر حقيقي ودعونا نتفائل خيرا

Zero

11-06-21, 05:17 AM

ههههههههههههههههههههههههههههههههههههههههههههه
أنتوا كل دة مش عارفين أن الكلام إلى الراجل بيقولة دة عشان أنت تسلم نفسك
وليه بالذات الترخيص للمواطنين إلى معاهم سلاح حى من أيام الثوره
و يقولك جيبت السلاح منين طيب مين اداهولك و لو متعرفش إلى باعهولك يبقى أنت سرقتة
و لو سرقته تبقى متهم و أتسجنت و عدد شعب مصر قل شخص و المسدس بتاعهم رجع تانى
تخيل بقى لسه 9 ألاف مسدس بحوالى حد أدنى 9 ألاف شخص مسجون
أنا مش بقول كدة عشان إلى معاه سلاح حى ميروحش دا الطبيعى يعنى أن أى واحد معاه سلاح حى من النهايه مش هيدخل دماغة الكلام ده كله من بدايته لنهايته
والله أنتوا غلابه أوى أوى أوى أوى

avokato

11-06-21, 03:11 PM

عظيم بفكر اقدم الورق وانساه

mr vigo

11-06-30, 06:04 AM

ههههههههههه

واضح انكم متشائمين جدا وليكم حق

hema777h

11-06-30, 06:08 AM

ههههههههههه

واضح انكم متشائمين جدا وليكم حق
خلاص توكل علي اللة ونبدا بيك انتا روح سلم واستام

جنرال

11-06-30, 06:35 PM

أعلن اللواء سيد شفيق مساعد مدير مباحث وزارة الداخلية عن فتح باب ترخيص الأسلحة للأشخاص الحائزين على الأسلحة غير المرخصة التى سبق وأن حصل عليها أصحابها لحماية ممتلكاتهم وأراضيهم
خلال الظروف الراهنة، مشيراً إلى أن الوزارة سهلت إجراءات الترخيص لكل مواطن شريف شرط توافر مبررات حيازة السلاح، والتى تكفى بأن يكون محتاجاً للسلاح.
وأضاف خلال تواجده ببرنامج اتجاهات على الفضائية المصرية أن عدد الأسلحة التى تمت سرقتها من السجون وأقسام الشرطة خلال ثورة الخامس والعشرين من يناير تقدر بحوالى 13 ألف قطعة سلاح، وأن الوزارة استعادت منها حتى الآن أربعة آلاف فقط.

كما أشار إلى المهلة التى منحتها القوات المسلحة حتى نهاية يونيو الجارى لتسليم الأسلحة المسروقة، فضلاً عن مكافأة مالية لمن يُرشد أو يسلم سلاحاً، وتقدير المكافأة على حسب نوع السلاح كنوع من أنواع تعويض الشراء

http://www.youtube.com/watch?v=mr7argztmqc&feature=player_embedded

رابط المموضوع

هنا (http://www.alwafd.org/index.php?option=com_content&view=article&id=57840:فيديو-شفيق-فتح-إجراءات-ترخيص-السلاح&catid=98:محلية&itemid=92#axzz1pjfovnmz)
منين بيقولوا حايرخصوا و منين بيقولوا فيه مكافآت للي يسلم اسلحة غير مرخصة!!!و بعد اللي حصل اليومين اللي فاتوا حد حايصدق الكلام ده؟!!