السلام عليكم ورحمه الله وبركاته



انا عضو جديد في المنتدي وبصراحه المنتدي ده رائع جدا علشان في كافه المعلومات والاحترام والتعاون
وارجو انكم تفيدوني بعلوماتكم
عايز بندقيه رقم 2 للصيد تكون قويه وفي حدود من 300ج الي 500ج
ارجو انكم تفيدوني باسرع وقت

اهلا وسهلا بيك ياماندو في المنتدي - بالنسبه للسعر اللي انتا حاطو ده ميجبش الا بندقيه رمسيس او صيني وبصراحه من رأيي خساره فيهم ال 10 جنيه بجد لانهم اردئ انواع البنادق - ممكن تحط ع ال 500 دي 400 كمان وتجيب نوريكا 56 اسباني من عند فتح الله في رمسيس ودي انا اشتريتها من كام شهر ممتازه جدا جدا لصيد اليمام والحمام وقويه وبتستحمل - ده رأيي ياباشا وتقبل تحياتي - نوريكاوي

الاخ العزيز ماندو
المباغ الي انت حاطة قليل علي بندقية قوية زي ما انت بتقول
يعني مش ها تخرج عن المعادي او الصيني

الأخ العزيز ماندو المبلغ اللى انت حاطو يكفى بندقية صينى او المعادى و انا ماجربتش المعادى بس جربت الصينىوهى بندقية حلوة وبتصيب لكن لو انت عايز حاجة جامدة و ترقد صح انت بتتكلم فى 1200 جنية اقل حاجة ودول يجيبوا gamo shadow 1000 وهى بندقية حلوة جدا وبتدى مسافة كويسة اوى وترقد الحمام واليمام و متقوموش من مكانه
وده حسب معلوملتى

شكرا علي الردود الحلوه دي بس انا لسه مبتدا في الصيد الاول ابدا بحاجه خفيفه وبعدين اشتري حاجه حلوه ولا ايه
وتاني مره بشكركم الردود و علي تعاونكم معايا

وهو مين الاحسن الصيني ولا المعادي ولا رمسيس ؟؟
انا عارف رمسيس والمعادي بس معرفش الصيني ممكن حد يفدني عن الصيني ولو حد عند وحده صيني الرجاء بس يورينا الصور بتاعتها لو يقدر ويقولي هي حلوه ولا لا

ها تلاقي الصيني عند فتح اللة وابو ضيف واسعارها من 500 الي 1500 جنية

بس يا مان انا عندى الصينى انت اول لما تجبها هتلقيها حلوه بس بعد شويه مش هتعجبك بالنسبه ليك انت بتقول مبتداء انك
انك مبتداء انت لو عايز تتعلم هات رمسيس هتكون احسن من الصينى ليك لان الصينى هتعقدك وعلى العموم الراى راجع ليك
راجع ليك

معني كلامكم يعني رمسيس احسن من الصيني والمعادي ؟؟؟
طب معلش هتعبكم شويا مفيش وحده احلي منهم كلهم في حدود 700ج او 750ج ؟؟

ياماندو باشا طالما انتا مستعد تحط 700 ج حط عليهم كمان 200 يبقو 900 وهاتلك نوريكا 56 من فتح الله والله العظيم انا شاريها من 3 شهور روعه روعه وجمده وعلي بعد مثلا 30 متر تضرب بيها اليمامه ترقدهالك ع الارض وهيا علي فكره اسباني والرش بتاعها قوي وومتاز نمره 2 هيا بجد هاتها ومش هتندم وسيبك بقا من الصيني والمعادي ورمسيس وجيزه والهرم وميدان لبنان هههههه وكل الكلام ده - تحياتي ياباشا - نوريكاوي - دنا حتي سميت اسمي نوريكاوي عشان عجباني ههههههه

خلاص ان شاء الله نيوركا 56 وجزاكم الله خير علي اهتمامكم بالموضوع بس حبيت اسال سؤال هو انا لو حبيت اجيب منظار اي منظار ؟؟؟
وهل اي منظار يركب علي اي بندقيه يا ريت تردو عليا علشان السؤال ده هو الي محيرني جامد وهو ده المهم

ممكن زى مقال نوريكاوى انك تطمل على الفلوس الى معاك وهات واحده نوريكا منها هتتعلم ومنها هتصطاد بدل ما تشترى رمسيس او الصينى وترجع تشترى واحده تانيه

طب يا جماعه هو اي منظار يركب علي اي بندقيه؟؟؟

ازيك يا نادو عملت ايه

خلاص نويت ان شاء الله علي نيوركا 56 بس مش عارف في سؤال فني هو اي منظار يركب علي اي بندقيه؟؟؟

نوريكاوى انا كمان عايز اجيب بندقية نوريكا زى ما قلت بس خايف يتضحك عليا اعمل ايه ؟؟؟؟

لا الصراحه النيوركا معروفه في المنتدي دي بندقيه رائعه والاخ نيوركاوي عضو رائع ايضا اسم علي مسمي

ايه يا جماعه انتو جيتو علي الاسئله المهمه وسيبتوا الموضوع ؟؟ اصل اناوالدي عايش في الكويت وهناك المنظار رخيص جدا في حدود 250 جنيه الواحد بس انا خايف يجيب لي واحد ميركبش علي البندقيه علشان كده بسال

ايه يا شباب انتو فين ؟؟

بالنسبه ليك يا ايجيبشن هات النوريكا وتوكل علي الله هتلاقيها ب 900 ج في فتح الله ممكن تكون بقت ب 1000 دلوقتي لانو انا شاريها من 5 شهور بس انشاء الله مازادتش.

ازيك ماندو حبيبي معلش اتاخرت عليك في الرد - والله بالنسبه للنوريكا 56 مش محتاجه منظار ده رأيي ولو عاوز في نوع كويس قوي ورخيص انا برضو شريتو من السعوديه ب 190 ريال بس ممتاز جدا مع انو صيني بس كل الناس شارياه وعايش معاهم وانشاء الله ارفعلك صوره العلبه بتاعتو هههههههه لانو بصراحه مش مكتوب عليه اسم شركه او حاجه - وبكرر اسفي علي تاخير الرد

لا يا باشا مفيش اي حاجه بس كنت عايز اسالك سؤال هو الصيني ده موجود في مصر ؟؟؟
وبانسبه للمنظار الديانا هو في احجام كتير بس فروق السعر بسيطه مين الاحسن الصغير ولا الكبير

نصيحة الي عايز يجيب بندقية كويسة يسأل عن سرعتها وياريت انها لاتقل عن 195 متر في الثانية
علشان يستمتع بالصيد اسأل مجرب ولكم التوفيق جميعا

طب وهي النيوركا 56 سرعة الطلقه كام متر في الثانيه؟؟؟

سرعتها حوالي 160 متر في الثانية ولو عايز تعرف السرعات ادخل علي موقع نوركا او جامو او اي موقع وحدد البندقية الي انت عايزها واعرف السرعة والوزن والطول وكل المعلومات الي انت عايزها

نصيحة لك يا ماندو .. انك تبدأ ببندقية حلوة علشان تحببك فى الصيد لان البندقية التعبانة ح تخليق تزهق بسرعة وتترك الهواية وانت لسه على الباب

والله كلام حلو يا اخ وليد الشميسي وشكر علي اهتمامك بالموضوع وعلي النصيحه الحلوه بس معني كلام هي النيوركا56 في احسن منها بنفس السعر او السعر قريب منها شويه ؟؟؟

السلام عليكم يا اخ جلال شكرا علي اهتمامك بالموضوع انا سامع عنك في المنتدي انك صاحب خبره عاليه في السلاح لو تسمح بسؤال هو مسدس الصيد اليمام والعصافير كدا يعني احسن من البندقيه ولا ايه رايك ؟؟ وهل اغلي ولا لا بالنسبه لنيوركا 56 يعني باختصار مبن الاحسن من حيث القوه والسعر؟؟

صباح الفل ياماندو
طبعا البندقية احسن من المسدس انها بتديك مسافات اعلي وايضا قوة احسن هذا بطبيعة الحال علي التركيز الاعلي في البندقية لانك ها تتحكم فيها اكتر من المسدس .

شكر يا اخ جلال علي التبسيط في الموضوع
طب معلش هي النيوركا 56 فيها خاصيه تركيب المنظار وهل اي منظار ولا لا؟؟

اي بندقية ممكن يتركب عليها سكوب بس عايز اقول حاجة مهمة جدا احنا بنستخدم السكوب علشان نضرب علي مسافات انما البندقية ال 56 مسافتها مش بعيدة ممكن يتركب علي ديانا او جامو هانتر او مارفك يعني احنا بنستخدمة مع اليمام القمري علي مسافات او الحمام البري

مين الاقوي البندقيه دي ولا نيوركا 56 ودي سعرها كاام

http://images.bidorbuy.co.za/user_images/953/432953_090221122629_xsb4a.jpg

ودي صوره كمان لنفس البندقيه
http://gunshop.com.ua/products_pictures/bamb4_m.jpg

علي فكرة يا ماندو شركو ويبلي من اشهر واحسن الشركات
التي تنتج البنادق في العالم

متعرفش البنادق دي بكاااااام؟؟

البندقية الي في الصورة دي عندي و دي صيني تعملها ديلوقتي 600 او 700 جنيه