بندقية بايونيير صينى نمرة 2 [الأرشيف]

lilkapo

11-06-10, 07:01 PM

السلام عليكم اعضاء المنتدى الكرام والله النهاردة وقعتلى بندقية بيونيير صينى نمرة 2 هيا محتاجة شوية شغل خفاف وتبقى زى الفل بس انا كنت عاوز اعرف بس بعض معلومات عنها واتمنى انكم تفيدونى بمميزات وعيوب البندقية دى علما انها محتاجة نشينكاة خلفى فهل يركب عليها حاجة من نوع تانى وكدة يعنى ووعلى فكرة مكتوب عليها ورقة بيضاء على الدبشك مكتوب فيها ان البندقية هاى بور فهل دة فعلا حقيقى لان صاحبها عاوز فيها اى فلوس وانا مستحرمها لان فعلا سوستها قوية لانى ضربت بيها حوالى 30 رشة وبتخترق اى حاجة قدمها بس برضو هستنى ارائكم وخبرتكم علشان اعرف اتمنها صح
الرجاء المساعدة من من يعرف اى معلومة عن تلك البندقية

sameer

11-06-10, 07:03 PM

و الله ما اعرف يا باشا بس ياريت تحط صور ليها عشان لو حد من اخواتنا شافها ممكن يعرفها

وبالتوفيق انشاء الله

lilkapo

11-06-10, 07:10 PM

و الله ما اعرف يا باشا بس ياريت تحط صور ليها عشان لو حد من اخواتنا شافها ممكن يعرفها

وبالتوفيق انشاء الله

اولا اشكر مرورك لكن انا مش معايا صور ليها بس انا كزا مرة سمعت فى المنتدى اسم ونوع البندقية دى فاعتقد ان هلاقى ناس تعرفها فاتمنى كل الى عندو خبرة ميبخلش عليا بالمعلومة علشان لو كدة اضمها لنادقى ومع الشكر للاعضاء المحترمين اعضاء منتدى الصيد بمصر

Android man

11-06-10, 07:45 PM

علي البركة يا سيدي ولما اجي ادهن البنادق بتاعتي ابقي هاتها ادهنهالك بلمرة

lilkapo

11-06-10, 08:36 PM

علي البركة يا سيدي ولما اجي ادهن البنادق بتاعتي ابقي هاتها ادهنهالك بلمرة
الله يبارك فيك بس انا لسة مبقتش بتاعتى رسمى مستنى بس الناس تقول ان كانت تستاهل ان الواحد يجيبها ولا لا
يعنى من حيث سرعتها وقطع غيرها وسعرها وكدة وانا اتمنها صح بعد كدة كمان خلص امتحانات ونروح سوى زى متفقنا

mahmoud11144

11-06-10, 08:58 PM

الف الف مبروك ياباشا بس ياريت صور ليها
عشان نقدر نساعدك
بالتوفيق...

lilkapo

11-06-10, 10:30 PM

عموما انا حاولت اصورها بس تقريبا الصور مش واضحة لكنا مكتوب على الورقة البيضاء الى اسفل الدبشك معلومات عن البندقية ومكتوب انها ها بور بس انا عاوز بس اعرف راى الناس فيها هيا نمرة 2 واسمها بيونير وصينى دة كل الى مكتوب عليها فاتمنى بجد تقولولى ان كانت تستاهل انى اخدها ولا لا انا ممكن اخلص فيها على 300 جنية مثلا بس هيا زى مقولت محتاجة شوية شغل يعنى عاوزة ناشينكان خلفى وامامى كمان لو امكن والدبشك عاوز يتروق علية شوية لكن باقى الحجات يعنى السوستة الجلبة كلها تمام اووووووووى انا اتاكدت بنفسى يا خبراء المنتدى افيدونا افادكم الله

صائد البوم

11-06-10, 10:43 PM

مش هاي بور خالص دي بيونير السرعه لا تتعدي 180 لو نمره اتنين

lilkapo

11-06-10, 10:48 PM

مش هاي بور خالص دي بيونير السرعه لا تتعدي 180 لو نمره اتنين
والله يا صاحبى دة الى مكتوب على الورقة دى وهيا جاية بيها يعنى صاحبى شريها بيها
كمان انا سعيد انها عندك فهل تقدر تقولى ممكن اخدها على كام بحالتها دى وابقى كسبتها
وهل هيا بندقية كويسة ولا لا وهل قطع غيرها موجودة وموضوع النشينكانات الامامى والخلفى ممكن القاهم ولا لا ولو مش موجودين يركب عليها نشينكانات اية بالضبط كبديل يعنى يريت تساعدنى وتفهمنى عنها كل حاجة ان تكرمت
واشكر مرورك الكريم

omarara

11-06-10, 10:57 PM

متفكك من الناشنكات وتجيبلك سكوب صغير

lilkapo

11-06-10, 11:03 PM

متفكك من الناشنكات وتجيبلك سكوب صغير

والله يا صاحبى نفسى اجرب التلسكوبات لكن قلقان لانى سمعت انى لو ضابط اعترضنى بتبقى مشكلة كبيرة جدا وبيعاقب علية عقاب السلاح الحى وبلدنا اليومين دول ظروفها صعبة والجيش مس بيتفاهم ههههه ربنا معاهم
بس هيا دى الفكرة انى امشى بالسليملحسن تيجى على حظى واتحبس وانا عندى عيلين عاوز اربيهم بصراحة

omarara

11-06-10, 11:34 PM

والله يا صاحبى نفسى اجرب التلسكوبات لكن قلقان لانى سمعت انى لو ضابط اعترضنى بتبقى مشكلة كبيرة جدا وبيعاقب علية عقاب السلاح الحى وبلدنا اليومين دول ظروفها صعبة والجيش مس بيتفاهم ههههه ربنا معاهم
بس هيا دى الفكرة انى امشى بالسليملحسن تيجى على حظى واتحبس وانا عندى عيلين عاوز اربيهم بصراحة

هههههههههههه
ربنا يخليهملك
ده على كده انا آخد إعدام ده إحنا بنصطاد قدام القسم بالبنادق وكلهم بتلسكوب واصلاً الكرال شكلها بندقية حيه
كتيير بحس ان العساكر خايفين وعامليين مش شايفنا هههههههه

lilkapo

11-06-11, 12:16 AM

هههههههههههه
ربنا يخليهملك
ده على كده انا آخد إعدام ده إحنا بنصطاد قدام القسم بالبنادق وكلهم بتلسكوب واصلاً الكرال شكلها بندقية حيه
كتيير بحس ان العساكر خايفين وعامليين مش شايفنا هههههههه

والله قبل متجوز واخلف مكان بيهمنى لكن الوقت ماشى بمبدا من خاف سلم
وبعدين انا بنشن كويس جدا جدا الحمد لله من غير سكوب
انا بس عايز نشينكانات جديدة وتبقى تمام اووووى كدة فلو حد يقدر يفيدنى اجيب للبندقية دى طقم نشينكانات امامى وخلفى لبندقية اية يبقى كتر خيرو
انتظر المزيد من المعلومات عن البندقية وقطع غيارها او البديل

mahmoud11144

11-06-11, 12:35 AM

lilkapo

11-06-11, 12:39 AM

البندقية دي رائعة فعلا وقوية جدا واللة وعن تجربة بس لما تكون بحالة جيدة
وعيزها فعلا هاي بورو هتلها جلبة وسوستة اسباني بس عيبها الوحيد الموسوجر الي فيفتح الماسورة
لانة سعات بيبقي فية لئة ودا بياثر علي دقة النشان بس روئها انت وهتبقي فل الفل
ومبروك عليك وهي صناعة صيني بس موديل قديم ..

ربنا يكرمك على ردودك الى فعلا بتساعدنى على اتخاز القرار وان شاء الله هحاول اخدها باقل تمنى لو نفع وهبدا اروق فيها واحدة واحدة وان شاء الله ارجعها لحالة الفبريكة وانزل اجربها قريب ان شاء الله
بس هيا المشكلة فى النشينكانات عاوز اجيب اتنين جداد امامى وخلفى فهل اقدر اوفق عليها نشينكانات بندقية معينة ويكونو كويسين وحاجة حديثة شوية ولا صعب دة الى عاوز اعرفو بس لو حد يقدر يفيدنى اكون شاكر

mahmoud11144

11-06-11, 12:56 AM

sameer

11-06-11, 06:59 AM

لو النشنات حديد ودا اكيد هقولك علي طريقة
بص يا كبير انت هتورح اي ورشة خراطة او لحام وهتخلية يشيل النشان الخلفي (يقطعة بالصاروخ) وهتجيب نشان
اي بندقية مثلا صيني اي نوع وهتلاقي في النشان خرمين خرم امامي وخرم خلفي وهتخلية يخرم خرمين ويمشتهم سن سبعة بس خلي بالك اوعي الخرام توصل للماسورة من جوة تيقي مشكلة خليهم علي خفيف
وهتجيب مسمارين سبعة واحد صغير اوي والتاني كبير شوية الصغير هتربط بية النشان من الامام والكبير هتربط بية النشان من الخلف الامامي هيثبت النشان بالبندقية والخلفي هتظبط بية النشان
واي استفسار انا في الخدمة ..

يقطع ايه بس يا حودة حرام عليك النشان بيبقا مربوط بمسمار وبيتفك منه هو ممكن يكون مستخبي بس موجود لو قكيت المسمار ده حيتفك النشنكان وبعدين سهلة بقا تجيب واحد جديد وفسفوري لو عايز وركبه وعيش او خد معاك البندقية للي حتشتري منه النشان وخليه يجيبلك احسن نشان يركب على البندقية

انما لو النشنكان ده معمول في البندقية حتة واحدة يبقا ما قدامكش غير انك فعلا تقطع وتعمل الكلام بتاع حودة

mahmoud11144

11-06-11, 09:16 AM

يقطع ايه بس يا حودة حرام عليك النشان بيبقا مربوط بمسمار وبيتفك منه هو ممكن يكون مستخبي بس موجود لو قكيت المسمار ده حيتفك النشنكان وبعدين سهلة بقا تجيب واحد جديد وفسفوري لو عايز وركبه وعيش او خد معاك البندقية للي حتشتري منه النشان وخليه يجيبلك احسن نشان يركب على البندقية

انما لو النشنكان ده معمول في البندقية حتة واحدة يبقا ما قدامكش غير انك فعلا تقطع وتعمل الكلام بتاع حودة

يا صباح الفل يا سمير
انا معرفش واللة يا صاحبي ان النشان بمسمار اصل انا الي كانت عندي كان النشان ملحوم
معلش يا باشا لو بمسمار حلة ...
تحياتي ياباشا....

lilkapo

11-06-11, 10:53 AM

انا معرفش واللة يا صاحبي ان النشان بمسمار اصل انا الي كانت عندي كان النشان ملحوم
معلش يا باشا لو بمسمار حلة ...
تحياتي ياباشا....

والله هتاكد وارد عليك يا حودة والله انتا ونعم الاخ ربنا يبارك فيك

كمان كل الشكر للاخ سمير وبرضو هرد عليكم وتفيدونى باحسن طريقة

sayed allaa

11-06-11, 09:07 PM

البندقية معقولة كويسة يعني
و كل البنادق بتصطاد يعني
المهم يبقى عندك واحدة
بس اهم حاجة انك تتأكد ان النشان الخلفي فيه منو في السوق
لازم تشوف بديل له قبل ما تشتريها عشان لو اشتريتها متتعبكش خصوصا انك قلقان من موضوع التلسكوب
و بالنسبة لموضوع ان النشان ملحوم لازم تتأكد من الموضوع ده في البندقية عشان لو ملحوم و عاوز تغيره هيتعبك
و لو قصيت النشان هتبوظ البندقية و هتيجي تلحم النشان الجديد ممكن تقع في مشاكل
زي ان النشان بيجيب فوق الهدف و انت منزل النشان على الاخر او العكس او بيجيب يمين و انت جايبه شمال على الاخر
انا من رأيي لو النشان ملحوم و بايظ
يبقى شوف واحدة تانية
انما لو بمسمار يبقى عادي بس تتأكد ان لييه بديل في السوق

mahmoud11144

11-06-11, 09:35 PM

والله هتاكد وارد عليك يا حودة والله انتا ونعم الاخ ربنا يبارك فيك

كمان كل الشكر للاخ سمير وبرضو هرد عليكم وتفيدونى باحسن طريقة

يا صاحبي انت تامرني واللة
وانا هعمل الي اقدر علية يا غالي وربنا يوفقك يا صاحبي ...
تحياتي يا غالي.....

lilkapo

11-06-11, 10:07 PM

يا صاحبي انت تامرني واللة
وانا هعمل الي اقدر علية يا غالي وربنا يوفقك يا صاحبي ...
تحياتي يا غالي.....

للاسف النيشان ملحوم القاعدة بتاعتو ويا جماعة انا فكيت البندقية تعتبر جديدة وقوية جدا جدا والله
اعمل اية اصرف نظر عنها يريت تفيدونى بالصح انا مستخسرها يا جماعة ومش عارف اعمل اية واخرها اخدها بكام

mahmoud11144

11-06-11, 10:13 PM

طيب راجع ردي في الصفحة السابقة ...

lilkapo

11-06-12, 12:00 AM

طيب راجع ردي في الصفحة السابقة ...
اولا الف شكر على اهتمامك وعموما معايا الجت وغنيانى عن اى حاجة بس الفكرة انى قولت اضمها للمجموعة الى عندى بس مشكلة النشينكاة دى وقفت الفكرة عموما هشوف حاجة تانية من المنتدى تقريبا فى واحد حاطط فى السوق بتاع المنتدى واحدة نوريكا اسبورت 5.5 وهشوف اخرو اية هو بيقول 1200 جنية قابل للنقاش لو خلصت بالسعر الى فى بالى هخلص فيها لانى بعشق النوريكا بصارحة بعد مجبت الجيت

mahmoud11144

11-06-12, 01:04 AM

ايوة يا عم ماشية ههههههههههههههههههههههههههههههه
انا بهزر اية اخبار الجيت هيا 1 ولا 2
وبالتوفيق ان شاء اللة وعقبال الديانا ...

lilkapo

11-06-12, 01:50 PM

ايوة يا عم ماشية ههههههههههههههههههههههههههههههه
انا بهزر اية اخبار الجيت هيا 1 ولا 2
وبالتوفيق ان شاء اللة وعقبال الديانا ...

لا هيا نمرة واحد يا كبير وصدقنى لو جربتها وقنيتها مش هتفكر فى اى بندقية تانية دى عبارة عن مدفعية وخفيفة نسبيا كمان نيشانات ثابتةمن اول ضبطة وان شاء الله انا معاكم فى الموضوع الى عملينا فى تجميعا ناس وشرائها جملة لان واحد صاحبى قرفنى ومش عاوز يجيب غيرها واما بخدو معايا بيخلينى اصطاد بالرمسيس وبياخدها هوا ههههههههههههه صحبية خسرانة بس اعمل اية ههههههههههههههههه

bredator

11-06-12, 02:04 PM

دي b1-b2 وقطع غيرها عند شريف 100 شارع شبرا وتسولها من500/700 حسب الحاله

omarara

11-06-12, 02:21 PM

اولا الف شكر على اهتمامك وعموما معايا الجت وغنيانى عن اى حاجة بس الفكرة انى قولت اضمها للمجموعة الى عندى بس مشكلة النشينكاة دى وقفت الفكرة عموما هشوف حاجة تانية من المنتدى تقريبا فى واحد حاطط فى السوق بتاع المنتدى واحدة نوريكا اسبورت 5.5 وهشوف اخرو اية هو بيقول 1200 جنية قابل للنقاش لو خلصت بالسعر الى فى بالى هخلص فيها لانى بعشق النوريكا بصارحة بعد مجبت الجيت

على فكرة البندقية بتاعتو جديدة لانج هو جابها قبلى بكام يوم اصلاً ومحافظ عليها جداً
بس نصيحة البندقية حلوة جداً بس نصيحة شخصية حط فوق ال 1200 دول 300 وهات كرال ماجنوم وفكك خالص من اللى بيقولوا عن مشاكلها هى ليها مشاكل بس قليلة جداً وكمان سهلة الحل
وعن تجربة انا عندى الكرال وعندى السبورت الكرال بجد مدفع يعنى

mahmoud11144

11-06-12, 04:03 PM

لا هيا نمرة واحد يا كبير وصدقنى لو جربتها وقنيتها مش هتفكر فى اى بندقية تانية دى عبارة عن مدفعية وخفيفة نسبيا كمان نيشانات ثابتةمن اول ضبطة وان شاء الله انا معاكم فى الموضوع الى عملينا فى تجميعا ناس وشرائها جملة لان واحد صاحبى قرفنى ومش عاوز يجيب غيرها واما بخدو معايا بيخلينى اصطاد بالرمسيس وبياخدها هوا ههههههههههههه صحبية خسرانة بس اعمل اية ههههههههههههههههه

ههههههههههههههههههه
ماشي يا صاحبي انتا معانا خلاص اوك
وهبلغك بالجديد .....

lilkapo

11-06-12, 04:20 PM

دي b1-b2 وقطع غيرها عند شريف 100 شارع شبرا وتسولها من500/700 حسب الحاله
يا ص احبى مكتوب عليها بايونير وصنع فى الصين وشوية حروف كدة بس والله العظيم ان الدبشك علية ورقة بيضا مكتوب عليها انها هاى بور وعلى فكرة سرعتها وقوة سستتها قوية جدا فعلا مش عارف اخدها وهلقالها نشينكان خلفى علما انها لحام مش مسمار ولا لاوبالنسبة للحالة عيبها الوحيد ان مفيهاش نيشان خلفى وشرخ لا يزكر فى الدبشك وصاحبها عاوز يبعها باى تمن يعنى انا ممكن اخلصها باقل من كدة بكتير