مسدس 8 ملم , طلقات صيد

[,, مسلم ,,]

السلام عليكم ورحمة الله وبركاته

هناك مسدس 8 ملم طلقات صيد

سعره 500 جنيه , يباع عند فتح الله في المنشية - الإسكندرية

ايه رأيكم فيه ؟؟ ويعني ايه طلقات صيد ؟؟ بلي ولا حاجة تانية ؟؟

مواصفات المسدس كتبتها كما سمعتها ( ومعلوماتي في السلاح بسيطة جدا جدا )

أنتظر نصائحكم

وشكرا لكم

[jamayka]

موضوع مسدس صيد دا -و اعذرنى فى اللفظ- اشتغالة عشان يبيع مش اكتر و استغلال لقلة خبرة بعض الناس
و مسدسات البلى و اى مسدس صوت يستخدم لغير الصوت فيه مسائلة قانونية و خطورة عليك
اللهم بلغت اللهم فاشهد

[,, مسلم ,,]

موضوع مسدس صيد دا -و اعذرنى فى اللفظ- اشتغالة عشان يبيع مش اكتر و استغلال لقلة خبرة بعض الناس
و مسدسات البلى و اى مسدس صوت يستخدم لغير الصوت فيه مسائلة قانونية و خطورة عليك
اللهم بلغت اللهم فاشهد

شكرا لك على اهتمامك ونصيحتك

لكن المحل الذي يباع فيه محل معروف وأكد أن سليم من الناحية القانونية

على كل ,, ما يهمني : هل يصلح للدفاع عن النفس ؟؟

شكرا لك

[jamayka]

ارجع اقولك مش سليم من الناحية القانونية ولا الفنية الكلام واضح و خطورته الاولى عليك قبل متكون على اللى قدامك

[jamayka]

و بالنسبة لان المحل معروف (اعرفه من فترة) دا ميمنعش ان البياع يقول كلمتين زيادة فى حق بضاعته

[,, مسلم ,,]

الله يكرمك

طب في حاجة تنفع للدفاع عن النفس وتكون في السليم

معلش تعبت حضرتك معايا

[jamayka]

اولا الحامى هو الله
شوف يا سيدى لو تفكيرك متجه لاستخدام سلاح نارى فى الدفاع عن النفس يبقى مفيش قدامك الا الترخيص ثم الترخيص ثم الترخيص
لو متقدرش ترخص او تقدر تستغنى عن السلاح النارى فى الدفاع عن نفسك يبقى خير و بركة و كفى الله المؤمنين شر القتال و تكتفى بأى شئ تجيد استخدامه ايا كان
و لازم تعرف حاجة السلاح مش هيبعد عنك الاذى و ياما ناس قابلو وجه كريم بسبب سوء استخدام او سوء توقيت فى الاستخدام و ياما ناس برضو اتثبتوا و اتقلبوا فى فلوسهم و السلاح اللى معاهم
القصد من الكلام ان الازمة مش ازمة امتلاك سلاح قد ما هى ازمة طريقة تفكير و اتمنى اكون قدرت افيدك

[الشبح المصرى]

مع احترامى لكل الاراء اللى بتقول بلاش السلاح النارى واستخدم اى شيئ علشان تبعد عن المسائلة القانونية فا احب اسال سوال اللى بيقول النصيحة دى وهو لم شال مطوى او سكينة ده هيعفيه من المسائلة القانونية ؟ ولا لو اتمسك فى كمين بشومة هيسبوه كده كده هيتبهدل وهيتقرف لان القانون فى بلدنا مش بيطبق الا على الناس المحترمة وبس والبلطيجية والحرامية معاهم السلاح فيا ريت بلاش نصائح تودى فى داهية تنصحه انه يبعد عن السلاح النارى ويشيل سيف مثلا يعنى بطلعه من نقرة بتوقعه فى دحديرة لا حول ولا قوة الا بالله

[jamayka]

مع احترامى لكل الاراء اللى بتقول بلاش السلاح النارى واستخدم اى شيئ علشان تبعد عن المسائلة القانونية فا احب اسال سوال اللى بيقول النصيحة دى وهو لم شال مطوى او سكينة ده هيعفيه من المسائلة القانونية ؟ ولا لو اتمسك فى كمين بشومة هيسبوه كده كده هيتبهدل وهيتقرف لان القانون فى بلدنا مش بيطبق الا على الناس المحترمة وبس والبلطيجية والحرامية معاهم السلاح فيا ريت بلاش نصائح تودى فى داهية تنصحه انه يبعد عن السلاح النارى ويشيل سيف مثلا يعنى بطلعه من نقرة بتوقعه فى دحديرة لا حول ولا قوة الا بالله

حضرتك اقرا كلامى تانى واحدة واحدة الراجل بيقول عايز حاجة يدافع بيها عن نفسه فنصحته يبعد عن السلاح النارى الا لو قدر يرخص و معنى كلامى لما قولتله استخدم اى حاجة تقدر تستخدمها دا مش معناه انى بشجعه على استخدام سلاح ابيض و لولا تسرعك فى الرد كان ممكن تعرف ان ابسط شئ ممكن استخدامه كسلاح حتى لو ميدالية مفاتيح و كلامى مع الراجل فى وضعية الدفاع عن النفس يعنى مش بقوله شيل سيف و بحرضه على البلطجة زى ما سيادتك فهمت
و اخيرا هرد عليك بنفس الجملة اللى كتبتها للأخ الكريم فى الرد على استفساره
القصد من الكلام ان الازمة مش ازمة امتلاك سلاح قد ما هى ازمة طريقة تفكير