الصحيفة الأخبارية للمنتدي. [الأرشيف]

مشاهدة النسخة كاملة : الصحيفة الأخبارية للمنتدي.

braveheart

11-06-14, 04:39 PM

أجتماعات طارئة للرابطة ... و إتجاه لتأجيل الأجتماع الرابع ليكون عقب شهر رمضان الكريم.

أجتماعات طارئة لبعض الأعضاء في الرابطة للوقوف علي الأهداف الأساسية و سبل تحقيقها في ظل التزايد المستمر للأعضاء الراغبين في الإنضمام من جميع المحافظات و ليس من القاهرة فقط.
و هناك إتجاه لتأجيل الأجتماع الرابع للرابطة نظرا لضيق الوقت و أقتراب شهر رمضان الكريم ، كما أقترح البعض أن تأجيل الأجتماع سيكون بمثابة فرصة للإعداد الجيد للأجتماع القادم ... و دراسة العديد من النقاط الرئيسية .. و خاصة أنه هناك العديد من المفاجأت القوية التي يتم الإعداد لها الأن.
و في هذه الأثناء سنقوم بجمع بيانات الأعضاء الراغبين بالأشتراك بالرابطة ، لأن في الأجتماع القادم ( بعد شهر رمضان ) سيتم توزيع الكارنيهات علي الأعضاء المسجلين فقط بالرابطة .. و هذه فرصة لمن لم يقوم بتسجيل بياناته أن يبادر بهذه الخطوة.

عصام يكتب موضوعا شيقا عن القناصة.

قام العضو الفعال جدا عصام عاصم بكتابة موضوعا عن القنص و القناصة بأسم ( القناص طلقة واحدة = الموت ) ... و تكلم عن القناصة فى محاولة لمعرفة اسرار هذا السلاح الماكر .. و الموضوع مزود بصور أعطت الموضوع شكلا مكتملا و شيقا .....

لمعرفة المزيد أضغط علي هنـــــــــــــــــــا (http://www.egypthunt.net/showthread.php?t=12418)

طلعة صيد لوجه الله تعالى.

هو أسم لطلعة فعلا لوجه الله ، و كتب الموضوع أمير سعد ... و قام بها الثنائي المتألق أمير سعد و عصام عاصم و شاركهم طارق شاكر ... و قاموا بأخراج الحصيلة للفقراء ( لوجه الله تعالي ) .. و ربنا يتقبل منهم إن شاء الله تعالي.

رابط الموضوع

http://www.egypthunt.net/showthread.php?t=12362

أندريا جمال ( andria ) يتألق ببندقيتة الـ daisy 2002.

نجح أندريا في تحقيق ( سكور عالي ) 40 فرد يمام ببندقيتة الـ daisy 2002 عيار 4.5 التي أشتراها مؤخرا ... و دعم الموضوع بالصور ( اللي جوعتنا ) ... و ألف هنا.

الرابط http://www.egypthunt.net/showthread.php?t=12407

كشف بأسماء أعضاء الرابطة.

هو كشف متجدد بصفة دورية .. يتضمن أسماء الأعضاء المسجلين لبيناتهم بالرابطة ... و العدد في تزايد طردي مع التزايد في أعضاء الجروب علي الفيس بوك ... و هذا مؤشرا طيبا ... و بالتوفيق إن شاء الله.

لمتابعة الموضوع أضغط هنـــــــــــــــــا (http://www.egypthunt.net/showthread.php?t=11751).

تحذير من نصاب مصراوي.

موضوع كتبة العضو ebrahem ... يحذر فيه الأعضاء من شخص يقوم بعمل إعلانات لمسدسات علي مصراوي .. و قد لاقي الموضوع إقبالا شديدا من قبل الأعضاء ... فقد حقق 3304 مشاهدة و 236 مشاركة حتي الأن.

رابط الموضوع هنـــــــــا (http://www.egypthunt.net/showthread.php?t=10003).

و أخيرا ... لمعرفة كل شئ عن الرابطة تابع الموضوع الأتي :

الرابط هنـــــــــــــــــــا. (http://www.egypthunt.net/showthread.php?t=12197)

و تحياتي للجميع.

بسام سعيد

11-06-14, 04:40 PM

الله ينور
هو ده الشغل

بسام سعيد

11-06-14, 04:41 PM

دايما يا باشا انت بتاع المواضيع الجامده
تحيايتي

mido axis

11-06-14, 04:41 PM

فكرة جميلة و الادارة دايما فى تقدم ما شاء الله

braveheart

11-06-14, 04:48 PM

الله ينور
هو ده الشغل

دايما يا باشا انت بتاع المواضيع الجامده
تحياتي

شكرا لك يا بسام ... و تحياتي لك.

فكرة جميلة و الادارة دايما فى تقدم ما شاء الله

شكرا لك mido axis .. و نتمني دائما أن نكون عند حسن ظنكم بنــــا.

jamayka

11-06-14, 04:52 PM

كنتم مع نشرة الاخبار قدمها لكم العضو المتميز brave heart

braveheart

11-06-14, 04:57 PM

كنتم مع نشرة الاخبار قدمها لكم العضو المتميز brave heart

هههههههه ... شكرا يا جامايكا ... تحياتي لك.

taimour

11-06-14, 05:10 PM

great very nice

braveheart

11-06-14, 05:41 PM

great very nice

شكرا لك تيمور علي المشاركة.

sameer

11-06-14, 05:54 PM

الله ينور يا كريم باشا موضوع جميل اوي و فكرته حلوة

dr_mohasan

11-06-14, 06:10 PM

موضوع جميل يا كريم , إنت كان نفسك تطلع صحفى ؟ ..... هههههه

braveheart

11-06-14, 06:51 PM

الله ينور يا كريم باشا موضوع جميل اوي و فكرته حلوة

شكرا لك يا أبو سمرة.

موضوع جميل يا كريم , إنت كان نفسك تطلع صحفى ؟ ..... هههههه

ههههههه .. محمد باشا شكرا لمشاركتك.

تابعونا.

هشام عزب

11-06-14, 07:01 PM

الله ينور يا باشا
وعايزك تسلط علي الاضواء اليومين دول وتلمعني كده
عشان نويت ارشح نفسي للرئاسه مهي خلاص بقه بقت هيسه
هههههههههههههههههههههههههههه

محمد ياقوت

11-06-14, 07:12 PM

تستحق الاحترام والتقدير شكرا

braveheart

11-06-14, 07:26 PM

الله ينور يا باشا
وعايزك تسلط علي الاضواء اليومين دول وتلمعني كده
عشان نويت ارشح نفسي للرئاسه مهي خلاص بقه بقت هيسه
هههههههههههههههههههههههههههه

هههههههههه ... من عيني ... و إذا كان علي الرئاسة فأمرها سهل ... أنا كنت فاكرك هتطلب مني حاجة أصعب من كدة. :)

و شكرا للمشاركة.

braveheart

11-06-14, 07:28 PM

تستحق الاحترام والتقدير شكرا

محمد بيه شكرا لك .. و أنت أكثر إحتراما و الله ... تحياتي لك.

unknown

11-06-14, 08:17 PM

الله ينور يا كيمو لكن متهيالى الموضوع لو بقى مغلق ويحتوى على الأخبار فقط هيبقى تمام او هتضطر تصدر عدد جديد كل اسبوع بقة يا معلم :d

braveheart

11-06-14, 08:19 PM

الله ينور يا كيمو لكن متهيالى الموضوع لو بقى مغلق ويحتوى على الأخبار فقط هيبقى تمام او هتضطر تصدر عدد جديد كل اسبوع بقة يا معلم :d

شرفتني بمرورك أخي عبدالله ... و بالنسبة لأستفسارك .. فسيتم تغيير المشاركة الأولي بالموضوع و حذف الأخبار القديمة و تجديدها بأستمرار ... شكرا لك.

hema777h

11-06-14, 08:24 PM

ياريت الموضوع لو يتم تثبيتة من ادارة المنتدي وشكراااااااااااااااا جزيلا علي مجهودك

koktal

11-06-14, 08:53 PM

يا عم كريم يا صوحفى يا فنان .. دى حركات صحافة .. وباين عليك من النوع الثقيل والمعتق كمان ههههه .. فكره جميلة وإلى مزيد من النشرات .. تحياتى لك ..

جنرال

11-06-14, 08:55 PM

100% يا باشا

braveheart

11-06-14, 09:06 PM

ياريت الموضوع لو يتم تثبيتة من ادارة المنتدي وشكراااااااااااااااا جزيلا علي مجهودك

مثبت يا فندم ... شكرا لك.

يا عم كريم يا صحفى يا فنان .. دى حركات صحافة .. وباين عليك من النوع الثقيل والمعتق كمان ههههه .. فكره جميلة وإلى مزيد من النشرات .. تحياتى لك ..

شكرا كوكتيل ... ألف شكر.

100% يا باشا

شكرا لك يا جنرال.

doos99

11-06-14, 10:17 PM

فكره رائعه كنا محتاجنها من زمان اوى تسلم ايدك يا استاذ كريم هوه ده الشغل

fidodido

11-06-14, 10:40 PM

رجاله جسر السويس و سع و تحيه 3 طلقات "علشان وتر" للاستاذ كريم

mahmoud11144

11-06-15, 12:49 AM

الله ينور عليك ياباشا بجد موضوع هايل
وبكدا نعرف الخبار اول باول ودا بفضل الاستااااااااااااااذ كريم باشا العضو المتميز جدا
شكرا ليك يا سعادة الباشا ....
تحياتي يا استاذ كريم ..

محمود صالح

11-06-15, 04:13 AM

hema777h

11-06-15, 04:17 AM

الله ينور كريم باشا بجد انت دائما متألق مجهود كبير كبير وملحوظ من الكل
جزاك الله خير
ولو فى حد عندة اخبار بردة للمنتدا ممكن يكتب ولا من قبل اشخاص معينين من قبل الادارة فقط لمصدقية الاخبار
وشكرا

السلام عليكم يا استاذ محمود هو حضرتيك منين في العجوزة
......علي فكرة احنا جيران كداااا

هشام سمير

11-06-15, 08:11 AM

اعلامى خطير يا باشا
الله ينور يا باشا على الجمال دا كله لك منى كل تحيه

msa_79

11-06-15, 10:19 AM

الله ينور علي احلي شغل من احلي ادارة

kareem_serry

11-06-15, 11:56 AM

فكره جديده،،،حلوه

essam assem

11-06-15, 02:30 PM

برافو كريم على الافكار النيرة وفعلا انتة مكسب كبير جدا للمنتدى وللاعضاء وان شاء اللة بالتوفيق دائما

عبــ الله ــد @

11-06-15, 10:15 PM

اخر الاخبار :
منتدي يتحول لصحيفة اخبارية

تناقلت صحف مدينة تربتت تي ان منتدى اسمه الصيد في مصر تحولت الى صحيفة اخبارية منتدياتية وقال الرقيب برعي عن اللواء فرفور التابع لقسم محافظة دونكي من نفس المدينة ان المنتدي يعم بالادب والتوافق بين الاعضاء
بينما اخبر اللواء زعبلة المقيم حاليا في مدينة كريزي مان :
ان المنتدي المذكور يتكلم بشكل خاص عن الصيد وبعام عن كل شئ ...
وانا عن نفسي لا ارى مانعا
--:: جريدة مجنون وافتخر ::--
الصحفي : يمامة ابو ريشة الكرال ماجنومي

الأفوكاتو

11-06-15, 10:22 PM

بجد فكرة هايلة يا كريم باشا .. ولكنها مش جديدة عليك .. انت عضو مميز بجد .. ولكن بجد ده مجهود كبير جدا عليك
ربنا يوفقك .. بس لابد من الاستمرار .. علشان بجد هتبقي حاجة كويسة لو حد غاب عن المنتدي فترة ودخل تاني ممكن يعرف اخبار المنتدي سريعا .
تم التقييم
خالص تحياتي للجميــــــــــــــــــــــــــــــــع

egyptusman

11-06-15, 10:36 PM

فكرة جميلة يا استاذ كريم ............ تسلم ايدك

بس نسيت فى الآخر تقول .... " كان معكم من ايجبت هنت ، كريم باشا"

فى انتظار المزيد :)

tatoo

11-06-16, 06:14 PM

فكره هايلة وربنا يقويك على انك تستمر فيها ,, ويقدرنا ونساعدك

braveheart

11-06-16, 07:18 PM

شكرا جزيلا لكل من شارك .. و بجد و الله أخجلتم تواضعنا ... و تقبلوا جميعا تحياتي.
أخوكم كريم.

braveheart

11-06-16, 09:25 PM

أخبار جديدة ... تابعونا ... و شكرا لكل من شارك من الأعضاء ... تحياتي لكم.

sameer

11-06-17, 06:57 AM

أخبار جديدة ... تابعونا ... و شكرا لكل من شارك من الأعضاء ... تحياتي لكم.

يا سيدي يا سيدي و الله العظيم عبقري يا كريم باشا

وانتا من الناس اللي ما يختلفش عليهم 2 في المنتدى لذوقك و ادبك و تفاعلك مع الاعضاء
بجد و الله انتا مكسب للمنتدى

braveheart

11-06-18, 11:08 AM

يا سيدي يا سيدي و الله العظيم عبقري يا كريم باشا

وانتا من الناس اللي ما يختلفش عليهم 2 في المنتدى لذوقك و ادبك و تفاعلك مع الاعضاء
بجد و الله انتا مكسب للمنتدى

شكرا محمد ... الله يخليك ... و الله أنت اللي ذوق و تحياتي لك.

koktal

11-06-18, 11:12 AM

يا سلام عليك وعلى نشراتك كريم باشا .. ودايما متألق كدا علطول .. تحياتى لك ..

braveheart

11-06-18, 11:20 AM

يا سلام عليك وعلى نشراتك كريم باشا .. ودايما متألق كدا علطول .. تحياتى لك ..

شكرا كوكتيل باشا .. و صباح الفل.

بسام سعيد

11-06-18, 11:25 AM

صباح الفل يا كريم باشا

koktal

11-06-18, 11:37 AM

صباح النور عليك كريم بيه ..

braveheart

11-06-18, 11:51 AM

صباح الفل يا كريم باشا

صباح النور عليك كريم بيه ..

صباح الفل بسام بيك و صباح الفل كوكتيل باشا ... و صباح الخير علي كل أعضاء المنتدي الكرام.

lilkapo

11-06-18, 10:54 PM

يا جااااااااامد يا كريم باشا
بس احترس من العدد القادم لانة ان شاء الله هيبقى قنبلة المنتدى القادمة لانى بدات فية بالفعل ومستنى ميعاد صدورة وهيكون شغل عالى اووووى
احترس المنافسة ههههههههههههههههههه
طبعا بهزر يا صاحبى انتا استازنا وعلى فكرة حرف الزال موجود فى اللاب توب بس مش بيكتب زال ابدا فيريت تقولى على حل الموضوع دة علشان بدور على كلمات تمشى مع الموضوع مع تفادى الحرف الرخم دة
مشكور وموفق ان شاء الله

braveheart

11-06-19, 07:53 PM

يا صديقي شكرا لك ... و شكرا لمرورك و مشاركتك و تحياتي لك.

braveheart

11-06-19, 09:25 PM

المزيـــــــــد من الجديـــــــد ... تابعونــــــا.

عادل عبده

11-06-19, 09:30 PM

مجهود رائع وفكره رائعه منك الى مزيد من التفوق فى الاقتراحات والابتكارات وربنا معالك

jamayka

11-06-20, 12:36 PM

فى انتظار العدد القادم ;)

smsmn8888

11-06-20, 01:25 PM

شغل كبير بس هو في رقابة عليها ولاا اةةةة

خالد أبو الفتوح

11-06-20, 01:38 PM

مجهود تشكر علية

sameer

11-06-21, 09:32 AM

الله عليك يا كريم باشا تسلم ايدك بجد

الرد ده على اخر تحديث بتاع عالطاير ههههههههههه

braveheart

11-06-21, 01:21 PM

مجهود رائع وفكره رائعه منك الى مزيد من التفوق فى الاقتراحات والابتكارات وربنا معالك

شكرا لك و لكلماتك المشجعة ... و تحياتي لك.

فى انتظار العدد القادم ;)

تابعنا.

شغل كبير بس هو في رقابة عليها ولاا اةةةة

طبعا مش في مشرفين . :)

مجهود تشكر علية

الشكر لله.

الله عليك يا كريم باشا تسلم ايدك بجد

الرد ده على اخر تحديث بتاع عالطاير ههههههههههه

شكرا لك ... و تابع الجديد من الأخبار.

braveheart

11-06-21, 01:21 PM

المزيد من الجديد ... تابعونا.

koktal

11-06-21, 01:26 PM

أخبار جديدة وجميلة .. تسلم إيدك .. وإلى مزيد من التفوق فى المنتدى .. تحياتى لك ..

sameer

11-06-21, 01:41 PM

المزيد من الجديد ... تابعونا.

الله ينور يا كريم باشا تسلم ايدك و الله شغل عالي اوي اوي بجد

braveheart

11-06-21, 01:41 PM

شكرا لمرورك ... تحياتي لك.

braveheart

11-06-21, 01:43 PM

أخبار جديدة وجميلة .. تسلم إيدك .. وإلى مزيد من التفوق فى المنتدى .. تحياتى لك ..

شكرا لك يا كوكتيل ... تحياتي لك.

الله ينور يا كريم باشا تسلم ايدك و الله شغل عالي اوي اوي بجد

و عليك يا سمير ... و شكرا لمرورك ... تحياتي لك.

hogan

11-06-21, 05:39 PM

اتمنى الانضمام لكم

braveheart

11-06-21, 05:45 PM

اتمنى الانضمام لكم

و يشرفنا إنضمامك ... شكرا لك.

safwat

11-06-21, 11:01 PM

ارجو من إدارة الرابطه بالموافقة على حضوري الاجتماع الجمعه القادم ، و الانضمام الى الرابطه .. وماهو المطلوب مني في حالة الموافقة .
لكم مني جزيل الشكر
صفوت عثمان

braveheart

11-06-21, 11:12 PM

ارجو من إدارة الرابطه بالموافقة على حضوري الاجتماع الجمعه القادم ، و الانضمام الى الرابطه .. وماهو المطلوب مني في حالة الموافقة .
لكم مني جزيل الشكر
صفوت عثمان

نتشرف بحضور سيادتك الأجتماع ... و لا توجد شروط للإنضمام للرابطة ... و سيكون الأجتماع القادم بنادي و فندق النصر للقوات المسلحة بجوار مسجد رابعه العدويه بمدينة نصر .. يوم الجمعة القادم 24/6/2011 في السادسة مساءا.
تحياتي لك.

dr_mohasan

11-06-21, 11:20 PM

ارجو من إدارة الرابطه بالموافقة على حضوري الاجتماع الجمعه القادم ، و الانضمام الى الرابطه .. وماهو المطلوب مني في حالة الموافقة .
لكم مني جزيل الشكر
صفوت عثمان
مطلوب منك يمامة يتيمة لونها أبيض ههههههههههههههههههه (هزار طبعاً)

انت تشرفنا بدون شروط

تحياتى لحضرتك

عادل عبده

11-06-22, 12:12 AM

السلام عليكوم طب انا لسه مبتدء جدا فى موضوع الصيد ده وكنت عاوز اشترك معاكو ينفع ولا لاء ولو ينفع ياريت تقولولى التفاصيل وبأذن الله اقدر احضر
وشكرا لكم جزيلا وتقبلو مرورى

Mohamed Mahmoud

11-06-22, 08:56 AM

اية الحلاوة دية يا باشا
الله ينور

smsmn8888

11-06-22, 01:13 PM

احلا شئ التجديد باستمرار

rock

11-06-22, 01:28 PM

السلام عليكم ... الله ينور يا كيمو... ايه الفضايح دى ...ههههه... حبيبى يا كريم ... تحياتى .

safwat

11-06-22, 03:29 PM

شكرا على تقبلكم لنا بالحضور ....

braveheart

11-06-22, 06:35 PM

مطلوب منك يمامة يتيمة لونها أبيض ههههههههههههههههههه (هزار طبعاً)

انت تشرفنا بدون شروط

تحياتى لحضرتك

شكرا يا محمد علي مرورك الكريم .. تحياتي لك.

braveheart

11-06-22, 06:37 PM

اية الحلاوة دية يا باشا
الله ينور

شكرا لمرورك و لكلامك الجميل دة.

احلا شئ التجديد باستمرار

شكرا لمرورك سمسم باشا ... تحياتي لك.

السلام عليكم ... الله ينور يا كيمو... ايه الفضايح دى ...ههههه... حبيبى يا كريم ... تحياتى .

هههههههه ... حبيب قلبي الروك ... مساء الخيرات ... شكرا لمرورك.

اسلام

11-06-22, 06:39 PM

بريف هارت اجمل عضو فى المنتدى دا كله

braveheart

11-06-22, 06:40 PM

السلام عليكوم طب انا لسه مبتدء جدا فى موضوع الصيد ده وكنت عاوز اشترك معاكو ينفع ولا لاء ولو ينفع ياريت تقولولى التفاصيل وبأذن الله اقدر احضر
وشكرا لكم جزيلا وتقبلو مرورى

يا فندم ينفع طبعا ... دة أحنا عاملين الرابطة دي أساسا علشان نحبب الناس في الهواية ، و نساعدهم ... و نجلعهم يتعرفون بالأعضاء القدامي من خلال اللقاءات أو الإجتماعات .. و من ثم الطلعات للصيد معهم .. كي يتعلم المبتدئ من الأكثر من خبرة ... و تعم الفائدة علي الجميع ... و منتظرينك.

تحياتي للجميع.

braveheart

11-06-22, 06:59 PM

بريف هارت اجمل عضو فى المنتدى دا كله

يا فندم أنا مش هقدر أعلق علي كلامك الجميل دة ... و دي شهادة أنا أعتز بها و تخجلني و الله و هناك الكثير من الأعضاء من هم أهم و أفضل بمنتهي الأمانة ... و شكرا لمرورك الكريم ... و تحياتي لك.

الامين محمد

11-06-22, 10:54 PM

انا عضو جديد وكيفية الانضمام الى الرابطة

braveheart

11-06-23, 11:58 AM

انا عضو جديد وكيفية الانضمام الى الرابطة

حضور الأجتماع القادم و تسجيل أسمك بكشف أعضاء الرابطة أثناء الأجتماع و سيتم أستخراج كارنية لسيادتك الأجتماع الذي يليه بمشيئة الرحمن.

رابط موضوع الأجتماع :

http://www.egypthunt.net/showthread.php?t=10150

braveheart

11-06-30, 04:29 PM

تابع الأخبار الجديدة بصحيفة المنتدي الأخبارية.

kiko_2015

11-06-30, 08:43 PM

الله ينور يا كيموو

pooforever_2010

11-06-30, 08:44 PM

الله ينور يا كيموو
ابو سيف عامل ايه يا باشا
فانتظار العرض الذرى

fidodido

11-07-01, 04:45 PM

تسلم الايادى يا كريم باشا

braveheart

11-07-02, 12:24 PM

الله ينور يا كيموو

و عليك يا فندم ... تحياتي لك.

تسلم الايادى يا كريم باشا

تسلم يا مشرفنا الجديد ... thx ... :)

dr_mohasan

11-07-02, 12:27 PM

هذا الموضوع رائع بالفعل , وارجو من كريم متابعته دائماً بالأخبار الجديدة

braveheart

11-07-02, 12:36 PM

هذا الموضوع رائع بالفعل , وارجو من كريم متابعته دائماً بالأخبار الجديدة

شكرا لك دكتور محمد .. و إن شاء الله هتابعة دائما ... تحياتي لك.

braveheart

11-07-04, 06:43 PM

المزيد من الجديد ... تابعونـــــــــا.
تحياتي للجميع.

الأفوكاتو

11-07-04, 06:49 PM

هي الحاجات دي لحقت تنزل علشان تعمل عنها أخبار ؟ هههههههههههههه
انا حاسس انك بعد كدة هتجيب الأخبار من مصادر امنية قبل نزول الموضوع .
دايما شعلة نشاط يا استاذ كريم .. مجود رائع .. تسلم ايدك
خالص تحياتي للجميــــــــــــــــــــــــــــع

koktal

11-07-04, 06:51 PM

مجهود رائع .. شكرا .. وإلى المزيد والجديد من الأخبار .. تحياتى لك وللجميع ..

ahmadkader

11-07-05, 11:31 AM

شوية أخبار النهاردة قرأتهم ورا بعض خلوا الواحد زى مايكون مخه مضروب ف الخلاط

براءة الفقي وغالي من إهدار المال العام
http://www.alwafd.org/index.php?option=com_content&view=article&id=66733%3A%D8%A8%D8%B1%D8%A7%D8%A1%D8%A9-%D8%A7%D9%84%D9%81%D9%82%D9%8A-%D9%88%D8%BA%D8%A7%D9%84%D9%8A-%D9%85%D9%86-%D8%A5%D9%87%D8%AF%D8%A7%D8%B1-%D8%A7%D9%84%D9%85%D8%A7%D9%84-%D8%A7%D9%84%D8%B9%D8%A7%D9%85#axzz1RDgjkk1Y

وفد من الخبراء الأوروبيين يزور مصر لإصلاح جهاز الشرطة
http://www.shorouknews.com/ContentData.aspx?id=496470

إخلاء سبيل الضباط المتهمين بقتل شهداء السويس بكفالة 10 آلاف جنية
http://klmty.blogspot.com/2011/07/10.html

بالصور ..تفاصيل هجوم 200 بلطجي من عزبة أبو قرن علي قسم مصر القديمة
http://www.eyoonk.com/vb/t224569.html

“خنوفة” أحد كبار تجار المخدرات بـ”عزبة أبو قرن” وراء أحداث مصر القديمة
http://www.damatsoft.com/%D8%AF%D9%85%D8%A7%D8%B7-%D8%B9%D8%A7%D9%85/%D8%AE%D9%86%D9%88%D9%81%D8%A9-%D8%A3%D8%AD%D8%AF-%D9%83%D8%A8%D8%A7%D8%B1-%D8%AA%D8%AC%D8%A7%D8%B1-%D8%A7%D9%84%D9%85%D8%AE%D8%AF%D8%B1%D8%A7%D8%AA-%D8%A8-%D8%B9%D8%B2%D8%A8%D8%A9-%D8%A3%D8%A8%D9%88-5619.html

بالمستندات 22 عميلا فقط ببنك مصر تزيد ديونهم على 38 مليار بينهم إبراهيم كامل و عز و لكح
http://klmty.blogspot.com/2011/07/22-38.html

ممدوح حمزة : جمعة "تحديد المصير" ستشهد "مجزرة" بين المتظاهرين
http://klmty.blogspot.com/2011/07/blog-post_8618.html

سوزان مبارك تشكو أن الحراس لا يقفون لها إحتراما عند مرورها
http://klmty.blogspot.com/2011/07/blog-post_1843.html

الاشتباه في تفشي «إيكولاي» من بذور مصرية
http://www.alittihad.ae/details.php?id=62564&y=2011

braveheart

11-07-05, 12:30 PM

braveheart

11-07-05, 12:52 PM

مجهود رائع .. شكرا .. وإلى المزيد والجديد من الأخبار .. تحياتى لك وللجميع ..

شكرا لك كوكتيل و تحياتي.

شوية أخبار النهاردة قرأتهم ورا بعض خلوا الواحد زى مايكون مخه مضروب ف الخلاط

براءة الفقي وغالي من إهدار المال العام
http://www.alwafd.org/index.php?option=com_content&view=article&id=66733%3a%d8%a8%d8%b1%d8%a7%d8%a1%d8%a9-%d8%a7%d9%84%d9%81%d9%82%d9%8a-%d9%88%d8%ba%d8%a7%d9%84%d9%8a-%d9%85%d9%86-%d8%a5%d9%87%d8%af%d8%a7%d8%b1-%d8%a7%d9%84%d9%85%d8%a7%d9%84-%d8%a7%d9%84%d8%b9%d8%a7%d9%85#axzz1rdgjkk1y

وفد من الخبراء الأوروبيين يزور مصر لإصلاح جهاز الشرطة
http://www.shorouknews.com/contentdata.aspx?id=496470

إخلاء سبيل الضباط المتهمين بقتل شهداء السويس بكفالة 10 آلاف جنية
http://klmty.blogspot.com/2011/07/10.html

بالصور ..تفاصيل هجوم 200 بلطجي من عزبة أبو قرن علي قسم مصر القديمة
http://www.eyoonk.com/vb/t224569.html

“خنوفة” أحد كبار تجار المخدرات بـ”عزبة أبو قرن” وراء أحداث مصر القديمة
http://www.damatsoft.com/%d8%af%d9%85%d8%a7%d8%b7-%d8%b9%d8%a7%d9%85/%d8%ae%d9%86%d9%88%d9%81%d8%a9-%d8%a3%d8%ad%d8%af-%d9%83%d8%a8%d8%a7%d8%b1-%d8%aa%d8%ac%d8%a7%d8%b1-%d8%a7%d9%84%d9%85%d8%ae%d8%af%d8%b1%d8%a7%d8%aa-%d8%a8-%d8%b9%d8%b2%d8%a8%d8%a9-%d8%a3%d8%a8%d9%88-5619.html

بالمستندات 22 عميلا فقط ببنك مصر تزيد ديونهم على 38 مليار بينهم إبراهيم كامل و عز و لكح
http://klmty.blogspot.com/2011/07/22-38.html

ممدوح حمزة : جمعة "تحديد المصير" ستشهد "مجزرة" بين المتظاهرين
http://klmty.blogspot.com/2011/07/blog-post_8618.html

سوزان مبارك تشكو أن الحراس لا يقفون لها إحتراما عند مرورها
http://klmty.blogspot.com/2011/07/blog-post_1843.html

و الله يا أحمد الأخبار كلها بقت حاجة تجنن ... أنا بلاش أنفتح في الموضوع ده أحسن هخرج عن شعوري ... و تحياتي لك علي الروابط الجميلة دي ، و شرفتني بمرورك.

ahmadkader

11-07-05, 12:53 PM

الجنايات تبرئ الفقي وغالي و المغربي و فضلي و منصور وتحبس رشيد وتخلي سبيل الشيخ
http://www.dostor.org/crime/11/july/5/47220

و امبارح الظباط طلعوا براءه من دم شهداء السويس .....وبكرا إنتظروا براءه مبارك وعائلته و الحكم بعدم دستوريه التنحي و يرجع للرياسه..... و بعد بكره القبض علي كل الائتلافات و شباب الثوره الوحشين المندسين

cezar

11-07-05, 12:59 PM

هنفضل منتظرين محاكمة فلان و حبس علان
صدقونى لو ادينا اهتمام شوية بالبلد وننميها ازاى يكون احسن
تحياتى

ahmadkader

11-07-05, 01:01 PM

هنفضل منتظرين محاكمة فلان و حبس علان صدقونى لو ادينا اهتمام شوية بالبلد وننميها ازاى يكون احسن تحياتى

طب لو إحنا ما إهتميناش باللى حط إيده فى جيوبنا و سرق مننا فلوسنا و أحلامنا ، مين اللى ممكن يهتم ؟

koktal

11-07-05, 05:17 PM

طب لو إحنا ما إهتميناش باللى حط إيده فى جيوبنا و سرق مننا فلوسنا و أحلامنا ، مين اللى ممكن يهتم ؟

أصل يا باشا اللى سرقك وجرى مش هتعرف تجيبه خلاص لأن الكبار بتوع البلد إتعشوا معاه .. ودفنوه بإديهم بعد أما كروشهم دلدلت .. انتا إبنى وعمر من جديد وربنا يسهل ويكرم من تانى .. بس على نضيف .. واللى تخاف منه مفيش أحسن منه .. تحياتى ..

ahmadkader

11-07-06, 12:34 PM

سماع صوت إنفجار فى أرجاء محافظة القاهرة وإلى الأن .. السبب الحقيقى غير معلوم وكل ما ينشر مجرد تكهنات غير مؤكدة

ahmadkader

11-07-06, 12:38 PM

لقى 4 عمال مصرعهم، صباح اليوم الأربعاء، غرقا فى مياه النيل، إثر انهيار جسر الجزيرة تحت الإنشاء فى الكوبرى الجديد بالنيل فى منطقة المعادى

ahmadkader

11-07-06, 12:42 PM

انفجارات بالمعادي ومخاوف من هروب نزلاء طرة

hema777h

11-07-06, 12:57 PM

البعض يرجح انو بسبب كسر حاجز الصوت بالطائرات المقاتلة

ahmadkader

11-07-06, 03:53 PM

سماع صوت إنفجار فى أرجاء محافظة القاهرة وإلى الأن .. السبب الحقيقى غير معلوم وكل ما ينشر مجرد تكهنات غير مؤكدة

الأمن: اختراق طائرة لحاجز الصوت أفزع أهالى القاهرة والجيزة
http://www.youm7.com/News.asp?NewsID=449279&SecID=97&IssueID=0

koktal

11-07-06, 04:43 PM

الأمن: اختراق طائرة لحاجز الصوت أفزع أهالى القاهرة والجيزة
http://www.youm7.com/news.asp?newsid=449279&secid=97&issueid=0

معرفش الخبر ده غير دلوقتى !!! .. بس الطيارة دى تصميم جديد وصوتها ابن لذينا فتاك .. لو فيه حرب كفاية بس يتسمع صوتها .. زى اما يكون قنابل نووية بتضرب مع بعض ..

ahmadkader

11-07-06, 09:50 PM

عيسوي: أكبر حركة تنقلات بالداخلية تمثل تطهيرا للوزارة وإقصاء مئات اللواءات

http://www.forsanelhaq.com/showthread.php?t=248279

ahmadkader

11-07-07, 02:27 PM

وقوف تام على البحر من اول مصطفى كامل حتى سان استيفنو

يسرى

11-07-07, 04:14 PM

السلام عليكم000لك رساله على الخاص من د0يسرى000برجاء الرد

يسرى

11-07-07, 04:15 PM

ربنا يصلح حالهم

ahmadkader

11-07-08, 09:46 PM

الخارجية الأسبانية تستجيب للضغوط الشعبية وتقرر تسليم حسين سالم لمصر
http://www.dostor.org/politics/egypt/11/july/8/47620

ahmadkader

11-07-08, 09:50 PM

السوايسة يدرسون تصعيد اعتصامهم باحتلال المحافظة وإغلاق المجرى الملاحي بالقناة
http://www.dostor.org/politics/egypt/11/july/8/47611

ahmadkader

11-07-08, 09:52 PM

العيسوي يدرس تعيين 10 آلاف محامي بأقسام الشرطة كـ"معاوني ضبط"
http://www.dostor.org/politics/egypt/11/july/8/47605

ahmadkader

11-07-08, 09:57 PM

Hosni Mubarak: FreeMason, Illuminati Puppet!
حسنى مبارك تلك الدمية الماسونية
http://socioecohistory.wordpress.com/2011/02/15/hosni-mubarak-freemason-illuminati-puppet/

ahmadkader

11-07-09, 02:04 PM

النيابة تعيد القبض على رئيس مباحث السويس وآخرين بتهمة قتل الثوار
http://www.dostor.org/crime/11/july/9/47628

ahmadkader

11-07-09, 02:09 PM

عاجل|السويس| أهالي السويس ينفذون حكم الاعدام الثوري بحق النقيب محمد زين معاون مباحث السويس !!!
http://www.alwafd.org/index.php?option=com_content&view=article&id=68441:%D8%A7%D8%BA%D8%AA%D9%8A%D8%A7%D9%84-%D9%85%D8%B9%D8%A7%D9%88%D9%86-%D9%85%D8%A8%D8%A7%D8%AD%D8%AB-%D9%82%D8%B3%D9%85-%D8%B4%D8%B1%D8%B7%D8%A9-%D8%A7%D9%84%D8%B3%D9%88%D9%8A%D8%B3&catid=69:%D8%AD%D9%88%D8%A7%D8%AF%D8%AB%20%D9%88%D 9%82%D8%B6%D8%A7%D9%8A%D8%A7&Itemid=143#axzz1RaHhb0Lb

ahmadkader

11-07-09, 02:12 PM

أنباء عن إعلان السويس العصيان المدني في جميع المؤسسات
http://www.shorouknews.com/contentdata.aspx?id=499690

braveheart

11-07-09, 02:13 PM

شكرا لك أحمد علي الأخبار الحصرية دي .. و مجهود رائع تشكر عليه ، و ربنا يسترها اليومين دول علي البلد ... و تحياتي لك.

ahmadkader

11-07-09, 02:17 PM

شكرا لك أحمد علي الأخبار الحصرية دي .. و مجهود رائع تشكر عليه ، و ربنا يسترها اليومين دول علي البلد ... و تحياتي لك.[/size]

العفو يا كريم باشا ، بحاول دائما تحرى مصادر موثوق بها للأخبار ، و أنا الصراحة عجبنى موضوعك من البداية لأنه فيه إستغلال لخاصية المشاركات الجديدة و عن طريقها ممكن الواحد يتابع الأخبار أولا بأول

hema777h

11-07-09, 02:18 PM

عاجل|السويس| أهالي السويس ينفذون حكم الاعدام الثوري بحق النقيب محمد زين معاون مباحث السويس !!!
http://www.alwafd.org/index.php?option=com_content&view=article&id=68441:%d8%a7%d8%ba%d8%aa%d9%8a%d8%a7%d9%84-%d9%85%d8%b9%d8%a7%d9%88%d9%86-%d9%85%d8%a8%d8%a7%d8%ad%d8%ab-%d9%82%d8%b3%d9%85-%d8%b4%d8%b1%d8%b7%d8%a9-%d8%a7%d9%84%d8%b3%d9%88%d9%8a%d8%b3&catid=69:%d8%ad%d9%88%d8%a7%d8%af%d8%ab%20%d9%88%d 9%82%d8%b6%d8%a7%d9%8a%d8%a7&itemid=143#axzz1rahhb0lb

هو داا المتوقع لما يكون في عدالة بطيئة

ahmadkader

11-07-09, 02:49 PM

إقالة مدير أمن السويس بسبب أحداث الشغب
http://www.alwafd.org/index.php?option=com_content&view=article&id=68469:%D8%A5%D9%82%D8%A7%D9%84%D8%A9-%D9%85%D8%AF%D9%8A%D8%B1-%D8%A3%D9%85%D9%86-%D8%A7%D9%84%D8%B3%D9%88%D9%8A%D8%B3-%D8%A8%D8%B3%D8%A8%D8%A8-%D8%A3%D8%AD%D8%AF%D8%A7%D8%AB-%D8%A7%D9%84%D8%B4%D8%BA%D8%A8&catid=150:%D8%AB%D9%88%D8%B1%D8%A9%20%D8%A7%D9%84% D8%BA%D8%B6%D8%A8&Itemid=409#axzz1RaHhb0Lb

ahmadkader

11-07-09, 09:11 PM

عاجل : بعد قليل بيان هام لرئيس الوزراء للأمه

braveheart

11-07-09, 09:15 PM

الله عليك في إنتظارة ... و شكرا لمجهودك.

hema777h

11-07-09, 10:03 PM

اعتقد انو هيقدم استقالتو

ahmadkader

11-07-10, 11:09 AM

الآن | عاجل | أهالي السويس يقطعون طريق العين السخنة
http://www.dostor.org/politics/egypt/11/july/10/47713

الثوار يغلقون مجمع التحرير ويمنعون الموظفين من الدخول
http://www.dostor.org/politics/egypt/11/july/10/47714

ahmadkader

11-07-10, 12:00 PM

مذيع القناة الأولى الآن : اللجان الشعبية عثرت على بعض البلطجية, فى رأيك: من يكونوا هؤلاء؟!؟!؟!؟
آه والنبى ياشيخ ياترى مين!

المذيع: يعنى لما نشكك فى أخر مؤسستين فى البلد القضاء والجيش, يتبقى لنا ايه؟
خلاص بقى الدمعة هتفر من عينى

smsmn8888

11-07-10, 12:12 PM

بصراحة انا راي نولع في البلد ونخلص علشان يعجبكو دي حاجة تقرف

ahmadkader

11-07-10, 12:27 PM

بصراحة انا راي نولع في البلد ونخلص علشان يعجبكو دي حاجة تقرف

عصام شرف تولى منصب رئيس الوزراء 3 مارس ،،، ممم تعالى نحسبها كدا ، يعنى من أكتر من 4 شهور ، الناس هادية و سايبين الراجل يشتغل ، تمام ،، إيه بقى اللى حصل فى 4 شهور ؟

1- قالك ياعم هنعين اللى قاعدين عالرصيف : طلع حوار فاكس
2- قالك فيه شقق و حوارات : طلعت نصباية و سبوبة
3- قالك يا ريس هنزود الأجور : المجلس العسكرى رفض الميزانية كلها من بابها
4- قالك فيه معرفش كام ألف طن لحمة جايين من السودان : تقريبا اللحمة بعتوها لجنوب السودان
5- قالك هنقدم المفسدين لمحاكمات سريعة : و النتيجة براءات و إعفاءات بالهبل يا معلم
6- قالك هنعوض أسر شهداء و مصابى الثورة : إخطف رجلك لغاية السويس و إتكلم مع أسر الشهداء و إسألهم صرفوا كام
7- قالك ينبغى محاسبة قتلة الثوار : و النتيجة رجوعهم تانى لشغلهم بعد أجازة لذيذة لمدة 3 شهور
8- قالك مافيش بلد فى الدنيا فيها وزارة إعلام و راح معين إمبارح وزير للإعلام
9- كل أسبوعين يعطى توجيهاته لوزير أم الداخليه بعودة الأمن للشارع ، هو وزير الداخلية ده إيه أطرش ؟
10 - بيحاكموا المواطن العادى محاكمات عسكرية و الحكم بيطلع وقتى ، أما اللى مسك سلاح و ضرب نار و بهدل الناس ،، محاكمات مدنية و كمان إخلاء سبيل ،،، عدل بقى !!!

أكمل و اللا كفاية ؟ إيه رايك إنتا ؟ نسيبهم بدل ال 4 شهور 4 سنين ؟ يمكن إنجازاتهم تزيد عن كدا ؟

smsmn8888

11-07-10, 01:00 PM

10 - بيحاكموا المواطن العادى محاكمات عسكرية و الحكم بيطلع وقتى ، أما اللى مسك سلاح و ضرب نار و بهدل الناس ،، محاكمات مدنية و كمان إخلاء سبيل ،،، عدل بقى !!!

دي لافق معاك فيها بجد بس انا قولتها يالا نولع في البلد بقي والسلام علشان كدا انا قولت بكرة هيكون اسوء واسوء

ahmadkader

11-07-10, 01:01 PM

ahmadkader

11-07-10, 01:05 PM

10 انا قولتها يالا نولع في البلد بقي والسلام علشان كدا انا قولت بكرة هيكون اسوء واسوء

بكرة عمره ماهيكون أسوأ من النهاردة ، لأنه مافيش أسوأ من إمبارح
وصلت ؟

ahmadkader

11-07-10, 01:16 PM

موظفون بمجمع التحرير ينضمون للمعتصمين بعد إغلاق المبنى الحكومي
http://www.almasryalyoum.com/node/476071

braveheart

11-07-10, 09:07 PM

موظفون بمجمع التحرير ينضمون للمعتصمين بعد إغلاق المبنى الحكومي
http://www.almasryalyoum.com/node/476071

الله ينور علي الشغل يا أحمد ... تحياتي لك.

ahmadkader

11-07-10, 11:36 PM

الله ينور علي الشغل يا أحمد ... تحياتي لك.

أى خدمة يا كريم باشا ،، كله طازة ف طازة

YOSSEF EL MASRY

11-07-10, 11:46 PM

البنتاغون يعلن صفقة بيع 125 دبابة متطورة لمصر
http://arabic.rt.com/news_all_news/news/561975/

بيقولك بقى الصفقة قيمتها كام ؟ 1.3 مليــــــــــــــــــــــــــار دولار !!! مين بقى اللى وافق لطنطاوى على الصفقة دى ؟ و اللا لسة برضه الشفافية واخدة مفهوم زمان و بنعرف أخبارنا أهه عن طريق البنتاجون

النوع دة من الدبابات بيتجمع في مصنع 200 الحربي منذ زمن طويل
المعروف ان امريكا والاتحاد الاوربي وقفوا تصدير السلاح لمصر
يبقي اذي وعلي فجاة ودون سابق انذار 125 دبابة
طيب ماشي ودي هتيجي من امريكا جهزة ةالا هتتجمع في مصنع 200
الموضوع مش واضح
لكي اللة يامصر

ahmadkader

11-07-11, 12:01 AM

النوع دة من الدبابات بيتجمع في مصنع 200 الحربي منذ زمن طويل المعروف ان امريكا والاتحاد الاوربي وقفوا تصدير السلاح لمصر يبقي اذي وعلي فجاة ودون سابق انذار 125 دبابة طيب ماشي ودي هتيجي من امريكا جهزة ةالا هتتجمع في مصنع 200 الموضوع مش واضح لكي اللة يامصر

أولا واضح إن حضرتك متعبتش نفسك فى قراءة الخبر كله ، الخبر منشور فى كل صحف العالم النهاردة ، و عموما لو مش بتصدق المواقع اللى بالعربى ممكن تطلع على الخبر فى المواقع الأجنبية كمان ، دى فضيحة يا يا باشا ، و إحنا هنا نايمين على وداننا

Despite revolution, US set to approve tank sales to Egypt
http://www.turkishweekly.net/news/118612/despite-revolution-us-set-to-approve-tank-sales-to-egypt.html

الصفقة مازالت أمام الكونجرس و إحتمال يرفضها ، لأن ده يشكل خطر على إسرائيل

ahmadkader

11-07-11, 01:36 PM

بيان حركة 6 إبريل اليوم الإثنين الموافق 11 يوليو 2011

ahmadkader

11-07-11, 01:47 PM

عاجل | اليوم السابع | القذافى يستعين رسميا بإسرائيل لمواجهة الثوار والناتو
http://www.youm7.com/News.asp?NewsID=452474

naruto

11-07-11, 02:22 PM

[quote=ahmadkader;146911]عاجل | اليوم السابع | القذافى يستعين رسميا بإسرائيل لمواجهة الثوار والناتو
http://www.youm7.com/news.asp?newsid=452474

لا مش هايرفض لانهم يقدرو يمنعوا مصر من استعمال السلاح ضد اسرائيل

ahmadkader

11-07-11, 07:48 PM

الصفحة الرسمية لرئاسة مجلس الوزراء المصرى | عاجل| بيان هام لرئيس الوزراء بعد ساعات

الأفوكاتو

11-07-11, 07:54 PM

الصفحة الرسمية لرئاسة مجلس الوزراء المصرى | عاجل| بيان هام لرئيس الوزراء بعد ساعات

الله ينور يا عم احمد .. جميل الأداء السريع ده
خالص تحياتي للجميــــــــــــــــــــــع

braveheart

11-07-11, 07:56 PM

الصفحة الرسمية لرئاسة مجلس الوزراء المصرى | عاجل| بيان هام لرئيس الوزراء بعد ساعات

تاااااااااااااااااااني ... ههههههههه
أما نشووووووووووووف.

braveheart

11-07-11, 10:23 PM

الأن علي الحياة الحمراء .. شريف أبو ضيف و هاني عازر ... في برنامج الحياة اليوم ... للتحدث عن تجارة السلاح و الإنفلات الأمني.

A.Seif

11-07-11, 10:28 PM

الأن علي الحياة الحمراء .. شريف أبو ضيف و هاني عازر ... في برنامج الحياة اليوم ... للتحدث عن تجارة السلاح و الإنفلات الأمني.
عُلم و تتم المشاهده..شكرا جزيلا للتنويه..تقبل تحياتى

ahmadkader

11-07-13, 11:40 AM

غرائب: للمرة الثانية طفل مغناطيسى يظهر في البرازيل

لثاني مرة في العالم طفل برازيلي مغاطيسى بعد الطفل الكرواتي ,يتمتع الطفل "باولو ديفيد" البالغ من العمر 11 عاما بخاصية مغناطيسية تمكنه من لصق الأدوات المعدنية على جسده.
كما أنه يستطيع حمل ثقل يزن 25 كغم على صدره، وقد عرضت القنوات الإخبارية الكندية هذا الطفل وهو يحمل العديد من المواد الحديدية مثل الملاعق والشوك وكذلك الهاتف الخلوي.
وأشار التقرير الاخباري أن أصدقاء الطفل يلقبونه بالطفل المغناطيس، في حين اندهش الطبيب الخاص للطفل بما راه قائلا : أن هذه الحالة النادرة ولم نكتشف سبب هذه الميزة"

رابط الخبر : http://www.wtfnews.org/out-of-this-world/second-magnet-boy-emerges-out-of-brazil/

بدر

11-07-13, 11:43 AM

ahmadkader

11-07-13, 11:46 AM

اخبارك اية يا دكتور
سبحان الله العظيم
تحياتى

أنا الحمد لله ،، ماشية ،، طمنى أخبارك إنتا إيه يا باشمهندس ؟ و الله واحشنى الكلام معاك ،،، و منتظر الإجتماع اللى جاى بفارغ الصبر عشان نتقابل إن شاء الله

ahmadkader

11-07-13, 11:57 AM

"بوتن" يتهم أمريكا بانتهاج أساليب الفوضويين لطباعة النقود

اتهم رئيس الوزراء الروسى فلاديمير بوتن، الولايات المتحدة الأمريكية بالفوضوية، وذلك بشأن جهود الحكومة الأمريكية لتخفيف مشاكلها المالية بضخ مئات المليارات من الدولارات فى نظامها الاقتصادى.
وأعرب بوتن، عن رضاه وأسفه أيضاً لأن روسيا لا تقوم بطباعة إحتياطيات نقدية، وذلك خلال اجتماع الخبراء الاقتصاديين بالأكاديمية الروسية للعلوم، والذى نقلت وكالة أنباء نوفوستى الروسية مقتطفات منه، مشيراً إلى أن ما تفعله الحكومة الأمريكية يشبه أفعال الفوضويين، يقومون بالتحول إلى طباعة الأموال ثم يضخونها فى جميع أنحاء العالم متناسين واجباتهم الرئيسية.

وتأتى تعليقات بوتين تلك فى أعقاب إكمال الولايات المتحدة لبرنامج التخفيف الكمى الثانى فى نهاية شهر يونيو الماضى، حيث اشترت هيئة الاحتياطيات الفيدرالية الأمريكية ما قيمته 600 مليار دولار من سندات الخزينة.

ahmadkader

11-07-13, 12:01 PM

ارتفاع إيرادات قناة السويس 12.6%

بلغت إيرادات قناة السويس التي تشكل محورا أساسيا في حركة النقل البحري في العالم، 2.54 مليار دولار للنصف الأول من العام 2011 أي بزيادة 12.6% بالمقارنة مع النصف الأول من العام 2010، حسب ما أعلنت أمس الأحد إدارة القناة. وارتفعت إيرادات القناة لشهر يونيو إلى 445.2 مليون دولار، أي بزيادة 2% مقارنة مع الشهر السابق. .

المصدر: - القاهرة – الفرنسية

ahmadkader

11-07-13, 12:14 PM

خبر عاجل | انقلاب عسكري في شوارع القاهرة الآن .....

.
.
.
....
.
.
.
.
. بس الحمد لله العسكري قام و محصلوش حاجة .

silver_5000

11-07-13, 12:17 PM

خبر عاجل | انقلاب عسكري في شوارع القاهرة الآن .....

.
.
.
....
.
.
.
.
. بس الحمد لله العسكري قام و محصلوش حاجة .

هههههههههههههههههههههههههههههههه
الله يسامحك يا ابو حميد , خضتنى يا شيخ

ahmadkader

11-07-13, 12:20 PM

هههههههههههههههههههههههههههههههه
الله يسامحك يا ابو حميد , خضتنى يا شيخ[/font]

هاهاها ، تابع الأخبار بقى عشان تعرف إيه آخر تطورات الموقف

silver_5000

11-07-13, 12:28 PM

متابع يا كبير

ahmadkader

11-07-13, 01:01 PM

عاجل | جريدة الأهرام | البورصة المصرية تسترد 7 مليارات جنيه من خسائرها خلال نصف ساعة
http://gate.ahram.org.eg/News/93655.aspx

محمد حسام

11-07-13, 01:11 PM

56 سفينه تعبر قناه السويس اليوم

ahmadkader

11-07-13, 03:08 PM

56 سفينه تعبر قناه السويس اليوم

الحمد لله ، و الله مش عارف ليه من ساعة ما صحيت النهاردة و أنا متفائل

ahmadkader

11-07-16, 09:02 AM

النضال اللذيــــــــــــــــــــذ
.
.
.
.
.
.
.
أعلنت جماعة 6 أبريل عن أنها أعدت قائمة بالوزراء الذين سيتم تعيينهم في الحكومة الجديدة ، و أنهم أعدوا أيضا قائمة بأسماء المحافظين من أجل تقديمها إلى الدكتور عصام شرف ليصدر قرارا بتعيينهم في الحركة الجديدة للمحافظين ، ولكن تصريحاتهم لم تؤكد ما إذا كان على الدكتور عصام شرف أن يرسل القائمة بعد تجهيزها إلى منسق التنظيم من أجل أن يصدر قرارا نهائيا باعتمادها.هذا المشهد العبثي المثير ربما يلخص لنا صورة "الخيال" الذي يعشش في رؤوس عديدة في مصر الآن .

أحمد ماهر مؤسس تلك الحركة و منسقها ، هو موظف في إحدى شركات ممدوح حمزة ، ولذلك حرصت الحركة على إعلان اسم "ممدوح حمزة" صاحب الدكان كرئيس للوزراء قبل عدة أيام ، وحمزة المشهور بالرعونة وضيق الأفق السياسي يخضع لتوجيهات كاملة من الناشط الناصري جمال فهمي ، لأن حمزة يتميز بالحمق السياسي وضعف الخبرة وسوء التصرف في الشأن العام ، وهو مهووس بنظرية أنه يستطيع أن يشتري أي شخص بفلوسه ، ومشهورة قصته عندما اختلف مع بعض النشطاء عند المنصة في ميدان التحرير فصرخ في الجميع "المنصة دي بفلوسي" ، وجمال فهمي هو الذي أقنعه بدور للناشطة الناصرية تهاني الجبالي ، وهي إحدى المحاميات المدللات لدى الهانم سوزان مبارك وهي التي اختارتها بالاسم لتعيينها في المحكمة الدستورية .

وممدوح حمزة يعيش حالة "فصام" مع النظام السابق ، فهو يبدي التنافر معه سياسيا ، لكنه يدرك أنه ينتمي بولائه الاقتصادي كاملا لمنظومة مبارك الفاسدة ، وبعض شظايا الاتهام بالفساد تقترب منه حاليا ، وأحد شركائه الرئيسيين تم التحفظ على أمواله ومنعه من التصرف على خلفية اتهامات بالفساد ، ولذلك يحاول حمزة البحث عن مخرج للعديد من وزراء البيزنس في عصر مبارك من أجل إخراجهم من السجن ووقف محاكمتهم ، وقد صرح علنا بأنه يطالب بالإفراج عن زهير جرانه وأحمد المغربي ـ بالاسم ـ وآخرين من وزراء البيزنس ـ لم يسمهم ـ على أن يعيدوا الأموال التي انتهبوها ، بل وطالب بإعادة الاعتبار لهم بما يتيح لهم التوسع في "بيزنس" جديد والحصول على أموال جديدة من البنوك الوطنية بدعوى فتح فرص عمل أمام الشباب المصري .

و حمزة يستلهم الكثير من توجهاته وقراراته من شخصية غامضة تدعى "رانيا الخولي" ، وهي من أصول مصرية وتتحرك بشكل منتظم بين فيينا ودبي والقاهرة ، وتملك تأثيرا كبيراً على ممدوح حمزة ، وتمثل رانيا أحد البوابات الرئيسية لتسويق عدد من النشطاء على مؤسسات أوربية ، كما أنه من المعروف أن "سالي توما" الناشطة القيادية في الحركة واعتصام التحرير تعمل لدى نجيب ساويرس ، أما أبوها "شركس" فهو يعمل في إحدى شركات ممدوح حمزة ، وأما الشاعر "الغضنفر" الذي يفتخر بأنه "حشاش" فقد تم الإنعام عليه بتوظيف ابنتيه الناشطتين لدى نجيب سايروس دون أن يقوما بأي عمل محدد .

وأما الدكتور محمد البرادعي فهو الذي يهيمن على البوابة الرئيسية للتمويل الأجنبي ، كما يمثل بوابة أساسية لتسويق نشطاء على مؤسسات أوربية وأمريكية حتى أنه أصبح من الدارج أسبوعيا أن تجد عشرات النشطاء إما ذاهبون إلى فيينا أو باريس أو أمستردام أو فرانكفورت أو واشنطن وإما عائدون من هناك ، والحقيقة أن هذه "السبوبة" أصبحت جذابة للغاية لعدد من الشباب هم في واقع الأمر عاطلون ، والشرط فيها سهل جدا ، أن يتشكل فريق عمل من عدد من الأشخاص لا يقلون عن خمسة ، ويعلنون "ائتلافا" بأي اسم يختارونه ، ولذلك توالدت الائتلافات الغريبة خلال شهرين فقط بما يتجاوز أربعمائة ائتلاف حتى الآن ، معظمها يتراوح عدد أعضائه بين خمسة أشخاص إلى عشرة أي أنها مجرد لافتات بلا أي مضمون واقعي حقيقي ، وقد أعلنت السفارة الأمريكية في القاهرة أن "أربعين مليون" دولار تم دفعها لمنظمات وائتلافات مصرية خلال الفترة الأخيرة بعد الثورة ، إلا أن مصادر أخرى تقول أن الرقم أكبر من ذلك بكثير ويصل إلى مائتي مليون دولار ، وما زالت السفارة الأمريكية ترفض الكشف عن أسماء أوقوائم الائتلافات والشخصيات التي حصلت على هذه الأموال والحيثية التي حصلوا عليها بها .

والبرادعي لا يملك كوادر ، لذلك اجتمعت لديه المتناقضات ، فرغم أن البرادعي ليبرالي إلا أن أبرز قيادات حركته شيوعيون ، واليسار المصري الذى يعاني من ضيق ذات اليد ، لذلك اجتمع قسم كبير منهم عند تنظيم البرادعي من أجل "ميغة" التمويل الخارجي ، وبعضهم يستظل بمال ممدوح حمزة ، وتخدم على البرادعي قناة "التحرير" التي لا يعرف حتى الآن مصادر تمويلها ، كما أن أبرز مقدمي البرامج فيها : إبراهيم عيسى ومحمود سعد ، لا يكشفان أبدا عن قيمة العقد الذي يرتبطان به مع القناة ، والقناة بشكل عام تمثل أحد أذرع محمد البرادعي ضد القوات المسلحة والإسلاميين بشكل خاص ، والمثير للدهشة أن إبراهيم عيسى لم يكتف فقط بتسويق البرادعي والهجوم على خصومه السياسيين والسخرية من القوات المسلحة بل يوجه صحفيي جريدته هو وإبراهيم المعلم "التحرير" للذهاب بانتظام إلى ميدان التحرير من أجل دعم المعتصمين وتوجيههم وتوزيع اللافتات وصياغتها .

وبمناسبة الفضائيات التي أصبحت تتوالد مثل الأرانب ، برزت فضائية مملوكة لرجل أعمال نشط في مجال الاستثمار العقاري (منصور عامر صاحب عامر جروب ) هى قناة cbc وهو أحد أبرز ممولي الحزب الوطني المنحل وصديق حميم لأحمد عز وأحمد فتحي سرور وتم ترتيب القناة بمعرفة مجدي الجلاد رئيس تحرير المصري اليوم وصديقه الحميم وشيخه خيري رمضان ومعهم لميس الحديدي وعادل حمودة ، وكنوع من غسيل السمعة تم ضم اسم داعية شاب معروف ، وانتفخت أوداج خطيب مسجد عمر مكرم بثلاثين ألف جنيه شهريا من القناة مقابل برنامج شكلي فراح يهرف في الميدان كل جمعة بالمزايدات الجنونية المتمسحة في الدين للتخديم على رسالة القناة ، وقناة أخرى يملكها زوج مذيعة دريم الشهيرة ( منى الشاذلي) قناة النهار لا يكشف حتى الآن عن شركائه فيها ، لأن الأموال التي تم ضخها في تلك القناة فوق التصور ، حتى أن تكاليف الدعاية والتسويق لها قبل انطلاقها تجاوزت أربعين مليون جنيه ، بما يعني أن تكلفة التشغيل لن تقل عن مائة وعشرين مليون جنيه ، وطاقته المالية لا تتيح له ذلك ، والرجل معروف بأنه من المقربين من رموز الوطني والمدافعين عنه ، وبشكل عام فجميع القنوات الفضائية المصرية الخاصة العاملة الآن مملوكة لرجال أعمال من منظومة عصر فساد مبارك وحزبه وأنجاله .

وهناك صحف تتلقى قسما من المعونة الأمريكية بشكل منتظم ، مثل صحيفة الشروق التي تقوم بدور بارز في التهييج ضد المجلس العسكري والاستحقاق الدستوري ، وأتمنى أن يمتلك "هاني شكر الله" الشجاعة لكي يعلن للرأي العام عن المبلغ بالضبط الذي يتم ضخه في شرايين الصحيفة من المال الأمريكي وما هي أهم بنود البروتوكول الحاكم لهذه المعونة ، وكان نجيب ساويرس قد نجح مؤخرا في احتواء رئيس تحرير الصحيفة عمرو خفاجي ، فمنحه ستين ألف جنيه شهريا مقابل برنامج في قناته (أون تي في) ، رغم أنها تعاني خسائر مزمنة. طولت عليكم ، فالخريطة متسعة ، وربما عدنا إليها في محطة أخرى.

و اللى مش مقتنع بالكلام ده يدخل على الرابط ده http://www.almaglesalwatany.org/maspiro.aspx

ahmadkader

11-07-16, 06:58 PM

سفيرة واشنطن الجديدة بالقاهرة: أنفقنا 40 مليون دولار لدعم الديمقراطية بمصر منذ قيام الثورة
http://www.shorouknews.com/contentdata.aspx?id=486248

" يبقى لا عجب من ظهور تيارات تنادى بالعلمانيه وتهاجم التيار الدينى بشراسة " !!

braveheart

11-07-18, 03:09 PM

ممتاز جدا مجهودك يا أبو حميد .. و شكرا لكل الأعضاء المشاركين ... و أخبار جديدة علي الصفحة الأولي... تابعونا.

ahmadkader

11-07-23, 10:15 PM

في العباسية الضرب في المليان.. وفي جراند حياة .... العيسوي في ضيافة الإخوان!

نور المسلم

11-07-24, 12:24 AM

ربنا يستر من الاجتماعات دي
وربنا يجعلنا نعدي ببلدنا لبر الامان يا رب

ahmadkader

11-07-27, 01:17 PM

رجاءا يا جماعة للأهمية ، أمريكا تعلن بالمبالغ الدقيقة ما هى المؤسسات و الجمعيات التى إستفادت من المعونة الأمريكية لدعم الديمقراطية فى مصر:

http://www.ned.org/where-we-work/middle-east-and-northern-africa/egypt

braveheart

11-08-03, 11:11 AM

عاجل .. محاكمة مبارك بأكاديمية الشرطة مذاع علي قناة الحياة الحمراء و المصرية و المحور.

ahmadkader

11-08-20, 04:36 PM

الحمد لله إسرائيل قصرت علينا الطريق: بى بى سى | إيهود باراك وزير الدفاع الإسرائيلي يتعتذر رسميا لمصر و يرغب فى إجراء تحقيق مشترك فى الحادث بعد بيان رئاسة الوزراء المصرى

ahmadkader

11-08-22, 02:01 PM

عاجل: منظمة اليونسكو تحذر من المساس بالقذافى، باعتباره من المخلوقات النادرة المهددة بالانقراض وتدعو إلى نقله لمحمية طبيعية هو وملابسه :)

koktal

11-08-22, 06:23 PM

عاجل: منظمة اليونسكو تحذر من المساس بالقذافى، باعتباره من المخلوقات النادرة المهددة بالانقراض وتدعو إلى نقله لمحمية طبيعية هو وملابسه :)

هههههههههههههههههههههههههههههههههههههههههههههههههه ههههههههههههههههههه

.. هرفع عليك دعوى قضائية للتسبب فى وعكه صحيه .. من كثرة الضحك ..

hogan

11-08-23, 09:17 AM

عاجل: منظمة اليونسكو تحذر من المساس بالقذافى، باعتباره من المخلوقات النادرة المهددة بالانقراض وتدعو إلى نقله لمحمية طبيعية هو وملابسه :)

الساعه بخمس جنية والحسابه بتحسب
ههههههههه

noha

11-08-24, 02:17 AM

رحلة بحرية فى استيلا دى مارى بالعين السخنة ((كل يوم رحلة))150 جنيه للفرد+وجبة غذاء **او رحلة صيد 12 ساعة فى افضل بيقاع خليج البحر الاحمر للصيد اشهر انواع الاسماك 12فرد 1200 جنيه اليخت 3 ادوار مجهز بمعدات صيد و3غرف نوم+مطبخ +حمام
الحجز والاتصال على
0123306646

ahmadkader

11-08-29, 10:28 AM

المجلس الانتقالي المعارض يقر خطة لتقسيم ليبيا إلى خمسة أقاليم إدارية
صحيفة الوطن الليبية

http://alwatan-libya.com/more.asp?ThisID=16258&ThisCat=1

قابــــــــل يـــــا معلــــــــم بقى !!!!

ahmadkader

11-08-30, 12:00 AM

صلاة عيد الفطر المبارك ستكون فى تمام الساعة الخامسة و56 دقيقة صباحا بمدينة القاهرة.
و كل عام و أنتم بخير :)

ahmadkader

11-09-10, 04:14 PM

بلطجية يقتحمون وحدة مطافئ مصر القديمة ويقتلون مجنداً لسرقة سيارة
http://www.youm7.com/News.asp?NewsID=489676

ahmadkader

11-09-10, 04:16 PM

تفعيل قانون الطوارئ هاهاهاهاهاهاهاهاهاهاهاها... قابل يا معلــــــــــــــــــــــــــــم

ahmadkader

11-09-10, 04:20 PM

طوارئ بمديرية أمن الإسكندرية وتحذيرات من محاولة اقتحام ... كلاكيت ثالث مرة

sameer

11-09-10, 04:20 PM

تفعيل قانون الطوارئ هاهاهاهاهاهاهاهاهاهاهاها... قابل يا معلــــــــــــــــــــــــــــم

ايه ده يا باشا تفعيل ولا الغاء؟

ahmadkader

11-09-10, 04:22 PM

ايه ده يا باشا تفعيل ولا الغاء؟

تفعيـــــــــــــــــــــــــــــــــــل ، كان لسة فيه بيان من ربع ساعة

ahmadkader

11-09-10, 04:24 PM

ارتفاع عدد المقبوض عليهم فى أحداث مديرية أمن الجيزة إلى 30 متهماً .. و دى صور الشباب المناضل

ahmadkader

11-09-10, 04:41 PM

عاجل - في بيان وزير الإعلام : تطبيق كافة النصوص القانونية المتاحة في قانون الطوارئ الذي كان مستهدفاً وقفه خلال الفترة القادمة وذلك حفاظا علي الدولة وهيبتها

يا ترى الناس بتاعة السفارة كدا ........ بردت و اللا لسة ؟؟؟

ahmadkader

11-09-10, 05:35 PM

عدد من شباب الثورة يحاولون اقتحام مبنى السفارة الأمريكية لطرد السفير
http://gate.ahram.org.eg/NewsContent/4/6/114063/%D8%AD%D9%80%D9%88%D8%A7%D8%AF%D8%AB/%D8%AA%D9%82%D8%A7%D8%B1%D9%8A%D8%B1/%D8%B9%D8%AF%D8%AF-%D9%85%D9%86-%D8%B4%D8%A8%D8%A7%D8%A8-%D8%A7%D9%84%D8%AB%D9%88%D8%B1%D8%A9-%D9%8A%D8%AD%D8%A7%D9%88%D9%84%D9%88%D9%86-%D8%A7%D9%82%D8%AA%D8%AD%D8%A7%D9%85-%D9%85%D8%A8%D9%86%D9%89-%D8%A7%D9%84%D8%B3%D9%81%D8%A7%D8%B1%D8%A9-%D8%A7%D9%84%D8%A3.aspx

ahmadkader

11-09-11, 01:44 PM

المحكمة ستستدعي طنطاوي وعنان للشهادة فى موعد آخر وتحدد جلستي 24 و25 /٩ لسماع شهادتهم.
ربنا يستر و محدش يقتحم سفارة مصر يوم ٢٣ :))

ahmadkader

11-09-11, 07:29 PM

كبير الأطباء الشرعيين: جميع المتوفين بأحداث السفارة بطلقات حية
http://www.youm7.com/News.asp?NewsID=490704

يا ترى مين اللى ضربهم بقى المرة دى ؟؟؟؟؟؟؟

ahmadkader

11-09-13, 07:09 PM

منع كلا من (هاله سرحان) و(محمود سعد) و(توفيق عكاشه) من الظهور على التليفزيون فى اى برنامج والتحقيق معهم بتهمه اشعال الفتنه واثاره الفوضى والتحريض على الجيش

http://news.egypt.com/arabic/permalink/1284396.html

deutscher Sniper

11-09-13, 07:31 PM

أخيرا وقفوا العالم دى

دول عاوزين ججنازة ويشبعوا فيها لطم وبالذات اللى اسمها هالة سرحان دى

ست قمة فى القذارة وقلة الادب وتوفيق عكاشة الراجل المحترم اللى بيشتم ادام الناس فى البيوت

ومحمود سعد اللى بيظيط فى الزيطة ونسي انة دخلها كوسة عن طريق الست الوالدة

والله البلد دى عاوزة طوفان عشان تنضف من الارف اللى هى فية

ربنا يسترها من عندة

ahmadkader

11-09-13, 07:38 PM

[]أخيرا وقفوا العالم دى دول عاوزين ججنازة ويشبعوا فيها لطم وبالذات اللى اسمها هالة سرحان دى ست قمة فى القذارة وقلة الادب وتوفيق عكاشة الراجل المحترم اللى بيشتم ادام الناس فى البيوت ومحمود سعد اللى بيظيط فى الزيطة ونسي انة دخلها كوسة عن طريق الست الوالدة والله البلد دى عاوزة طوفان عشان تنضف من الارف اللى هى فية ربنا يسترها من عندة[/]

موافقك فى كل كلمة تماما ، بس المجلس العسكرى كالعادة أخدوا قرارهم متأخر جدا

deutscher Sniper

11-09-13, 08:16 PM

انا بجد حاسس انة حلم وبكرة نصجي نلاقي الريس طلع فى خطاب وبيقول

بقي اغيب يومين تجيبوا دوبلير وتحاكمونى يا ولاد ال....................

ساعتها هبقي مبسوط اوى وربنا لاننا شعب يخاف ميختشيش

كل اللى يعرفة عن الحرية انة يبقي بجح ولما حد يكلمة يقولة هو انا كلمتك

مع احترامى لكل من سهموا فى ثورة شريفة ولكنها اجهضت بفعل هرلاء الحمقي

من امثال من كسروا حيطة اما السفارة وروحوا ناموا وحسوا انهم ابطال

واللى راح وقف ادام الداخلية وهو اصلا مش عارف لية وبيزيط وخلاص

كلامى كلة عن تجربة لانى كنت فى التراس اهلاوى وادرى واحد بالناس دى كويس

رغم ان فيهم ناس محترمة كتير بس افضل حل تعتبر انك من دبي لحد ما كل دول يتعبوا

وترجع البلد تمام تانى ساعتها كل واحد هيخش جحرة ومش هيفكر يبرطم زى ما بيعمل دلوقتى

واخيرا اتمنىمكونش زعلت حد منى واسف على الاطالة

ahmadkader

11-09-15, 01:09 PM

السجن المشدد لعز وعسل 10 سنوات ورشيد 15 سنة فى قضية تراخيص الحديد

ahmadkader

11-09-16, 09:29 AM

mohamed fareg

11-09-16, 11:23 AM

عاجل | للأهمية القصوى | رداً على تساؤلات بعض الأعضاء هو ليه عفروتو مسح مشاركاته ، برجاء متابعة المشاركات دى و إنتوا تعرفوا السبب:

http://www.egypthunt.net/showpost.php?p=199606&postcount=3

http://www.egypthunt.net/showpost.php?p=199823&postcount=10

ضبط تشكيل عصابى تخصص فى الإتجار بالصواعق الكهربائية عبر "الفيس بوك"
http://www.youm7.com/news.asp?newsid=493234&secid=203&issueid=0

الواحد يحاول انة يمشي صح ويدافع عن نفسة ويخلي معاة حاجة يدافع بيها عن نفسة يقولوا علية بلطجي ولما يكون هناك شباب بيحاول انة يساعد نفسة وهم طلاب جامعيين يتقال عليهم تشكيل عصابي بيساعدوا البلطجية ,, البلطجي مش محتاج صاعق لانة معاة اقل حاجة فرد حي وفي ناس معاها رشاشات ماشية بيها ايوة واللة العظيم رشاشات حية ولما بيبلطجوا علي حد بيطلعوا من 3 او 4 افراد مع بعض راكبيين موتيسكلات , وربنا وحدة هو الستار

doos99

11-09-16, 11:57 AM

الواحد يحاول انة يمشي صح ويدافع عن نفسة ويخلي معاة حاجة يدافع بيها عن نفسة يقولوا علية بلطجي ولما يكون هناك شباب بيحاول انة يساعد نفسة وهم طلاب جامعيين يتقال عليهم تشكيل عصابي بيساعدوا البلطجية ,, البلطجي مش محتاج صاعق لانة معاة اقل حاجة فرد حي وفي ناس معاها رشاشات ماشية بيها ايوة واللة العظيم رشاشات حية ولما بيبلطجوا علي حد بيطلعوا من 3 او 4 افراد مع بعض راكبيين موتيسكلات , وربنا وحدة هو الستار

ربنا يسطر علينا و عليك و علي البلد كلها